影片
港鐵尖沙咀/尖東站 B2 出口, 步行約3分鐘
繼續閱讀
營業時間
*最後落單時間:
星期日至四: 熟食,甜品21:30 /雪糕,飲品22:15
星期五至六: 熟食,甜品22:00 /雪糕,飲品22:45
星期一至四
12:00 - 22:15
星期五至六
12:00 - 22:45
星期日
12:00 - 22:15
以上資料只供參考, 請與餐廳確認詳情
相關文章
不下已聽過有不少食友說這所小店的出品有水準。今天趁有空檔，就一個人來吃個快lunch....午市set lunch的選擇絕對比想像中少，就只有四款pasta及二三種pizza而已。無奈底下，便點了齋的黑松露牛肝菌意粉....一睇這意粉就知是落足料之作，松露香氣滿滿的，入口亦滿是松露那股極其霸道之味。愛此道者必然吃得心滿意足....除此以外，芝士與菇粒也下得重手，味濃烈非常....不過個人認為缺點是醬汁有點過份地杰稠令人吃得挺有負擔的，而且最重要是意粉本身似乎處理得太軟身太淰了，失去了應有的彈牙質感....最後整個口腔變得極為漿口，要喝一口熱檸水來清清佢....
繼續閱讀
第一次幫襯，總會有一種先入為主的感覺！ 事隔兩年後，再來位於尖沙咀金馬倫道的 L'attitude，已經大不如前嘞！再訪不及第一次！當日星期日，原先，朋友仔想去尖沙咀金馬倫道的 L'attitude 食晚飯，他最想試蝶豆花的星空系列飲品，怎料！星期日只有供應飲品、甜品及雪糕！我們也沒想到！ 難免令人失望！ 加上當時已經 8:00pm，他實在肚餓得很！我帶他走到附近供應粉麵飯的堅貴潮州粉麵店 <潮丸> 醫肚！這裡環境打卡好！ 由牆身圖案、燈、公仔...每一角落影相也不錯！服務方面，當晚只有兩枱食客，店員缺乏主動！餐牌色彩繽紛，圖文並茂！ 令人花多眼亂！ 當中甜品及飲品最特色！杜洛杉磯星空 $38這是蝶豆花蜂蜜檸檬，入口跟普通凍檸水無分別！ 勝在加粒立體方形燈，突出其色澤，變得通透亮麗！ 勝在加粒立體方形燈，突出其色澤！熱棉花糖朱古力 $50自行倒入熱朱古力，穿過看起來似一嚿雲的棉花糖； 我這杯熱朱古力，就算朱古力味濃郁，卻算是少甜！ 有得食又有得玩！夏威夷海灘 $46以香滑甜美的雲呢拿雪糕，配上像針筒唧入藍色的糖漿，糖漿是人工化的味道！ 破壞整體口味！
繼續閱讀
食物1.薯條，夠熱，有薯味2.沙律，偏咸，但好食3.明太子意粉，又咸又膩每人食左一啖就冇食過4.櫻花樹下，雲形棉花糖+心太軟，厄like 影相，味道唔差環境店鋪細細，全部女性客人，燈光又靚，坐滿人都唔覺好嘈服務女侍應笑容親切
繼續閱讀
一個月一次既Girls’ gathering，今次就試下新嘢，呢間係尖沙嘴既cafe細細間，係openrice睇到佢係主打輕主食、打卡、令令飲品等，結果係有少少伏 😅😅 .......我地叫左以下食品：1️⃣煙三文魚凱撒沙律🥗 3.5/5喜愛每一塊沙律菜都有大量芝士碎 ，菜好新鮮，口感爽脆，不過上面既煙肉其實望到佢既顏色...就已經知道唔好食，食落係極度硬乾鞋，煙三文魚我就無食到。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌2️⃣黑松露薯條🍟 2/5已經係一上台用2sec影完相就食，但係薯條口感係稔既，黑松露並無好均勻咁落係薯條上，所以有好多薯條係一粒黑松露都無，有幾條就有一大舊，只可以講廚師唔夠細心。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌3️⃣經典溫泉蛋卡邦尼意粉 🍝 4/5 有溫泉🥚令個sauce變得更滑更creamy，有大大粒魚子增加口感，有少少煙肉同埋菜，意粉口感OK，七十幾蚊既價錢算係唔錯 🙂🙂。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌4️⃣明太子意粉 2/5份量幾多，不過味道就一般，明太子食落係死鹹，成個意粉漿成一舊，口感真係麻麻地 😖😖。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌5️⃣加勒比海鮮薄餅 3.5/5size都唔細，可以切到七大份，而且係薄餅底，可惜口感唔夠香脆；餅面既芝士好多，做到拉絲效果 ，海鮮就有蜆、八爪魚🐙 、蝦🦐 ，仲有d少少菠蘿🍍，百幾蚊既價錢黎講算中規中矩。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌另外，我地都每人order一杯嘢飲，其他人既無試過，不過意見都係一般，我自己個杯就伏伏地......6️⃣青瓜梳打 2.5/5先講講實物同圖片差別太遠......說好的漸變黃到綠呢？！青瓜在我心中係好refreshing既味道同埋口感，呢杯我只飲到有氣人工糖水既甜味，完全無青瓜味 🥺🥺！⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌最後，五個女仔埋單每人$166，食到咁多野呢個價錢都算OK，不過食物飲品都有d伏味。無邊一樣係值得wow，店內裝潢方面係有花點心思 ，同閨蜜飲杯茶食下嘢都OK既，但老實講性價比就唔算高啦。我無想encore既慾望。戴返個頭盔先，見有人話呢度既甜品唔錯，但我地無試，因為食完主食已經無興趣試佢既甜品，最後係轉場食其他甜品。
繼續閱讀
朋友同朋友家人都試過 都十級推薦就帶左我黎威威一入到去既裝橫好夢幻 好多雲朵同公仔 立即少女心爆發！連野食都配合返店鋪既裝修 飲品上面都有雲朵既裝飾 非常得意！我自己就點左綠茶忌廉沙冰，軟綿綿既綿花糖上面灑上紅莓味既碎碎，夾住綿花食 酸酸甜甜 好好味。而綠茶沙冰調較既味道都好合我心意！無綠茶既苦澀又唔太甜，讚讚！然後上左小食 係朋友十級推介既黑松露薯條真係好好味 每條薯條有香濃既黑松露味道 點唔同醬汁 重有多重滋味添！食完心心眼！然後上既主食 都好印象難忘！黑松露牛肝菌扁意粉既意粉硬度煮得恰好 黑松露同牛肝菌融和 簡直一絕！羽衣甘藍就食得多 但羽衣甘藍薄餅就第一次試 味道都相當特別睇得出店主好用心整每道菜 由食物既味道到賣相都一絲不苟！所以好多人都黎食，基本上都要預早訂台先食到嫁！下次一定帶埋其他朋友再黎！回味無窮！
繼續閱讀