影片
港鐵尖沙咀/尖東站 B1 出口, 港鐵尖沙咀/尖東站 N5 出口
繼續閱讀
電話號碼
98330788
營業時間
今日營業
12:00 - 15:30
17:30 - 22:30
星期一至日
12:00 - 15:30
17:30 - 22:30
公眾假期
12:00 - 15:30
17:30 - 22:30
公眾假期前夕
12:00 - 15:30
17:30 - 22:30
以上資料只供參考, 請與餐廳確認詳情
有關獎賞計劃
相關文章
今晚黎左呢一間朋友介紹的泰菜，朋友話食過坐得舒服今晚而且食物味道有保證，所以今晚就黎試吓。一入到餐廳，就覺得佢嘅氛圍好舒服，幾適合打 卡，餐廳仲有室外同室內部分。泰式小食薈萃 $188 六樣入面可以揀四樣香茅雞翼：外表酥脆，好香炸蒜味。泰式蝦多士：大大塊，啲蝦膠好彈牙。紅磚豆腐：炸到外脆內嫩，呢個大推。炭燒豬頸肉：有四塊豬頸肉，肥瘦均勻，燒到好香。炭燒沙嗲雞 $98有三串，佢個雞肉係好嫩，雞皮有啲焦香感，點埋個好香花生味的沙嗲醬食，更加令到雞肉味道昇華。泰式椰子鮮雞湯 $268一上枱就聞到好香椰子味，份量估唔到咁大，都有幾多椰子同雞，飲入口好順滑好舒服。酒香火焰骨 $228以為佢鋪滿晒辣椒碎會好辣，點知唔算辣，個豬肋骨好容易就整得開，咬入口好滑，加上個汁有啲酸辣，幾開胃。泰胡椒和牛炒糯米河 $228牛肉有好多塊，一啲都唔韌，炒得好有鑊氣，河粉係闊身的，入口好煙韌。黑糖椰子雪糕 $68面頭的椰絲，加上冰凍的雪糕，仲有龍眼肉同桃膠等，口感層次好豐富。Painting $78上枱已經心心眼，色彩好繽紛，有好多不同生果同lemonade mix 埋，入口好refresh。芒果椰子沙冰 $68芒果味好濃郁，表面仲有啲芒果肉，夏天飲呢個真係好透心涼。呢到的食物份量真係好大份，而且做得一啲都唔馬虎👍👍如果多啲朋友黎食可以試多啲唔同款的。
繼續閱讀
前排想食泰式嘢又想搵間坐得舒服靚靚嘅餐廳同朋友慢慢嘆就揀咗呢間試咗佢哋嘅brunch set😗個set包咗前菜、湯、無限量供應小食、主菜同甜品，仲配咗杯特色雞尾酒，超多嘢好吸引！前菜有三款：🤍酸辣無骨鳳爪🤍魚子醬紅磚豆腐🤍泰式青醬鮑魚。酸辣無骨鳳爪一上枱已經令我流哂口水，鳳爪去哂骨後，軟腍入味，酸辣醬汁帶啲微辣同檸檬嘅清香，入口爽脆又開胃，好快就食完成碟。魚子醬紅磚豆腐係意想不到嘅驚喜，豆腐外脆內軟，熱辣辣配上魚子醬嘅鹹香同微微爆汁感，口感同味道層次好豐富。泰式青醬鮑魚更加要用高質黎形容，鮑魚鮮嫩彈牙，青醬帶有羅勒同香茅嘅泰式風味，濃而不搶，完美提升咗鮑魚嘅鮮味。三款前菜各有特色！🥰🍲湯品係摩登海鮮冬陰功，真係泰國菜嘅經典再升級！湯底酸辣平衡，椰奶嘅香濃同辣椒、青檸葉嘅刺激感完美融合，飲落暖胃又醒神。海鮮料多到誇張，有鮮蝦、魷魚全部新鮮得一啲腥味都無，每啖湯都充滿海鮮嘅甜味同冬陰功嘅層次感。湯嘅份量啱啱好，唔會太飽，畀人好想快啲試下一道菜。😍無限量供應小食真係今次嘅亮點！特別想highlight 泰式青醬生蝦、馬拉盞炒椰菜、炭燒豬頸肉沙律、金不換肉碎生菜包同泰式蝦多士青醬生蝦蝦肉好爽彈，青醬微辣帶香茅同羅勒香，食落清新又刺激。馬拉盞炒椰菜好香口，椰菜炒到爽脆，馬拉盞嘅鹹香同辣味好搶味，係重口味愛好者嘅心頭好，我同朋友一人一碟！炭燒豬頸肉沙律好有驚喜，豬頸肉燒到外焦內嫩，配上泰式酸辣汁同新鮮蔬菜，酸甜辣兼備，超開胃。金不換肉碎生菜包好玩又好食，肉碎炒得香噴噴，夾雜金不換嘅獨特香氣，用生菜包起來清爽又滿足。泰式蝦多士外脆內軟，蝦膠彈牙，呢款係我最鍾意，簡單但好滋味。呢啲小食可以無限添食，食到飽都唔使怕，服務員仲好貼心，隨時幫你補充。🐟 主菜係香茅剁椒烤魚，賣相同味道都係滿分！魚肉新鮮，烤到外皮微焦，內裏嫩滑，香茅同剁椒嘅搭配好有火花，微辣中帶出香茅嘅清香，仲有啲中式剁椒嘅鹹鮮，味道層次好豐富。魚嘅份量夠大，配飯或者單食都一樣正，食到停唔低！🍨 甜品係黑糖椰子雪糕，為成餐畫上完美句號。雪糕入口即化，椰子嘅清香同黑糖嘅濃郁甜味好夾，甜度啱啱好，唔會太膩。食完一輪濃味菜式，呢款雪糕清涼又解膩，令人好滿足。賣相都好精緻，感覺好有心思。呢間泰式餐廳真係令人驚喜連連！前菜精緻開胃，湯品濃郁正宗，無限量小食多樣又好食，主菜創意滿分，甜品同雞尾酒更加錦上添花。服務員好有禮貌，仲會主動問你小食要唔要添，服務真心到位。雖然peak hour 可能要等位，但食物嘅質素同創意完全值得，所以可以嘅話，就book定啦！如果要挑剔，可能係小食選擇太多，食到後面有啲飽，enjoy唔哂個無限量供應🤣如果你鍾意正宗泰國菜，又想有新鮮感同高質體驗，呢間餐廳真係大推！👍🏻
繼續閱讀
想同朋友舒舒服服食晚飯，選了這間裝修別致，用餐環境舒適的泰國餐廳。先上泰式小食薈萃香茅雞翼，真正皮脆肉嫩泰式蝦多士，多士配原隻蝦連蝦尾，香脆。炭燒豬頸肉，肉質精緻，半肥瘦的搭配加上醬汁，讓每一口都充滿層次感。酸辣無骨鳳爪則是開胃的選擇，辣味十足。接下來的炭燒沙嗲（雞），三串的份量足夠，自家調配沙嗲醬的風味十分出色，讓人感受到濃濃的泰式風情。泰式椰子鮮雞湯以奶白色的湯頭和濃郁的椰子味，很養生的一款湯水。酒香火焰骨的點火儀式為整頓增添了不少趣味，兩大件的份量足，可以感受到豬軟骨的嫩滑與脆骨的口感，酸辣的醬汁恰到好處。泰胡椒和牛炒糯米河則以重牛肉味著稱，鑊氣十足，和牛肉片的醇厚搭配韌性的糯米河，口感極佳，讓人一試難忘。lychee rose則以玫瑰與荔枝味相互融合，清新可口。Painting: 多款水果特製的飲品，味道豐富又可解膩最後，店員推薦的甜品黑糖椰子雪糕，薄薄的黑糖醬搭配椰子雪糕，配料豐富，包括桃膠、圓肉、愛玉和椰子乾，每一口都讓人驚喜。想讚一讚這裡職員態度友善，整體用餐經驗愉快～
繼續閱讀
環境舒服又坐得舒服，啱晒約朋友傾住偈食泰國菜👍🏻入面裝修得好靚，似食西餐😂原來仲有室外，似乎係酒吧黎！環境唔錯💕泰式小食 $188係兩人份量嚟嘅，有四種小食😗紅磚豆腐，香茅雞翼，炭燒豬頸肉，酸辣鳳爪！其中酸辣鳳爪最令我深刻，食完仲想繼續食😂酸酸辣辣好開胃！紅磚豆腐，入面好嫩滑，點酸辣醬一流👍🏻炭燒沙嗲雞串 $98好Juicy ，高質！再點埋晒沙嗲醬❤️🔥好好味啊！酒香火焰骨 $228成晚最深刻呢個菜！又睇得又食得😂店員首先係你面前會將酒點火，再倒落去個菜度，好似食火焰蛋糕咁😂好多紅椒綠椒，以為會好辣，點知唔係好辣，仲要好addictive 食完係咁想食！個 骨絕對唔會食到好論盡，有啲軟骨同細骨，都係可以有儀態咁樣切開慢慢食，唔怕失禮😂😂絕對推薦！！黑糖椰子雪糕 $136完全係超出我想像預期，佢仲有啫喱，桃膠，椰子碎，多重口感，味道好豐富👍🏻😆雖然係貴咗啲，但係值得一試！Mue punch $68酸酸甜甜嘅味道，好解辣👍🏻賣相好靚，女士一定會好鍾意！入面有柚子蘋果菠蘿西柚，好飲呀！
繼續閱讀
位於尖沙咀的泰國菜餐廳。開在美麗華的這間泰式餐廳超好打卡且有夠夢幻，精緻處處的花花佈置，主打花花主題及綠化的裝潢，整體開揚又小清新，另外更有戶外座位，用餐更是悠然舒適，真的很適合和朋友小歇聚餐呢。 ⋆_____ᴛᴏᴛᴀʟ ᴏʀᴅᴇʀ______⋆ ✿ 泰式小食薈萃 $188分別選了四款小食：鳳爪、豬頸肉、香茅雞翼及蝦多士。一次過滿足四個願望！幾款都香口惹味，但最喜歡莫過於香茅雞翼；外皮炸得金黃香脆，肉汁爆發，濃郁香茅香氣突出，惹味不油膩。.✿ 炭燒沙嗲牛肉串 $108這道炭燒沙嗲牛肉串確實令人驚喜；牛肉肉質鮮嫩多汁，完全沒有坊間常見的乾柴口感。蘸沾沙嗲醬後更見香濃惹味，炭火香氣充分滲入牛肉，每一口都充滿南洋風味，比一般市面上的牛肉串更出色呢。.✿ 泰式椰香鮮雞湯 $268吃泰式料理就是要喝口暖湯吧，湯底融合了椰奶的醇香與泰式香料，入口鮮甜順滑，層次豐富；雞肉更是亮點，肉質非常嫩滑，完全顛覆了平時雞湯的雞肉就是乾柴的印象；可惜雞肉份量有點少，吃得不太過癮呢。.✿ 酒香火焰骨 $228這道菜式的呈現極具儀式感，上菜後會即席淋酒點火，瞬間燃起的火焰，很是壯觀呢。排骨的調味相當入味，而肉質整體算是嫩滑，但韌的部分也是有的。而個人口味關係，因此未算很喜歡這種烹調方法的火山排骨。.✿ 泰胡椒和牛炒糯米河 $228糯米河的質感比起一般河粉更富嚼勁，吸收了泰式胡椒的辛香與和牛的油脂香氣後，整體味道濃香；河粉炒得乾身不油膩，和牛的嫩滑與糯米河的Q彈煙韌形成絕妙對比，是我很喜歡的口感呢！.✿ 黑糖椰子雪糕雪糕是MVP!質感Creamy綿滑不用說，而且更搭配創新的配料：清潤的桃膠及竹蔗茅根啫喱，而頂層更鋪滿焗烤過的脆卜卜椰絲；入口更帶有黑糖香氣，口感層次豐富又濃郁，值得留肚吃呢！ .✿ Drinks: Evergreen / Strawberry milk
繼續閱讀