9
1
0
開飯介紹
擁有百年歷史的稻菊首次進駐星際酒店,是澳門的首個並唯一一個據點,更入選為2009及2010年「米芝蓮指南」,成為米芝蓮推介的精選日本料理餐廳。稻菊以天婦羅享譽盛名,早於1866年已在淺草開設首間天婦羅專門店,以天婦羅料理打出名堂,成為日本家傳戶曉的名店。稻菊的天婦羅採用百分百天然芝麻油來炸,還即席送到客人碟上,鮮嫩健康。稻菊嚴選日本空運食材,各種壽司、刺身、以及鐵板燒一一齊備,用心烹調出一道道正宗日本滋味。稻菊亦提供多款酒類,當中更有品質上乘的日本清酒。 繼續閱讀
營業時間
星期一至日
12:00 - 14:30
18:00 - 23:00
付款方式
Visa Master 現金
座位數目
95
其他資料
酒精飲品
泊車 詳細介紹
電話訂座
加一服務費
以上資料只供參考, 請與餐廳確認詳情
食評 (14)
等級6 2013-11-14
925 瀏覽
話咗今次個小旅行以輕鬆渡假、舒展身心為主,無緊湊嘅行程,無必去嘅景點,所以,下午辦好入住手續,安頓好一切之後,先晌酒店個泳池游吓水,浸浸按摩池、嘆埋個桑拿 ,晚飯就落返5/F嘅稻菊,足不出戶,好好享受番一餐滋味嘅日本料理 。擁有百多年歷史,又曾獲米芝蓮選為精選食肆,更被評為澳門最佳食府之一(2009-2013),自不然有一定嘅水準,當中以採用百分百天然優質長野白芝麻油嚟做嘅天婦羅,最為家傳戶曉。一入門口,已睇到裝潢上盡見氣派,酒吧位大大盞水晶吊燈,反而和風味唔重,紅同黑嘅配襯,較為型格。如想睇師傅表現廚藝,可選擇坐晌即場烹煮區嘅吧櫈,分壽司/刺身、天婦羅、鐵板燒3個分區 。我哋想坐得舒服一啲,地方多一啲,方便擺嘢之餘,又可以方便寫吓嘢,況且同老婆打對面坐,方便交流吖嘛,所以都喺揀番中間大堂位置。由於枱與枱之間都分隔頗開,又有啲竹簾相間,故此就算客多,相信個騷擾度唔高 。除咗環境型格,枱上嘅擺設都好幽雅,唔知喺咪星際嘅特色,由之前房內嘅洗手間、書枱,以及晌稻菊,都經常見到插上一小夥蘭花作裝飾。為咗試吓師傅做各類食物嘅手勢,所以,前菜、壽司、天婦羅、主菜、麵類樣樣都點啲。 自家製冷豆腐 $90 90蚊食一兜豆腐可能你會覺得好貴,但當中夾雜人工、鋪租及各項成本,以及師傅嘅心思。老實講,豆腐唔叫得滑,但豆味濃郁,成份冷豆腐都冰鎮住上枱,所以無論何時入口,豆腐都冰涼清爽,將幼細嘅蔥花、木魚碎、薑蓉、醬油跟豆腐撈埋一齊食,感覺鮮爽有層次 。 鰻魚柳川鍋 $120 試完一個凍嘅前菜,再嚟另一個喺熱嘅前菜「鰻魚柳川鍋」,一道將碳燒鰻魚淋上蛋汁而成嘅南方鄉土料理,喺小弟是晚嘅誠意推介。一來碟頭頗大,份量十足,二來鰻魚挺多,既油潤又有碳火香,再者又加上汁煮過嘅牛蒡,富口感,而且蛋香嫩滑,無唔推介嘅理由囉 ! 吞拿魚 $45、金目鯛 $50、海瞻壽司 $150 稻菊嘅壽司一啲都唔使宜,最平嘅三文魚都要成$40一件,最貴嘅海瞻或火焰吞拿魚腩壽司賣到成$150一件。為咗一試佢啲鮮魚及飯粒嘅質素,我哋平嘅又點,貴嘅都點。金目鯛及吞拿魚嘅質素單睇色澤已有一定信心,唔會暗啞瘀黑,入口非常新鮮甜美,飯粒軟熟黏糯而不鬆散,師傅手勢果然上乘 ;至於海瞻壽司以軍艦形式登場,紫菜十分香脆,咬落「咯咯聲」,而海瞻下得極之多,入口綿滑豐膩,正 !即磨嘅山葵及酸薑片晌擺設上,細節位一啲都唔馬虎。 稻菊天婦羅拼盤 $360 天婦羅既為稻菊名物,主打都心想要試,所以亳無懸念一點就喺「稻菊天婦羅拼盤」,一客有齊車海老(兩件)、松葉蟹腳(一件)、九肚魚(兩件)、海鰻魚餅(一件,一開二)、數款野菜,配以天婦羅汁、岩鹽及檸汁。粉漿無疑又薄又脆,雖以純芝麻油嚟炸,唔好期望滿口芝麻香,但卻喺清爽唔油膩 ;雖然蘸檸汁帶酸香,口感更清爽,但會令外層變腍,小弟覺得輕輕點啲岩鹽更惹味 。車海老非常鮮味,千祈唔好嘥個蝦頭當垃圾,炸香之後嘅蝦頭極之酥脆;松葉蟹腳亦都新鮮,散叫一客都要成$66架;九肚魚最有驚喜,入口非常滑嫩,蘸岩鹽誇張啲講句,真喺無懈可擊 ;海鰻魚餅亦都不俗,魚味挺鮮;野菜有茄子(一件)、蕃薯(兩件)、南瓜(兩件)、鮮露筍(兩件),當中以蕃薯及鮮露筍最好食,前者粉甜,後者爽脆。此外,侍應會留意住我哋食嘢嘅進度,天婦羅新鮮即整,整好又即上枱,所以一食完上一道菜,天婦羅拼盤就即時為我哋送上,抵讚 ! 銀雪魚西京燒 $168 銀雪魚喺老婆生死至愛,近乎食親日本嘢都例點咁滯,今次,亦都無例外。銀雪魚賣相好精緻,既大件,又厚身,食落魚油十足,質感一瓣瓣,鮮嫩細滑 ;伴碟用嘅黑豆,又腍又甜,意外哋咁好食 ,最可惜喺魚皮燒得過燶,無奈哋要放棄。 冷蕎麥麵 $85 又天婦羅,又西京燒,臨尾食啲冰涼嘅蕎麥麵就最好不過。蕎麥麵有韌勁,頗滑溜,不過本身好淡味,但佐以紫菜、蔥粒、山葵、醬汁,感覺完全唔同晒!果然喺酒店級食肆,服務真喺一流,除不斷添茶外,前後幫我哋換咗3 次碟,菜式一道跟一道逐一送上,而且先後有序 ,令人食得輕鬆稱心。眾所周知啦,依家通常相機先食,搞一輪先真正起筷,慢慢上菜唔使堆到一枱都喺 。之前一直所斟嘅喺玄米茶,挺芳香,而飯後再送上綠茶一碗(可添飲),細問之下喺雨前龍井,據講有抗氧化、防衰老之效,點都好,飲落令人舒暢,很窩心嘅安排。 繼續閱讀
(以上食評乃用戶個人意見 , 並不代表OpenRice之觀點。)
晚餐我們到了大名鼎鼎的「稻菊日本料理」,在香港「四季酒店」我品嚐過兩次,一定要吃的是此店名物天婦羅啦。先來的有頭盤「鰻魚醋、蟹肉卷、玉子豆腐伴海膽」三者都輕盈精緻,擺盤美麗,以我這個「沒有海膽吃會死去」的粉絲,我最喜歡後者,鮮甜到不得了,海膽是會在口中溶化成甜美。大家都很喜歡這項頭腐,所以即興點了個「自家製凍豆腐」,它是以天然的鹽腦取代石膏粉來凝固豆醬,豆腐質感有點粗糙但更實在,也更有天然香濃的黃豆香,沾上醬汁、蔥粒及木魚絲一同吃,健康又滋味。刺身方面也少不了吧!油甘魚、呑拿魚、甜蝦及帆立貝刺身,全部都非常新鮮帶光澤,當中以甜蝦的鮮甜味最搶,味起來還是黏口的。多謝公關的安排,我們特別加插了一項特色前菜「櫻花木煙薰吞拿魚」,在細小的魚缸內充滿櫻花木煙,揉合了視覺、嗅覺及味覺的神經。當紙一打開,一陣白煙散出,煙霧瀰漫令視覺大為滿足,櫻花木的熏香也撲鼻而來。呑拿魚片包捲著蔥條,表面輕微燒煎,吃時灑上日本海鹽和胡椒作調味,口感軟腍魚油豐富,算是色、香與味也俱全。「椀盛」方面,九月正是吃松茸的好時份,「松茸茶壺湯」就最能發揮它的原味。用來自和歌山的鮮松茸煲出透徹的湯,以精美的日色茶壺奉上,沒有多餘的點綴,湯頭清甜幽香,簡單就是美。「燒物」方面,來了「銀鱈魚西京燒」,甜麵豉配燒魚柳及茄子,也是個沒得輸的組合。「稻菊」一向以天婦羅成名,以日本百分百天然芝麻油來炸,令天婦羅香脆而不油膩,今天就有中蝦、沙追魚、南瓜等,薄身的炸粉,令天然食材的甜品都保留,輕蘸海鹽就是最佳的吃法。「煮物」有「鰻魚伴豆腐配魚翅吉野煮」,香濃鰻魚配熱辣辣的自家製豆腐,好吃之餘也可暖暖胃呢。看見面書上有食友留言,追加了一客「杉板烤牛脷」,大部吃的牛脷都是會有點咬口,但這塊牛脷的肉質是極之軟腍,入口是真正的「鬆化開」,加上燒得焦香,我也推薦它!最後來個「冷稻庭烏冬」,簡單就是美,幼身的烏冬口感順滑,收貨有餘。最後還來了「季節水果子」,有夕張蜜瓜及巨峰提子作為結束,怎會不甜蜜? 繼續閱讀
(以上食評乃用戶個人意見 , 並不代表OpenRice之觀點。)
等級4 2013-08-28
191 瀏覽
晚上決定了吃INAGIKUMENU豆腐有機野茶沙拉用了麻醬汁, 風味十足鰻魚飯用上紅漆方形木盒盛載鰻魚皮彈而不油, 入口軟滑甘香已徹底起了細魚骨, 啖啖肥美的魚肉蒲燒饅魚火喉得宜,沒把魚皮燒焦切得幼細如髮的蛋絲加上甜醬油相映成趣附帶還有麵豉湯及醃菜與妹妹都大讚的鰻魚飯, 極速扒光主打物送來了~全是用上高級麻油炸成的天婦羅有加了蘿蔔蓉的日本醬油另一碟是檸檬汁及鹹, 兩款沾醬任君選擇日本醬油滲入了蘿蔔清甜及水份檸檬汁就有助減低炸物的油膩薄薄的炸醬外層, 炸蔬菜仍保持有水份一口咬開仍散著熱白煙海鮮類天婦羅新鮮, 魚蝦都是鮮味無窮第一次來稻菊建議各位叫這盛合用舌頭感受一下麻油天婦羅的獨特鮑魚海鮮喬麥麵喬麥麵麵不夠彈牙,有點失望加入豐富的海鮮材料卻令人驚喜用上了大量鮑魚,有4個完整鮑魚還有菇, 魚片, 蝦及魷魚片等組合魅力沒法擋只吃海鮮配料已夠飽湯頭淡中卻有菇類的溫厚清新 繼續閱讀
(以上食評乃用戶個人意見 , 並不代表OpenRice之觀點。)
等級4 2013-08-09
249 瀏覽
時間過得飛快,上次到訪位於星際酒店的稻菊已是半年前的事味道絕對可與香港的比擬,再算一算價錢就便抵吃了今回再來到澳門,雖美食遍地,但也忍不住要再到訪用海鹽鮮製的豆腐,大廚用上天然海鹽取代石膏粉作為凝固劑豆腐質地雖比用上石膏粉的粗糙,黃豆味卻極奇香濃陣陣天然的海鹽飄到口中,來得自然建議不沾醬汁先吃一口,感受一下清新的黃豆香隨後配上醬汁,木魚絲或蔥花一拼吃,黃豆味仍然突出其他的醬汁又能做到味道的層次刺身拼盤包括象拔蚌,赤貝,油甘魚,金目鯛,左口和池魚王等等由味淡的款式開始吃,各款式也十分鮮香有水準特別喜歡吃金目鯛及池魚王,鮮味豐腴,味道令人忘懷來到稻菊又怎能錯過這裡的天婦羅呢?稻菊老店以天婦羅打響名堂,一直也能保持高水準不油膩及薄身的粉漿是其一大妙絕之處是回所試的天婦羅包括野菜,蕃薯和蝦等等鮮蝦本身來貨已是十分新鮮,炸後肉質仍然保持濕潤,爽口彈牙蜆肉大大隻,肉質鮮味爽口湯頭帶着蜆的鮮味,味道清淡健康個人較重口味,還是喜歡濃一點的各位朋友,來到澳門稻菊必吃的,是這裡限定的杉板烤牛脷選用日本的和牛,吃落充滿油脂油甘牛脷捲在杉木板內烤熟,吃起來有一陣陣的杉木幽香,味道獨特又討好最後,來兩客雪糕作結,芝麻豆腐兩者的味道也是相當突出,芝麻味道極香濃,夾著粒粒芝麻碎,口感豐富豆腐雪糕味道清香,還帶着陣陣黃豆之香,自然不造作 繼續閱讀
(以上食評乃用戶個人意見 , 並不代表OpenRice之觀點。)
等級2 2013-01-02
181 瀏覽
久聞稻菊大名, 就是以天婦羅馳名, 今次澳門之行一於試試. 午市定食訂價$98 – 128之間, 以一間有百年歷史的日本料理店來說, 可算是超值。踏進餐店便見到三張大廚桌 (有天婦羅枱, 壽司刺身枱和鐵板燒枱), 因為餐廳剛開, 見到每位主理的廚司正在準備中。老公點了一個煮鱈魚柳定食, 有濃濃的清酒香味, 沒有一點腥, 加上有數種菇類作伴菜, 難得清淡, 老公非常滿意。而我當然試享譽盛名的天婦羅. 因為身體問題, 不能吃所有未經烹調的食物, 而又恐怕用作醮天婦羅的汁和小缽是冷, 便請求侍應把它打熱。才知道此店本身的汁是熱的, 最後端上的既令我真的感受到米芝蓮的服務態度, 體貼窩心. 原來的前菜(蓮藕片)是熱的, 當然天婦羅的汁和小缽 (一件好香蛋味而又似豆腐, 滑溜溜的)也是熱的, 竟然連定食中的沙律也更換了的一道蔬菜 (上面夾著啖啖木魚香). 到主角天婦羅, 它們採用新鮮蔬菜和海鮮, 加上廚師熟練的手勢, 一點也不膩, 脆漿恰到好處, 斑片和蝦也彈牙的。整體非常滿意, 服務又一流, 價錢合理, 只欠地理優勢, 如果設在氹仔, 相信會更受歡迎。 繼續閱讀
(以上食評乃用戶個人意見 , 並不代表OpenRice之觀點。)