影片
以上資料只供參考, 請與餐廳確認詳情
朋友介紹話呢度有高質嘅蛇羹同海參食，睇過餐牌覺得CP值高，今日同另一位朋友嚟試試，招牌係真材實料嘅太史五蛇羹同乾鮑，原來仲有一人餐同二人餐可以揀，計落仲抵食！今次我哋2人就叫咗個二人餐，份量十足，真係好滿足🤩🤩🤩秘制太史五蛇羹呢度嘅蛇羹用咗獨有嘅配方同配料煮成。羹湯嘅口感濃厚得嚟有好多料，明顯見到幾多蛇肉，一條條見到到蛇肉嘅紋路，真係真材實料。配埋枱面嘅配料例如炸脆、檸檬葉、花生，食落更加有風味👍臘味糯米飯臘味包括臘肉、臘腸，鋪陳喺糯米飯上，撈起一齊食口感層次分明。糯米飯煮得幾好唔會黏住一舊舊，每粒飯都充滿油香，不錯不錯！鮑汁花菇扣水魚裙邊花膠魚肚類嘅膠質嘢就食得多，你又食過水魚裙邊未？我都係第一次食，感覺好新鮮，咬落口感爽彈幾有趣，唔係好腍爛個種，咁特別嘅食材用鮑汁嚟調味估唔到咁夾，厚實嘅花菇香味突出，夠哂入味，整個配搭好match，食落舐舐脷😋😋濃汁小米原隻乾鮑金黃色小米湯汁，以我嘅經驗係用咗南瓜熬煮而成，小米煲得軟綿綿微帶黏稠，配上招牌乾鮑，乾鮑本身質量好而且味道濃郁，切開細細份配上金色小米滑慢慢品嚐，一啖接一啖食到停唔到口！花旗參燉海參呢盅湯冇諗過咁足料，一打開見到整條原條海參，底部仲有幾隻原隻雞腳同豬肉塊，飲落充滿花旗蔘同雞嘅香味，湯底清得嚟味道香湯，有驚喜！👍🏻👍🏻👍🏻椰汁燉雪燕二人餐包咗椰汁雪燕糖水，雪燕配上椰汁飲落順滑，完美哋結束咗今晚豐富嘅一餐。
繼續閱讀
雖然已經係夏天，但係其實好少人知道蛇羹呢樣嘢係一年四季都啱食，今日帶咗朋友嚟呢間餐廳，出咗名真材實料，而且而家仲有一人或者二人餐，非常抵食！秘制太史五蛇羹：加入了獨特的調味料和秘方烹煮而成。湯的口感濃郁滑順，蛇肉的鮮嫩和香氣給予了湯品獨特的風味。加埋枱上面嘅配料，食起上嚟更加香😋😋😋臘味糯米飯：臘味的加入增添了豐富的風味，讓整道菜品更加美味可口。而且飯嘅口感唔會太過黐粒粒。不錯！鮑汁花菇扣水魚裙邊鮑汁花菇扣水魚裙邊結合了鮮嫩的水魚以及鮑汁和花菇的香氣，花菇本身夠厚，而且非常入味，水魚裙邊都係第一次食，有啲似珊瑚蚌😂濃汁小米原隻乾鮑金黃色嘅湯汁，同埋小米加咗佢嘅黏稠度，令到鮑魚更加入味，鮑魚本身係乾鮑，所以鮮味十足！花旗參燉海參：一打開蓋就係充滿花旗蔘同埋雞嘅香味，跟住有一大塊海參喺度，真材實料！👍🏻👍🏻👍🏻椰汁燉雪燕：清甜又滋補的甜品！雪燕的滑嫩口感和椰汁的香甜結合，營造出濃郁而美味的口感。
繼續閱讀
🌱《補身益腎呷蛇羹，飽肚糯米保體溫》🐍點咗二人餐 上菜速度好快首先嚟梗係食碗蛇羹🐍⭐️秘製太史五蛇羹 味道好豐富 有好多肉類 冬菇等等⭐️鮑汁花膠扣水魚裙邊 骨膠原好豐富 淡淡地 好易入口⭐️花旗參燉海參 係我最鍾意嘅菜式 燉湯好青甜 好滋潤一啲味精都冇好足料天氣轉後除了想到吃煲仔飯，其次就是蛇羹與臘味糯米飯。舖頭8點已有不少客人來幫襯。點了一碗細蛇羹，味道有少少腥味屬正常，枱上有齊胡椒粉檸檬草及薄脆，蛇肉切得幾大件！單吃細蛇當然不夠做正餐，這裏的⭐️生炒糯米飯很受歡迎，吃落真是粒粒分明，外爽內黏夠糯口，而膶腸也很軟淋甘香。最後甜品⭐️椰汁燉燕窩椰汁香甜 感覺好高級喺香港食到呢類名貴山珍海味 真係好幸福💞
繼續閱讀
🌟對蛇羹一向有條癮，隔一段時間就想食，今日途經新蒲崗「蛇膠參」二話不說走進去，可以選擇一人套餐真好。***** ***** ***** ***** ***** ***** 一人套餐B:優惠價$198（原价$229）花旗參燉海參🫕鮮嫩腴美的海參，濃郁可口的花旗參香氣，啖湯非常鮮甜。太史五蛇羹🐍蛇羹味道甚好，蛇肉切得幼細，湯底不厚不薄，恰到好處。鮑汁花菇扣水魚裙邊🐟鮑魚汁著濃郁的葷香，又有海味的清鮮，使食物入味，互為滲透，卻又保持著各自鮮味。臘味糯米飯1客🍚糯米飯吸收咗臘味嘅油香，香味撲鼻。時蔬🥬油菜青綠夠新鮮，中和了剛才食物嘅所有油脂，所以食套餐一流。
繼續閱讀
細碗$68好足料 大部分都係冬菇木耳粒粒瘦肉 有好幾條蛇肉穿插其中 味道似煲燶嘅碗仔翅 跟送一包有藥味但又似晒乾嘅檸檬葉(掉咗) 薄脆經油炸有油益味屬正常 最終好狠心掉咗$34
繼續閱讀