影片
開飯介紹
主打新派越南菜，菜式創新精緻，把不同元素融入越菜中，如加入海膽製作越式小食；而招牌菜則有椒鹽軟殼蟹、生牛湯河粉等。
繼續閱讀
附加資料
可以WhatsApp 54249435落單
營業時間
今日營業
11:30 - 23:00
星期一至四
11:30 - 22:30
星期五至六
11:30 - 23:00
星期日
11:30 - 22:30
以上資料只供參考, 請與餐廳確認詳情
食家推介
黎越男仔食個是靚午，坐底瞬間覺得自己去咗越南街頭，鋪頭播住越南歌曲，我最鍾意牆上面貼住嘅抵死廣東話標語！我食咗鎮店四鳥椰汁酸湯檬粉，份量大，最有驚喜係上面一塊炸雞皮，蘸湯食好正。四鳥就係四種做法嘅雞，除咗炸雞皮，有手撕雞、脆雞件、串燒雞，啲雞仲要用火槍炙過先上台，好有越南街頭燒烤個種風味。個湯少少酸，椰味剛好（唔係超重口味）配合新鮮生菜，紫洋蔥，很不錯。另外軟殼蟹黃薑飯都幾好，蟹炸得靚仔，賣相完整，脆而不膩，黃薑飯粒乾身不油膩，混入大量沙律菜食落爽口。枱頭有碗撈檬汁嘅楂，可以兜黎撈飯。值得一提係跟餐的牙車快沙律，真係太好食了，係一個混合青菜、手撕雞、柚子同埋自家調味配料嘅沙律，加啲撈檬汁更惹味。旁面我哋揀咗配炸魚柳。飲品龍眼冰好多龍眼肉，叫咗少甜剛剛好，適合解暑。熱椰香拉茶，有得自己拉個椰漿落杯奶茶，我係椰控當然要落晒！#devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角
繼續閱讀
見好耐冇食越南菜，特登搵咗呢間位置偏僻隱蔽啲個Menu睇到人眼花撩亂😵💫太多選擇組合▶️ 3+2撈檬 ($76)有越式扎肉、烤脆豬肉、古法烤牛肉、豬頸肉絲、手撕雞第一次食咁多配料嘅撈檬😆全部都好有味夠鹹扎肉有黑椒味，烤脆豬肉炸到脆口🐷 古法烤牛肉有沙嗲醬，比較鹹但惹味，肉質韌少少🤏🏻手撕雞幾好食🐔不過份量比較少檬粉麵質正常，唔會斷晒，份量仲好多配料都豐富，紅蘿蔔絲、青瓜絲、生菜、醃蘿蔔絲等🥕撈檬醬汁酸酸甜甜，冇魚露味亦唔辣，然而本身肉類鹹，唔需要落太多醬汁，作用只係令麵冇咁乾身面頭仲有蔥油調味，但係就冇炸蒜或花生▶️ 火炙薄燒牛拼脆雞 配撈檬 ($92)火炙薄燒牛肉幾靚仔，似日式居酒屋食到嗰啲🐂脆雞ok，雞扒有返咁上下厚度，不過唔算香脆且炸皮較厚本身底有烤牛肉汁，所以都係唔需要落太多撈檬醬汁-味道唔錯嘅，肉類較重口味，配送撈檬就差唔多不過始終唔係正宗越南菜，差啲環境服務一般般價錢貴咗少少，冇套餐，加一後大約$100/麵可能係去完越南食過地道嘢之後有對比🫣難啲香港搵到好味嘅越南菜
繼續閱讀
越男仔食過好幾次，間吾中都會再黎幫襯😁覺得佢價錢親民，份量足，味道好地道👍🏻餐廳設計富有越南色彩，有好多當地色彩的掛畫做裝飾。🥢晚餐menu 有散叫同三道菜晚餐，包左兩款小食同主菜。🐤招牌去骨海南雞配黃薑飯賣相好靚😆雞肉好滑，有層好靚的啫喱體👍🏻配左葱油同酸辣汁。黃薑飯有淡淡的椰香味，食得有營😋🐟椒鹽脆蛋魚柳🥗牙車快沙律魚柳好惹味，炸得香脆，炸粉好薄，啖啖魚肉👍🏻沙律份量幾多，手撕雞用了黑椒調味，加左酸甜汁，幾開胃。🍜三文魚蓉拼海膽蝦餅扎肉撈金邊粉賣相好浮誇！最上層有大大塊海膽，下面有一個拳頭大的三文魚蓉，味道鮮味😋另外仲有彈牙炸蝦餅，蔬菜量都十足，有青瓜絲，蘿蔔絲，香葱，生菜。最下面係幼身金邊粉，煙韌有口感。淋上魚露食，惹味開胃。🍹椰汁綠豆冰滿滿的椰香味，幾清甜。🍹水果茶幾特別，有菠蘿，青瓜，檸檬，青檬，酸甜解渴。🌟🌟總括嚟講，可以係越男仔食個輕鬆晚飯，質素好，價錢實惠。
繼續閱讀
🥰呢間越南仔好多年前已經開喺旺角廣華街，以前都有食過，經常都勁多人排隊，最記得佢啲凍檬，同海南雞飯超級好食！😚咁啱行過見到即刻想食佢個海南雞飯，同埋滴流咖啡！比起之前嘅價錢一樣咁平有大碟！真系要推廣一下先得！食物介紹:🍛晚市3A套餐 $92(無骨海南雞黃飯+鳳爪沙律+椒鹽脆蛋魚柳)嚟一個勁耐冇食滑lulu嘅無骨海南雞皇飯，海南雞依然咁滑，無骨方便一啖啖連飯一齊食，套餐勁抵，無骨鳳爪沙律，份量一啲都唔少，沙律菜亦都勁多，我經常少食菜嘅人，脆蛋魚柳做咗椒鹽香口份量亦都唔少，！好食👅👅👅👅👅🈵🍜晚市3E套餐 $114(牛豬蕃茄湯檬另椰汁酸湯 ＄5+手絲雞沙律+檬紙捲X2)湯乜都有，生牛肉＋烤牛肉+豬頸肉+豬扒非常之豐富，勁多餸，亦都好大兜一個女仔正常食唔曬，本身佢跟個蕃茄湯，可以另加第二種湯底，我叫咗椰汁酸湯加$5！非常之配合！有椰香味，少少酸辣湯味味道咁重香料，好惹味嘅湯底！推介椰汁酸湯！配手撕雞沙律，又系勁大份，完全冇孤寒嘅手撕雞，加芒紙捲，呢兩樣小食必定要加魚露一齊食！唔夠酸唔夠辣，另外亦都有調味料可以自行加多少！平靚正值得推介😚好食👅👅👅👅👅🈵🥤乳酪三色冰 $29乳酪三色冰，唔系普通平時飲嘅三色冰，有少少酸酸嘅乳酪，連埋一齊飲非常特別！好飲👅👅👅👅☕️凍薄荷啡 $33薄荷咖啡就系滴漏咖啡，是酸滴漏咖啡嘅咖啡，再倒入去冰冰嘅杯，有兩塊薄荷葉 ，就變咗薄荷咖啡啦！有煉奶配襯超好飲，好有越南風味，咖啡控必叫🙋🏻♀️好飲👅👅👅👅👅🈵回頭率🈵🈵🈵🈵🈵🚇旺角地鐵站步行7分鐘到🚻店內有獨立廁所==================1️⃣晚市3A套餐 $922️⃣晚市3E套餐 $1143️⃣乳酪三色冰 $294️⃣凍薄荷啡 $33💲另加一服務費==294.8/2人，人均147.4
繼續閱讀
📍越男仔 (旺角)旺角廣華街2-20號翠園大樓二期地下5號舖終於有機會試呢間越男仔😍😍😍之前聽朋友講好食，但一直未有機會試！今次試完真係樣樣都唔錯！牙車快沙律🥗 + 手撕雞檬紙卷 😋啲雞肉份量超多🤣睇相可見而且啲雞肉有用香料醃過😋好好食牛+豬pho 配紅蕃茄湯檬粉😍個湯底超級正！好香濃嘅蕃茄🍅酸酸甜甜好開胃！入面啲生牛肉片都好滑好正😍雙蝦拼滑雞配椰汁酸湯檬粉🍜個生蝦又係好正😍夠晒新鮮🦐啲雞件都好多塊！食完超飽肚🤰🏼 #devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角
繼續閱讀