636
73
33
港鐵旺角站 B3 出口, 步行約3分鐘
繼續閱讀
電話號碼
27050022
開飯介紹
來自韓國的過江龍餐廳,裝修設計參考韓國當地,約80個座位,適合多人聚餐。醬汁由韓國直送,以做到原汁原味。招牌菜「鳳雛燉雞」,有細、中、大辣可選,可供4-6人享用。
繼續閱讀
營業時間
今日營業
全日休息
星期一至六
12:00 - 15:00
17:30 - 22:00
星期日
全日休息
以上資料只供參考, 請與餐廳確認詳情
有關獎賞計劃
4個女仔,準時到達,很快就有位,全場滿人,但得3個待應,她們非常忙碌,環境非常熱,限時90分鐘,我地4個不停滴汗,成塊面紅晒,很辛苦!!上菜慢,限時30mins ,但等了超過半個鐘先上第一個餸,蛋卷,飲品也很遲先來,蛋卷和奶奶雞都不錯,芝士很多,可以拉絲,但奶奶雞入面啲薯仔比較硬身,唔夠入味,炸雞很難食…我第一次食咁難食既炸雞,又乾又硬…我地四個都覺得很難食…不會再來吃!!!!!!!!!!!!!!!
繼續閱讀
好味 #晚餐 分享 韓國菜在旺角上樓舖的這間鳳雛燉雞對我來說不陌生是過江龍,在韓國多處有店之前也有來食過😋今晚又來食這家都是叫店出名的jjimdak 鳳雛燉雞鍾意佢好大大盆的,材料好豐富的有多件起了骨的雞件,不是雞扒或雞胸肉嗰啲,是原隻雞件,配搭有青瓜,紅蘿白,薯仔,洋蔥,蔥花,底下仲有冬粉,真係份量十足但今次叫了勁辣😄本身好食得辣的我,都覺得好辣,但係真係覺得辣得過隱嗰種,好滋味,好正👍如果食得辣的,真係要食呢個勁辣😋👍另叫了年糕,上桌時,已一同放進大盆的jjimdak 內,所有食材,年糕同冬粉已滲透醬料味道好味~BONGCHU JJIM DAK鳳雛燉雞 (無骨)$248~加年糕 $28加一服務304/2人鳳雛燉雞Bongchu Jjimdak旺角彌敦道726號10樓
繼續閱讀
超好食嘅韓式燉雞成日覺得食炸雞熱氣今次試吓韓式燉雞叫做Jjimdak 一上枱見到顏色比較深色原來係好正宗嘅韓國做法個size仲要大到嚇親兩個人都食唔晒😱Jjimdak嘅材料勁豐富最重要梗係雞肉,仲有薯仔、紅蘿蔔、洋蔥、辣椒、青瓜同埋冬粉我就點咗小辣不過絕對冇影響到雞肉嘅香味同埋越食越爽㖭啊成個味道甜甜辣辣,好開胃大家仲可以追加其他食材咁熱嘅天氣,當然要叫返杯梳打解吓暑我見到都勁多人嚟食大家記得提早訂座啊!
繼續閱讀
今日嚟咗旺角呢間樓上韓國餐廳食燉雞。平日韓國料理都食得多,但燉雞都係第一次食。佢主要有三款燉雞,分別係: 原味、芝士燉雞、豬手芝士燉雞。有得揀辣度之外仲有少少topping可以選擇。鳳雛燉雞 (無骨) ($248)本身有d驚有芝士會太肥,就選擇原味。個燉雞份量好多,其實3-4個人都夠食。由於同行友人唔係好食得辣,我哋就揀咗無辣。無骨雞肉大大件,而且夠入味。佢嘅肉質亦都偏實淨,感覺新鮮。另外,佢嘅材料都幾豐富,有薯仔、蘿蔔、青瓜、冬粉、大葱等。我哋再另外加咗$28要菇。雖然個汁嘅顏色比較深,但係口味偏甜唔會好鹹。冬粉亦都索晒啲醬汁嘅味。附送嘅三款泡菜小菜亦都好新鮮。泡菜同埋青瓜辣度適中,大豆芽就幾爽脆。係幾特別嘅一餐,下次再嚟食下其他口味~
繼續閱讀
之前去韓國,係會特登搵鳳雛燉雞食,啱啱發現原來喺旺角開咗一間海外分店,呢一日特登來回味一番。連接待女職員應該都係韓國人,即刻感覺去咗韓國咁。🌟BONGCHU JJIM DAK鳳雛燉雞(無骨)朋友唔食得辣,我哋點咗原味,食到本身醬汁嘅甜味。成盤燉雞我哋兩個女仔都食唔晒,裏面已經有一人份量嘅冬粉,冬粉索啲醬汁同雞汁甜味,又滑又好味。🌟海鮮煎餅好有驚喜,煎得非常非常香脆,但係唔會焦,裏面剛熟,蛋味同海鮮味混合好香。呢次又滿足到我食韓國嘢嘅慾望,保持到水準,真係唔錯。
繼續閱讀