影片
開飯介紹
嚐‧高美集團旗下餐廳，提供多國菜式，如西班牙海鮮焗意粉、鐵板豬扒配黑椒汁等。
繼續閱讀
營業時間
今日營業
11:00 - 22:30
星期一至日
11:00 - 22:30
*最後落單時間: 21:30
以上資料只供參考, 請與餐廳確認詳情
有關獎賞計劃
食評 (468)
服務態度好好, 應該讚。食品好難食～叫咗三文魚麵, 鵝肝意大利飯, 牛脷意大利飯。鵝肝肯定係我食過最難食嘅一次。牛脷比茶.舍68$差一大截。建議大廚去茶.舍學師先。三文魚係煎到老晒不過由於細塊可以啃到。建議換廚師。
繼續閱讀
新城市廣場西餐🍽️今次叫咗二人套餐，包括頭盤、意粉/意大利飯、主菜、甜品及餐飲。頭盤叫咗煙肉蘆筍卷，味道普通，煙肉煎得唔夠香。飯類選擇北海道帶子意大利飯(配野菌南瓜忌廉汁)，醬汁帶有香濃南瓜味，非常creamy。另外叫M9和牛肉眼，油脂分布平均，外層焦香鎖緊肉汁，$700有成個set既話性價比都算高。漢堡包可以省略，因為都係普通質素🤣📍Parkview (新城市廣場一期) (沙田)沙田沙田正街18-19號新城市廣場一期1樓117號舖💰$698二人套餐，包括頭盤、意粉/意大利飯、主菜、甜品及餐飲$148牛肉蛋漢堡
繼續閱讀
聽女朋友講話呢間好好食今日特登出嚟沙田朝聖下午餐選擇少不特止嗌咗個大路唔會難食嘅黑松露意大利飯個黑松露意大利粉難食到阿媽都唔認得飯粒好似普通嘅泰國米個汁又十分之膩黑松露味基本上係冇成個餐基本上得個湯係算好飲但係顆粒感都好重 唔算膩座位又十分之迫 聽到晒隔籬左右講嘢而有侍應唔知道收咩payment整體嚟講好差以後唔會再嚟🙏
繼續閱讀
近排都好少食西餐，所以專誠去parkview食個lunch佢哋嘅食物質素一向都好穩定，唔會太驚喜但絕對不俗。一排無去，見佢哋都換咗啲新移民侍應生，但絕對唔似坊間侍應嘅服務態度。反之可以觀人於微，簡單啲真係望到你眼色，已經會自動埋檯睇你有咩需要。如果唔係全程廣東話，我真係以為去咗深圳商場食晏。侍應對餐牌上嘅細節亦都好清晰，亦好樂意介紹菜式比客人。所以，成餐飯真係食得好舒適。沙律同餐包永遠都係好新鮮，隨餐附送嘅餐包仲要熱辣辣得嚟又軟熟。沙律🥗用料新鮮，絕對唔會好似坊間某啲餐廳咁，睇到都唔想食。主菜叫咗南瓜汁意大利雲吞同黑松露Risotto, 兩款嘅軟硬度都恰到好處、而且個汁料又夠香濃，各自帶出黑松露同南瓜嘅真實香味，快速清碟總括來說，餐廳由食材同烹調至服務都係高質之作。有心做嘅食肆，貨真價實嘅話，就算取價較高，但用心營運，亦都有佢哋嘅生存空間嘅
繼續閱讀
又係拜完山食個下午茶時間，對於小肚餓嘅我哋份量剛剛好。✨🍴全日英式早餐$98: 對於一個冇澱粉引嘅人全日早餐就最適合，一啲澱粉都冇，有香腸、煙肉、煎蛋和沙律🥗都幾夠飽㗎😉✨🍴經典美式牛肉漢堡配炸薯條🍔$128: 漢堡扒都算有啲肉汁；最正係熱辣辣嘅炸薯條，唔似M記咁乾爭爭👍🏻✨🍴巴馬火腿炸紅蒜卡邦尼意粉🍝$118: 火腿味唔係好出，普通意粉囉以上三個都係下午茶餐價，包包一杯熱飲，都係檸檬茶、奶茶、咖啡☕️咁。奶茶☕️當然唔係茶餐廳那種，但西式奶茶又嫌茶底唔夠香濃😅質素一般，唔難食也沒特別好食咁囉；現在呢個市況價錢就唔係咁吸引，不過坐低休息吓….無妨😃
繼續閱讀