影片
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:00
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
📍 YAKINIKU KAKURA今次黎到呢間日本九州過江龍既人氣燒肉店，位於沙田新城市廣場7樓，餐廳環境舒適，座位好闊落，設有四人同六位卡枱，好適合聚會😍近期推出左大判燒🥰黑毛和牛西冷！亦都係海外店限定，一定要黎試試佢😆🌟大判燒•黑毛和牛西冷！$178期間限定既產品～一上枱既時候已經見到一大片，係高級嘅黑毛和牛🤩肉眼可見和牛紋理清晰，雪花油脂好平均；然之後可以請店員幫手燒，每邊燒咗幾秒嘅時間就已經食得，火候控制得啱啱好！配埋日本溫泉蛋一齊食，和牛入口即溶😋完全理解得到點解係皇牌🌟黑毛和牛腹柳小排 $148柳小排係厚切，一共有五大片～因為係厚切，所以食落相對有口感；油脂明顯比較重，入口Juicy😈牛味濃郁，佢特製嘅醬汁好唔錯，雖然偏鹹，但啱曬重口味嘅我🌟蔥塩味上牛舌 $138牛舌必食！！！食落超級爽口，比平時食開嘅牛舌再品質好少少，輕輕燒一燒就食得，基本上食親燒肉一定會食牛舌😋🌟黑毛和牛上肋骨中肉 $198造型好特別，用咗個日式瓷壺裝住啲肉🫢完整成條上肋骨中肉咁上枱，同時亦都好厚身！牛肉嘅質地偏鬆軟，剪成一片片就食得啦；呢個有數量限定，賣曬就冇㗎啦😣🌟海鮮拼盤 $178一共有三款海鮮：巨型海蝦、帶子同埋魷魚～海蝦真係有成隻手掌咁大🖐️蝦肉偏爽口；帶子都好唔錯，大粒之餘又好鮮甜！🌟石燒肉泡菜鍋飯 $88連石頭鍋飯都好有驚喜！加入咗好多唔同嘅配料，大概有紫菜、泡菜、芽菜等腌菜，開胃之餘，泡菜又會太辣；份量多到兩個人都食唔曬～🌟檸檬威士忌梳打 $58食燒肉飲酒係最佳選擇😋一洗返工既辛勞🫢威士忌嘅味重嘅，唔會話溝到好淡～加埋檸檬就會比較fresh啲🌟 巨峰提子乳酸梳打 $42相對比較健康啲，飲得到提子嘅味道～比較解渴⭐️好味指數：10/10📍 YAKINIKU KAKURA (新城市廣場一期) (沙田)沙田沙田正街18號新城市廣場一期7樓701號舖#沙田 #YAKINIKUKAKURA #燒肉 #日本過江龍 #大判燒 #黑毛和牛西冷 #黑毛和牛腹柳小排 #黑毛和牛 #海鮮拼盤 #石燒肉泡菜鍋飯 #蔥塩味上牛舌 #牛舌 #Wagyu
繼續閱讀
今日食咗6款肉，最最最特別係大判燒黑毛和牛西冷$178，大大塊，油脂分布平均，服務員詢問完我哋對生熟程度的喜好後，三兩下手勢就將塊靚牛燒到啱啱好，配上生蛋黃及醬汁，大大塊好惹味真係高級享受！其餘的肉款就由自己動手燒，有黑毛和牛裹腹小排$188、腹前小排$118、黑毛豚毛骨小排$88、黑毛豚脛肉$88、若鷄雞脛柳$80，全部肉類都切得好靚，肉質好新鮮、好乾淨！加上呢度嘅燒烤網格特別粗，而且係平面，餐廳額外附上牛脂以潤滑燒烤網，燒出嚟嘅肉唔會黐底，更加容易保留肉汁，可以完完整整享受到烤到微微金黃嘅一口靚肉，成餐飯都冇換過一個網，真係不得不讚餐廳嘅細心！食客嘅享受再提升一個層次！另外我哋仲叫咗一份牛舌$98，加咗蔥花口感豐富咗，食落增添咗香氣，順帶一提，連蔥花都好新鮮，超級讚賞！最後我哋仲食咗二人前的Kakura冷麵$72，湯汁酸酸甜甜，拌上雞蛋青瓜泡菜等，好清新、清爽，幾適合燒烤之後食，大大碗好滿足！飲品方面，我哋飲咗青森蘋果乳酸梳打、白桃乳酸梳打，兩杯都幾好味，滿意！最後侍應送上免費甜品，我哋每人都食到一個杏汁味的奶凍，上面仲有一粒杞子，超級超級香濃好食！仲有一個雪糕糯米糍，軟糯香甜，真係好驚喜！總結Yakiniku Kakura的沙田分店，環境乾淨、食材新鮮好味、服務員有禮誠懇又專業，值得獲得最高評價！
繼續閱讀
又黎至愛既燒肉店 😆發現佢依家做緊秋季激賞優惠 😍大判燒 （$178 ）係每次必食既 🤣連我個fd都知今次個爐仲整到勁有仙氣🤣 配埋蛋真係勁嫩口，百吃不厭！ 🤤🤤另外，趁佢秋季特價，仲要係星期三，叫左個平時唔捨得叫既 厚切黑毛和牛肉眼扒 （特價$488），真係超大塊！ 望吓佢啲油脂，分佈幾咁平均，幾咁靚！ 燒到medium ，又有肉香，又滿滿既牛油係口入面爆發 🤩🤩超級幸福！😚😚😚 另外，原來佢連扒會附有少少配菜👍🏻👍🏻 抵叫！牛舌，當然唔少得！我個人覺得叫普通牛舌已經夠 （$88），加少少檸檬汁，牛舌嘅煙靭口感，正呀另外今次食石燒肉泡菜鍋飯 （$88），一上枱嘅時候職員會幫你拌好，一上都好香，菜都好多，啖啖食到料👍🏻👍🏻 鍾意飯焦嘅，可以等多陣，有啲飯蕉更香口 ，唔會比冷麵失色 💯💯
繼續閱讀
之前同媽媽去過YAKINIKU嘅其他分店，佢大贊，所以今次放工決定同老公去沙田嘅分店去食燒肉下午茶。去到呢一間燒肉餐廳，點可以唔叫大判燒！！！所以我哋今次叫咗一個黑毛和牛大判燒盛盒（午餐）+跟餐鹽味牛舌+星期三特價海鮮拼盤+日本蠔x2。大判燒盛合一如既往無失水準，牛肉嘅雪花超級靚，未燒望到已經流晒口水。呢件大判燒真係一定要一定要一定要叫職員幫忙燒，因為自己真係好擔心會燒得唔好食，點埋個生雞蛋真係提升咗呢一件肉嘅味道。成個盛合肉質鮮嫩，入口即溶，正！！！除左大判燒，今次要特別隆重推介嘅就係海鮮拼盤！！！職員放上枱嗰下真係嚇咗一跳，估唔到嗰三隻蝦會咁大隻！！！燒完之後肉質唔算好爽口，但係勝在超！！級！！多！！膏！！海鮮拼盤嘅烏賊尚算爽口，味道係比較清淡，同牛油帶子形成強烈嘅對比。生蠔用牛油燒都好好味，而且生蠔燒完之後都唔會變到好細粒，肥肥美美好正。呢間燒肉真係冇得頂，服務態度一流，食物質素超班，佢嘅價錢亦都唔算超級貴，套餐嘅選擇亦都好多，真係好適合燒肉愛好人士。
繼續閱讀
我同朋友又再黎到呢間日本燒肉餐廳。呢間餐廳我地已經光顧好多次，但始終百吃不厭，因為它的價格實惠又非常美味。今次我地兩個點了三道菜，兩道是套餐，分別是黑毛和牛大判燒和一客牛舌。每個套餐可以加多一碟指定牛，雞，牛舌或牛肉等。我地則自選擇了兩碟雞腿。另外我們還額外點了一碟烏賊。食物質素非常好，最後還有甜品，分別是雪糕糯米糍和杏仁豆腐。這家餐廳我們已經來過很多次，但我相信我們還會繼續光顧，因為食物真的太好吃了！
繼續閱讀