影片
電話號碼
93808187
開飯介紹
由擁有逾40經驗的前香港會議展覽中心主廚主理，嚴饌矜貴食材供應「老香港手工粵菜」作招徠，另亦炮製順德宴客菜等特色料理。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
近日留意到 社交平台 看見 南華軒 私房菜資料, 於是訂了位約朋友去試試. 由佐敦出發, 行了 15分鐘. 到達京士柏網球中心, 南華軒入口, 簡潔, 門外有等候座位.私房菜館, 主打懷舊手工粵菜, 標注不用味精, 裝修整齊, 地方寬敞無局束感, 紅色吊燈有點似中式紅燈籠高高掛.綠色的磚牆, 掛了木片提供美食推介, 仿如揮春般點綴, 頗美. 更備有美酒給客人選購. 凍桂花蕃茄 ~ 開胃前菜, 夏季消暑小食, 有桂花香, 味道帶點酸甜, 好醒胃.崧子雞頭米炒素粒 ~ 也是夏日爽口小菜, 新鮮 粟米粒, 毛豆, 雞頭米, 崧子, 冬菇, 吃得健康. 鮮仁稔蒸排骨 ~ 蒸排骨熱熱的上檯, 好喜歡子薑, 椒絲, 蔥做配搭. 排骨大件厚肉少骨吾肥, 味道由仁稔醬帶出, 少少酸辣味, 惹味好食. 招牌燉湯, 紫砂茶壺功夫湯 ~ 杏汁燉豬肺湯, 用上紫砂茶壺保暖, 保溫功夫做得好. 一人一壺,杏汁磨得好滑, 味美甜濃, 慢慢細嚐湯料滿滿, 個湯好清甜好潤喉. 豬肺, 瑤柱, 瘦肉, 雲腿, 白菜仔, 連湯渣也感覺好食, 的確是上乘的燉湯. 薑絲米皇魚浸時蔬, 芥蘭苗, 好嫩綠, 經魚湯浸熟, 食得唔油膩又夠健康.黑松露鹹肉帶子炒飯 ~ 炒飯粒粒分明, 帶子鮮美, 鹹肉有肉香, 蛋, 露筍粒, 蔥, 一同炒, 顏色好靚, 加上黑松露, 入口香而不油膩. 非常好食. 餐後送自家制甜品. 今晚系 木瓜雪耳糖水(凍), 好滑. 有益清潤顏.食完晚飯, 可以觀賞網球員球技, 真不錯.回顧今晚我們點的幾個菜, 調味好又無味精, 巧手廚藝, 吃得好味. 食物用料新鮮, 質素好. 下次會再來試下此店的仙鶴神針.
繼續閱讀
朋友仔識飲識食，呢日佢同我講油麻地有間美味懷舊中菜，話要帶我同其他幾個老友試吓，所以大家就約好放工一齊跟佢過去食好嘢。到咗先知原來餐廳位於南華體育會網球中心入面，裝修及音樂都充滿老香港情懷，未食之前就滿足咗視覺享受; 當晚我哋叫咗以下幾款食物: 茶壺功夫湯 - 呢款湯以紫砂茶壺盛載，存熱很好，一送過來就聞到椰汁香味，打開蓋望吓，就見到有雞腳、豬肉、瑤柱、五指毛桃、海底椰等等，唔怪之得飲落咁清甜，呢個湯有齊視覺、嗅覺、味覺嘅享受，飲完湯令我更期待之後的菜式。百花釀蟹鉗 - 呢款真係粵菜經典，以前細個去飲係一道不可缺少嘅菜式，反而大咗去飲只係間唔中先食到，南華軒嘅炸蟹鉗炸得剛剛好，外皮一啲都唔油膩，中間嘅蝦膠不但彈牙，仲食到蝦嘅鮮味，最驚喜食到蟹鉗最裡面有鮮味嘅蟹肉連住，真係好好味，點吓酸酸嗰碟醬汁，即可解膩。菘露醬珊瑚帶子 - 珊瑚蚌及帶子分別食落爽脆鮮嫩，沒有炒過火，西蘭花煮得軟硬適中，菘露醬獨有嘅香味，令整體錦上添花。花菰肉絲脆燘龍躉頭腩 - 估唔到餸如其名，炆龍躉頭腩鮮嫩多汁，個層外皮keep到係脆就算食到最後一啖，都依係脆脆哋，簡單加上花菰及肉絲一齊煮，但食材新鮮上盛，調味拿捏得恰到好處，呢味餸又係深得我心。砂鍋咸肉帶子炒飯 - 送到過嚟職員會再兜勻炒飯，避免砂鍋太熱，令炒飯燶咗，呢啲細心位值得一讚，炒飯炒得粒粒分明，食到底都見到有油，很有穫氣，而且咸肉食落唔會過咸，有少少咸香，帶子鮮嫩，加上菜莖粒及炒蛋，口感豐富，印象難忘。雜果涼粉 - 雖然是贈送的甜品，但感覺唔係求求其其，涼粉食落煙韌彈牙，涼粉味清香，跟街外吃到的有些不同，很熟悉但就係好味進化版，食埋甜品真係大滿足。呢餐果然係高質懷舊粵菜，老友們都很滿意，另外，職員態度殷勤有禮，值得加許; 下次會再約家人嚟試吓餐廳其他懷舊中菜。
繼續閱讀
今日朋友帶領下到油麻地衛理徑南華會南華軒食晚飯。朋友介紹這間乃老香港懷舊粵菜，所以在此安排飯局。到達餐廳店員好快就安排好座位，裝修都好精挑細選好老香港情懷。今日朋友點了茶壺功夫湯，百花釀蟹鉗，菘露醬珊瑚帶子，花菰肉絲脆燜龍躉頭腩，砂窩咸肉帶子炒飯。茶壺功夫湯：有雞，豬肉，龍眼，五指毛桃，海底椰，瑤柱。非常足料，好精緻每人一個茶壺既湯。湯好清甜，肉汁味濃。用茶壺倒出杯仔飲湯，我都係第一次非常有趣。百花釀蟹鉗：蟹肉鮮味可口，炸得金黃外脆內熱。揸住黎食加上酸甜醬汁非常好味道。菘露醬珊瑚帶子：好香菘露醬味道，帶子珊瑚蚌新鮮鮮甜好味道。花菰肉絲脆燜龍躉頭腩：花菰有口感，味道都好好。肉絲肉質好夠淋。走過油既龍躉外面脆口，再用醬汁燜夠晒入味。龍躉肉質好，鮮味十足。砂窩咸肉帶子炒飯：熱辣辣既砂鍋，上枱店員就幫助炒一下以免因過熱燶。炒飯足料，非常乾身好味道。仲有甜品送，甜品係雜果涼粉。真係好耐無食過涼粉，好正。另外，要讚店員服務態度好好。
繼續閱讀
表哥約我去南華會打網球，打完就話去飯堂食晚飯，原來球會裏面有我最意食既順德菜，當然要去試下喇!!😆內裏裝修簡樸但帶點家鄉味道💥蝦醬脆腩肉香濃蝦醬味道，外層夠香又乾身，咬下去又多汁💥家鄉煎藕餅煎香既藕餅金黃香脆，蓮藕清甜，加入新鮮鯪魚肉，爽夠彈牙可口。💥茶壺功夫湯以紫砂茶壺逐位上枱，可保持茶壺裡頭燉湯的熱度，逐小杯飲更能品嚐湯中的精髓；味道清甜無味精，用料十足，呈現湯料原汁原味。內裏有雞腳、豬肉、瑤柱、五指毛桃、海底椰等，飲落清甜💥銀念蒸魚頭嫩滑的魚雲肉油脂分佈平均加上銀念帶點微酸及果甜，非常惹味開胃，係夏天清爽開胃既菜式 💥雞頭米七彩炒素粒一道菜好有心思既菜式，蘿蔔、青豆、粟米粒和雞頭米(即茨實)湊成四色，再加上琥珀合桃伴碟，上枱夠豐富，有滋補功效💥沙鍋松露金腿帶子炒飯松露令個飯聞落好香，食落亦都唔會完全冇味，炒飯金黄色澤粒粒分明，火候味十足，不油不膩；再加上金華火腿及帶子，另整個飯更有口感~💥凍綠豆馬蹄露爽口既馬蹄加上綿綿既綠豆，消暑解毒；上枱又夠凍，最好既飯後甜品
繼續閱讀
南華體育會在九龍油麻地京士柏設有網球中心, 姪仔是網球健將, 他邀約我們晚飯訂了南華軒, 餐廳入口位於網球中心內, 附有停車場. 南華軒, 屬私房菜館, 專門招待識飲識食客人同會員. 菜館備有各國名釀, 牆上標誌 , 推介九款廚師撚手美食. 餐廳隔住大玻璃窗, 可以看見戶外打網球. 在此吃飯談天, 有份輕鬆感. 餐廳面積不大, 幸好我們預先訂了位. 服務員先開茶及送上餐牌, 水滾茶靚.店長介紹有多款食品 , 不落俗套.手工小食, 桂花蕃茄, 紅卜卜好亮麗. 桂花有助養生. 蕃茄已去皮經醃製, 味道少酸甜再加上桂花香, 清甜開胃.紫砂茶壺功夫湯: 杏汁燉豬肺湯, 一人一壺, 熱熱的送上, 好衛生.火喉夠, 湯燉得清香, 湯料足, 有豬肺, 瑤柱, 雞肉, 瘦肉, 雲腿, 菜, 杏汁. 入口杏汁味美甜濃, 品茶般把湯倒進小杯子, 喝得有風味. 紫砂養生壺提倡慢飲細食. 古語說得好 "上臺可聞湯香味, 入口香純到腸來" , 值得讚賞.崧子雞頭米炒素粒, 這個素菜非常健康有益, 用崧子, 粟米粒, 毛豆, 新鮮雞頭米 (茨實) ,冬菇粒. 好爽口的一道菜. 雞頭米營養豐富, 補中益氣, 崧子滋陰潤肺. 口感不錯. 鮮仁稔蒸排骨, 師傅用了仁稔做醬料, 加入子薑, 椒絲, 調味非常到位, 排骨脂肪含量低, 肉質稔滑, 混合甘酸醬汁, 食得滋味. 薑絲米皇魚浸時蔬, 芥蘭嫩綠, 爽脆鮮甜, 香辣薑汁幫助去了澀味, 再加上奶白色嘅魚湯, 更鮮美.黑松露鹹肉帶子炒飯, 用瓦鍋盛載, 保持溫度. 用鹹肉, 帶子, 露筍粒, 雞蛋, 黑松露, 青蔥一同炒香, 帶子入口非常鮮美, 炒飯有黑松露香又不油膩, 食得好滿意. 餐後, 餐館免費送給每位客人, 經典的廣東糖水, 木瓜雪耳凍, 入口好清甜, 潤肺養顏, 餐館好有心意啊.食材和烹調質素優越, 貨真價實, 師傅廚藝好, 價錢合理, 會再來 !!
繼續閱讀