影片
港鐵油麻地站 B2 出口, 步行約2分鐘
繼續閱讀
營業時間
星期一至日
18:00 - 02:00
以上資料只供參考, 請與餐廳確認詳情
相關文章
去了油麻地吃晚餐，本來想吃村爺爺，但排隊真的實在太多人，最後最後都是決定去小肥牛吃啦。油麻地呢間小肥牛，同本時去太子吃果間，有點不同。油麻地呢間是蒸氣火鍋為主，即是吃粥底果隻呀！ 今次我們決定去吃新的菜，叫了98蚊一位的韓式海鮮火鍋。當然不夠吃啦，份量是每人一隻鮑魚，一隻扇貝，一隻龍蝦仔，一隻螺，兩隻沙白蜆，，3條象拔蚌仔，少量娃娃菜，1個烏冬。當然海鮮唔新鮮啦，特別是象拔蚌，好腥好腥。咁我們再叫了細碟牛頸脊，中份娃娃菜。加了一枝嘉士伯大樽，同一罐 fanta 橙汁，多謝 $411.4但有個職員好好笑，成日講，98蚊呢個餐，唔夠吃架，可以吃龍蝦粥底啦，又可以吃自選火鍋架!
繼續閱讀
朋友介紹說這店抵食又不錯，所以帶我們來試試，在油麻地，交通方便，大大個招牌我們9點半左右才入席，所以選了任食套餐正常調味料非常豐富海新鮮海鮮拼盤，大部分常見海鮮都有齊蒸氣鍋蓋，旁邊前菜小豆很鮮甜微咸，算是出不錯的開餐小食這很驚喜，原來海鮮有專人幫我們計時做好和分菜，我們只要吃就好龍蝦非常彈牙爽口鮮味，完全可不用點調味料，每人半只蒸完各種海鮮最后出來的精華粥，非常鮮甜甘香，營養價值豐富吃完粥，就開始任食火鍋，肉類很新鮮，最驚喜是各種丸類，很彈牙爽口，比一般外面自己買的都高質最后每人盛惠港幣$252，不貴，而且我們7個人大家都吃很飽，大滿足
繼續閱讀
首先，打電話book位時佢話最優惠任食套餐係$198，六點開門，七點半前離座就可以$198一個人。我們5:45早到，問可否入座，職員說5:30開始營業，5:30入座可以食到7:30，因每枱可以食兩小時。一座低，無餐牌，佢話揀火鍋食物就得。問佢個餐有乜，佢話最優惠乜都有囉，見到有宣傳單張問佢係咪一樣，佢話係$248嗰個，宜家7:30pm前就$198，但見到內容唔同，佢又話宣傳單張只係廣告，下咁都得？好，我們叫飲品，明明寫住生啤$18，就話個優惠價係廣告，杯生啤其實收$58杯。海鮮非常麻麻，蜆好多沙，多到食唔到，青口好多無開，侍應話食得㗎，自己打開囉。下？咁都得？蝦都梅梅地，龍蝦一般，算最新鮮的一樣。鮑魚都一般，比目魚根本over cooked 又無鮮味。個粥d米全部一舊舊，好難食，湯底根本唔係乜新鮮湯全部最好食係鮮牛丸，食到牛味，其他食物都差。最重要根本無任食，呢樣嘢好唔老實，佢話7:30係有另一個任食餐，咁點解唔俾人揀？個粥底至過份，一舊舊粥，硬米。好差。埋單 $44x食唔飽，好掃慶！劣！
繼續閱讀
壽星指明要吃這間蒸氣鍋，買4送1優惠完結了，但亦豪豪地點了$248的任食餐(只限邊爐食物).嘩，好有份量呀，大家見到後都好開心，當然相機先吃啦! 龍蝦放在鍋中時，看見它的鬚子還會"郁"，即生檔了不久，雖殘忍了一些，但感覺好新鮮蜆還是花甲呢?我都不太懂得分辦，還有些青口. 肉質飽滿，味道鮮甜，不錯.蝦夠大隻，又爽又好味 魚好滑，同行家人都好讚扇貝熟了點，蠔因不是我喜好，故感覺一般.吃完海鮮，侍應醒目地建議食客先吃幾口粥，因海鮮的精華滴下在粥內. 粥非常甜呀海鮮後便打邊爐，食材都非常新鮮，極推薦"炸魚皮"，超好味 ,還有手打蝦丸，墨魚丸，爽到呢!整體而言，食物非常新鮮，份量又大，味道亦真的不錯，非常豐富滿足的一餐，唯一美中不足是調味豉油不是甜豉油!
繼續閱讀
之前見到$98宵夜任食，即刻吸引咗，未細看之下去試了。究竟係咪真係咁抵？買單最終兩人承惠$270。WHY？WHY?因為要加一同埋飲品唔包囉。如果你打邊爐可以全程唔飲嘢，我只能說一個服字！咁埋單就每位$120左右。不過好似話滿4人就送，我哋得兩個人，唯有自己食自己。 講番個宵夜任食先。湯底有三種選擇：芫茜皮蛋、藥膳、蕃茄。我要咗第一個。清清地，有芫茜味，算不錯。至於嘢食方面，份量平既就俾多，貴既就俾好少。例如午餐肉多到好似成罐俾晒你。而肥牛呀、丸呀，每樣得個四件。肥牛唔靚，無牛味，鞋十十，有多都唔想食。牛舌一流，好有牛味。羊肉卷有羊味，唔鞋。蝦丸、墨丸都好彈牙，不過一粒等於平時食開既四分一粒。花枝片爽滑。魚皮餃皮算薄，但只會俾兩隻你。叫咗一個叫王喉既食物，因為唔知係咩，貪得意試下，好爽脆，不過無咩味。Google咗，先知道係牛等家畜既大血管，係四川火鍋中既一種食物。打邊爐唔飲嘢我唔得，所以叫咗竹蔗水，無標明價錢，要問。$38。有少少竹蔗味，比街邊即叫即榨既淡得多。另外，入座時枱面已有兩碟小食，但你唔會想食，因為唔知放咗幾耐。另一個小插曲係，我知道一開始入座人多，等十分鐘未上食物情有可願，但等咗三十分鐘都無，就唔正常囉。係廿分鐘時問咗一次，佢叫我哋再等下。依刻已經有d火啦。到過咗三十分鐘仲未來，水都燒乾了，我哋再問。先有個人拿我哋張單去跟。咁啱另一個女侍應見到我哋未有得食，主動叫另一個跟下我哋d單，我哋道火先熄咗。到差唔多食完啦，第一張單既食物又無啦啦送上來，罷明頭先唔係人多做唔切，而係漏單啦！環境算ok，座位宽躺，有枱人食到過晒鐘都好好態度服務佢哋。有兩個女侍應好勤力好有heart做嘢。一開始時其中一個女侍應推介$198那個優惠的，唔知包唔包嘢飲，但已包加一及有海鮮。我覺得比這個所謂的$98抵食。只不過怪我沒問清楚。要不然我會選$198這個。不過事隔咁耐，唔知仲有無$98宵夜了。
繼續閱讀