39
12
6
港鐵深水埗站 D2 出口, 步行約1分鐘
繼續閱讀
電話號碼
27088318
付款方式
以上資料只供參考, 請與餐廳確認詳情
食家推介
中午嚟咗呢一度食麵。呢間嘢我成日都嚟食魚蛋麵。因為貪佢啲魚蛋夠彈牙。但今次就試吓第二啲。今次嗌咗鯪魚球麵。鯪魚球啲肉啊好紮實,咬落好彈牙,唔會林啤啤咁。個湯都好清。麵底都好爽,好出色。成個配搭好味過油麻地嗰間XX記字頭嘅麵家。加埋油菜買單$58,我覺得以深水埗麵店嚟講算係貴,不過的而且佢都係區內少有我會返兜嘅麵店。
繼續閱讀
好耐都冇嚟食個魚皮。真係每次嚟都必點。但鹹肉粽就變咗有紅豆。味道冇之前嗰隻咁好味。不過我就鍾意地道小店食嘢。雖然有好多人話衛生差。服務差。講真。小店係街坊生意。去得就要預咗。如果要有服務同勁乾淨我覺得去返有收加一服務費的食店!
繼續閱讀
每次經過呢度,都會心大心細去食個車仔麵定去食燒味飯,畢竟選擇真係太多!10次入面,總有5-6次都會揀新聯豐,快靚正,又好食。豬膶撈麵豬膶微滑+彈牙爽口,幼麵爽口冇乜梘水味,加埋薑絲蔥段,再加碟辣椒豉油,冇得頂。粥品亦係唔錯既選擇,另外豬手,雞腳,雲吞亦都唔錯,推介!
繼續閱讀
以前成日食呢間嘅蠔豉雞煲仔粥,但今晚突然話無煲仔,得碗頭,我話好啦,點知落到嚟張單價錢貴過煲仔,我問姐姐點解啦,佢話餐牌上碗頭係無蠔豉同雞一齊嘅set,你要食就要另外蠔豉拼雞,仲大大聲話而家蠔豉有5粒,所以貴啲,咁我聽咗都覺得ok,等咗半個鍾之後,上到黎竟然得3粒蠔豉,我問點解,佢竟然即刻鬧我點解無問佢雞有幾粒,話蠔豉唔夠就自然用雞搭救。。。真係九唔搭八,所有嘢都係個姐姐claim,出到黎貨不對辦就鬧客人無問清楚所有配料有幾多,同埋無問如果一樣唔夠係咪會用第二樣搭救,乜幾時食嘢要咁多規矩。真係超級差。姐姐聲大夾惡成個黑社會大姐大咁。
繼續閱讀
見KOL介紹,諗住lunch 去試咖哩魚蛋和八爪魚,點知原來4點有,但坐底左,咁都叫碗牛腩魚餃米。黎到首先好細碗,魚餃得兩粒,牛腩亦不特別好味,但價錢卻唔平,$49蚊。當然$49是小數目,但相比份量同質素,卻不值得。另一恐怖事情,是有一個員工亞姐,當時我叫她給我一個碗仔,她讓我等等,突然在廚房有水積的地上執起垃圾隨手棄掉,我看見她的手直接掂到污水及垃圾,她舉動令我很不安,所以一直盯著她,然後看見她「沒有」洗手,便拿了一支氣水給另一客人,再拿了一個碗仔給我。我立即說她沒洗手便拿碗,她:「乜呀」了一句便走開… 如果我沒有便用那個碗,怱怱食完就走。實在不會有下次幫襯!!
繼續閱讀