399
15
4
| 餐廳: | 聚來車仔麵 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵深水埗站 A2 出口, 步行約5分鐘
繼續閱讀
電話號碼
23918033
開飯介紹
車仔麵真材實料，有多款配料選擇。驚喜地有創作甜品—阿華田西多士，精緻好味媲美甜品店。
繼續閱讀
附加資料
歡迎外賣自取
營業時間
今日營業
11:00 - 21:00
星期一
全日休息
星期二至日
11:00 - 21:00
以上資料只供參考, 請與餐廳確認詳情
相關文章
今日同朋友黎食我呢間每到深水埗必食嘅餐廳，聚來嘅港式車仔麵同多士都好出色，加埋港式凍檸茶，一直都保持到水準！而且呢間鋪非常有人情味，係一家人去經營，而且服務都好好！🍜車仔麵👍🏻薯粉好少車仔麵店可以簡薯粉，而佢整嘅薯粉係整得岩岩好，好煙韌同爽口！👍🏻豬手非常淋同入味，估唔到車仔麵都食到咁高質嘅餸。豬皮份量好多，而且都寫得好乾淨同入味。雞翼尖👍🏻瑞士雞中翼又係入味嘅代表之作，而且大大隻👍🏻豬紅洗得好乾淨，份量唔錯芝心丸裡面有溶咗嘅芝士，好岩我口味🌶️辣醬同有辣椒菜脯都好出色，辣椒辣同蒜香味好突出🦑👍🏻秘製辣魷魚呢款辣魷魚比想像中冇咁辣，除咗有少少辣醬，仲有啲芝麻醬！份量非常多，食落非常爽口👍🏻🍞👍🏻👍🏻爆醬阿華田西多士呢個係招牌西多士，啲包炸得夠脆，上面鋪滿勁多阿華田粉，然後有好多煉奶流出嚟，加埋朱古力榛子醬，係外脆內軟！雖然好邪惡，但好值得食，好好味～🍹凍檸茶好欣賞佢嘅茶仔，係港式嘅錫蘭紅茶，而且有新鮮嘅檸檬，加埋車仔麵就係香港嘅特色美食。
繼續閱讀
閨蜜喺social media見到極其邪惡的食物，就叫埋我一齊去試🤣口腹之欲，的確罪孽深重😍。爆漿阿華田西多士 $38 （爆推🌟🌟🌟🌟🌟) 就是衝着它而來，第一次食，果然令人驚喜萬分❤️。仲加多$2，要了朱古力榛子醬。西多士賣相超級吸引，以超多阿華田粉鋪面，中間猶如火山湖一樣，上枱震騰騰😍一切開，流心餡傾瀉而出🤩，非常震撼。一啖入口，阿華田的香，夾雜着中間的朱古力榛子醬，非常香甜😍邪惡指數爆燈，但好食指數都爆曬燈。招牌雙拼煎餃 $63點了椰菜雲耳豬肉及+$3 要了芝士粟米，足足有12隻。餃子皮底部煎得非常香脆，但上層仍然柔軟。一啖咬開，餡料滿瀉。椰菜雲耳豬肉非常清甜，椰菜帶點爽口，很清爽的感覺。芝士粟米非常好食，芝士量足，帶點鹹香，配上甜甜的粟米，好食到食完一隻又一隻😍。招牌鮮炸肉丸 $35有10粒，即叫即炸，熱辣辣，好好食。炸得外脆內軟，啖啖肉，帶點點肉汁，幾好味。熱奶茶及凍奶茶身為奶茶控，必試其茶。茶底濃味，順滑入口，不錯。想睇更多介紹，馬上Follow我啦😁。
繼續閱讀
.#foodie #hk #hkfoodie#HTB美食推介【深水埗打卡茶記｜有緣相聚歡迎再來😮】唔入餐廳都唔知道原來餐廳名咁有詩意，行開深水埗決定嚟朝聖下一間打卡茶記😎🤩.🐨爆漿阿華田西多士 $38推薦度：⭐️⭐️⭐️⭐⭐️西多士可揀花生醬或朱古力榛子醬，傳統嘅小編揀咗花生🥜🥜上枱嗰下勁震撼！！！中間係佈滿咗醬同阿華田粉，一切開流到成隻碟都係～～ 食落第一啖一定係滿滿阿華田味...但食得出就咁西多都好出色🤪🩷 因為切開見到佢炸得啱啱好，外面薄脆、中間夾住滿滿嘅花生醬～ 花生醬嘅鹹味同華田甜味都好夾，兩者其實都唔係好搶～上面滿滿嘅華田浸得越耐味道越出，彌補到原本食西多食得多會好寡或者想同人分享嘅感覺🫣 絕對可以自己食晒成份....🐨單拼麵餐-雞扒米線 $32up推薦度：⭐️⭐️⭐️⭐⭐本身擔心淨係西多會飽，所以叫埋個米線😂 米線媲美到三哥，有淡淡米香、唔會煮到好腍～ 另外，揀咗雞扒，雞扒一上枱係金黃色，最緊要佢喺原塊上，逐啖咬住食好滿足🙈 佢煎得真心好香、蔥花味都好出，保持到肉嫩同肉汁，係茶記level絕對係高質素！！！！.⌫所有下午茶餐都連埋餐飲🤤勁抵——☼——☼——☼——☼——☼——聚來車仔麵📍地址：深水埗基隆街172號地舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB深水埗 #HTB港式.#深水埗美食 #深水埗 #港式 #西多 #爆醬 #阿華田 #朱古力榛子 #雞扒 #下午茶 #打卡 #高質 #美食推介
繼續閱讀
今日同朋友去深水埗買嘢，行過見到一間車仔麵店，就入去試吓，結果真係好有驚喜！*雞中翼* 🍗：雞中翼煮得非常入味，雞肉嫩滑。*牛筋* 🍖：牛筋炆得啱啱好，入口即溶，味道濃郁，真係好好味。*魚肉春卷* 🐟：魚肉春卷，內餡鮮美，多汁可口，令人一試難忘。*韭菜餃* 🥟：韭菜餃皮薄餡多，味道鮮甜，韭菜香味濃郁。 *魚腐* 🐟：魚腐質地滑嫩，味道鮮美，加埋湯底，非常好食。*其他餸* 🍜：仲點咗幾款其他餸，都係好味，每一啖都好滿足。整體嚟講，呢次食車仔麵嘅經歷非常愉快，其他餸菜豐富多樣，味道一流。呢間車仔麵店真係值得再嚟，下次一定會帶更多朋友嚟試吓😋🍽️😊
繼續閱讀
🍽️聚來車仔麵（深水埗）📍深水埗基隆街172號地舖 車仔麵是香港的地道美食，我很喜愛，因為有很多不同種類的餸可以自由配搭，啱哂樣樣都想食的我，這裡除了車仔麵外，還有飯、煎餃子、炸雞翼、煎釀三寶等小食選擇👍車仔麵❤️牛腩、豬手、魚片頭，選粗麵，加腩汁❤️牛筋、貢丸、冬菇、菜底加腩汁 牛腩、牛筋超淋及入味，豬手肉質極度柔軟，充滿骨膠原，魚片頭及貢丸爽口彈牙，好好味，除咗可以揀麵、米粉或河粉底之外，仲可以轉菜底，豬骨雞湯底非常清甜，仲可以添加一至二款醬汁，食材配搭好多，令人百吃不厭！❤️招牌鮮煎餃子～我選了椰菜雲耳豬肉餃及韭菜豬肉餃，二者都好好味，餃子很飽滿，外皮煎得非常香脆，餡料十足，充滿肉汁，滋味滿分。
繼續閱讀