影片
電話號碼
66227373
營業時間
今日營業
18:00 - 06:00
星期一至日
18:00 - 06:00
*星期二至星期日,晚餐晚餐18:00至22:00。毎晚22:00至6:00音樂餐廳
以上資料只供參考, 請與餐廳確認詳情
近楓樹街遊樂場側邊近太子地鐡站帶貓咪🐱睇醫生時發現附近有間泰菜小店叫"馮濤泰菜"泰菜好少會用姓氏做名🤔我最鍾意佢係開放式廚房👍🏻直接見到佢煮真係安心好多🤣廚房清潔得好乾淨整齊係一個比較年青男主廚👨🍳😍原來係正宗泰國人主理聽講她的媽媽是御用泰皇大廚師呀是用古法秘方由Tao媽媽傳授😋先可以品嚐到正宗泰國傳統的泰國風味小菜👉🏻泰式素春卷👍🏻裡面有紅蘿蔔絲、芋頭同木耳等配料，口感豐富，外皮好脆，配上"梅汁"好開胃，好特別😋👉🏻豬碎肉生菜包😋豬碎肉炒得好香有少少微辣最特別係配薄荷葉好清新生菜翠綠洗得好乾淨👉🏻冬陰功炒飯(可以配雞或海鮮）😋個飯炒得算乾身配埋d 生紫洋蔥更香口👉🏻黃咖哩雞(可以自己配搭不同肉）呢度黃咖哩好似水質地感覺唔會膩👍🏻配白飯一流不是一般結撻撻汁👉🏻凍洛神花茶（自家製）好有洛神花味👍🏻香濃得嚟唔搶喉酸酸地好飲👉🏻凍香茅茶（同樣自家製)除左香茅仲有斑蘭葉味道味道甜甜地幾好飲係呢度食配菜都夠菜食👍🏻
繼續閱讀
今次嚟到一間正宗嘅泰國餐廳，試咗佢哋嘅幾款特色菜，每樣都好有泰國風味。首先介紹一下青檸蝶豆花茶，呢款飲品色彩鮮艷，紫藍色嘅蝶豆花茶配上清新嘅青檸汁，飲落去酸酸甜甜，非常清爽。🍹再嚟就係泰國象啤，呢款啤酒係泰國特產，入口清爽，啤酒花香味濃郁，而且酒精度唔高，非常適合配埋泰國菜一齊飲。🍺鳳爪沙律係呢度嘅特色之一，用上咗新鮮嘅鳳爪，加上酸辣嘅沙律汁，味道非常開胃，每一口都充滿住酸辣嘅滋味，十分爽口，非常適合夏天食。🐔泰式肉碎煎蛋係另一個必試嘅菜式，煎蛋煎到金黃色，外脆內嫩。裡面夾住嘅肉碎味道非常濃郁，加上泰式香料，味道非常豐富。每一口都係濃濃嘅泰國風情，真係一試難忘。🍳素春卷用上咗新鮮嘅蔬菜，炸到外脆內嫩，食落去非常香脆。配埋酸甜嘅蘸醬，味道更加突出，仲非常健康，係素食者嘅好選擇。🥟泰式蝦油蝦炒飯係另一個必試之選，炒到粒粒分明。加上新鮮嘅蝦仁同泰式蝦油，味道非常濃郁，真係非常滿足。🍤最後介紹一下凍香茅茶，味道非常清新又解渴，而且香茅茶仲有助消化，食完一餐豐富嘅泰國菜，飲一杯凍香茅茶真係非常舒服。🍵
繼續閱讀
今日入鴨尞街買電話卡，搵左間正宗泰國菜食！菠蘿炒飯（雞）擺碟好有設計，個飯好有鑊氣，入面材料好足，有肉鬆、三色豆、提子乾、雞肉、菠蘿，配料多到係每啖都食到，唔同食材炒埋一齊又好有口感，炒出嚟好香口。生蝦 ！必叫！好好彩咁岩今日有貨！店員話平時要打電話預訂，店員教要浸三十秒，等啲蝦索晒啲汁，果然冇錯，個汁係精粹，彈牙嘅蝦肉點落去酸酸辣辣好開胃！泰式冬陰功 （小）少少辣，怕辣既人都食得，入面既菇同蝦都好鮮甜，配落個湯底好夾，食得出個湯底落左唔同香料去煲，好有層次。碎豬肉生菜包豬肉碎好新鮮零豬騷味，同埋啲配料炒埋齊，如果送飯可以食到兩碗飯。店員教我地，薄荷葉夾入去，原來咁先係正宗食法，完全將肉碎嘅味道昇華。奶綠茶好怕泰國野飲太甜，但佢係唔係死甜 ，飲到唔係奶精，仲有淡淡綠茶味，都幾fresh. 青檸蝶豆花茶自家製，呢個組合好解渴解膩，打卡一流！最欣賞佢既裝修係開放式廚房，間住塊透明玻璃睇到原來係正宗泰國人廚師，除左美食嘅味覺享受，仲有視覺享受望住廚師真功夫 👏🏻
繼續閱讀
我同BFF都勁鍾意食泰國野，今年就揀咗「馮濤泰菜」慶祝我生日😛餐廳有個Open Kitchen，可以見到泰國師傅即席烹調，夠晒火候鑊氣👍🏻味道正宗大大碟，鍾意食泰國野嘅朋友仔一定要黎試下👍🏻泰式蠔仔煎蛋必食推介🉐呢度嘅蠔仔煎蛋每粒蠔肉都肥美飽滿，入口軟滑鮮甜，雞蛋生熟程度啱啱好，蛋香味十足，配上泰式辣醬更加惹味，底下鋪上芽菜，爽口清甜，令口感更加豐富😋用鐵板上枱能夠保持食物嘅溫度，熱辣辣又美味素春卷春卷即叫即炸，皮薄酥脆香口，裡面包住木耳絲同紅蘿蔔絲，既清新又健康嘅菜式，可以用生菜包住春卷點上酸甜醬一齊食，別有一番滋味😋一條接一條食唔停口吖泰式燒雞必點菜式👍🏻燒雞係即叫即燒，大概等咗15分鐘就上枱，外皮香脆夠入味，裡面嘅雞肉依然保留肉汁非常juicy嫩滑，每一啖入口都啖啖肉，加上香蔥同蒜片令燒雞更加香口，超讚鳳爪沙律酸酸甜甜又開胃嘅沙律，老闆娘仲好貼心問我地想要咩辣度，我地揀咗小辣味道啱啱好，鳳爪爽口彈牙，份量十足，裡面加入大量嘅香芹同洋蔥配上酸甜香辣嘅醬汁，正宗泰國嘅風味泰式蝦油蝦炒飯金黃色嘅炒飯炒得夠乾身，米飯粒粒分明，入口有淡淡的蝦油香味，裡面加入大大隻新鮮爽口嘅鮮蝦、紅蘿蔔、粟米、青豆、提子乾同蒜片，口感非常豐富，鑊氣十足冬陰功湯我地兩個人就嗌咗碗細嘅冬陰功湯，每人都大概分到三碗，味道酸酸辣辣清爽開胃，配以大量鮮蝦、本菇、蕃茄仔同香茅大大提升咗湯嘅鮮味，入口回味無窮香茅茶當然唔少得嗌返杯泰式飲品，入口充滿香茅嘅香味，甜度剛剛好，解渴又解辣😋📍馮濤泰菜 (深水埗)深水埗鴨寮街28-36號運福樓地下B號舖人均消費：$250-350食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
「好想食泰國菜!!!」 咁樣講嘅時候朋友就帶我嚟食依間佢話我一定會中意佢多數介紹親都無錯就跟佢嚟!!居然係深水埗，望地圖距離好似有啲遠但其實行落都好近，出鐵之後一條直路大約10分鐘就到MENU款式超多每樣望落都好吸引完全唔知點揀所以全部都由朋友決定蟹肉炒飯超大份量! 蟹肉超多老闆娘同我地講可以一開始先滴4-6滴青檸汁落炒飯度先然後再係自己碗加小小魚露/辣椒粉(如果想再辣啲)本身個炒飯完全唔辣但勁有鑊氣! 超香!加咗小小魚露、辣椒粒同埋洋蔥撈勻之後將辣椒粒拎走個飯都已經有小小辣味加埋會更加香口酸辣海鮮湯好大兜，一望已經有勁多海鮮有大大隻青口、蝦同好多魷魚雖然佢叫酸辣湯，但其實都係冬陰公嘅一種望落顏色比平時冬陰公無咁紅但飲落都唔惹小我覺得幾辣，好過癮比我食得辣嘅朋友就覺得未算太辣相對無咁酸~大兜到覺得飲湯食海鮮都好飽嘅程度泰式蠔仔煎蛋用鐵板上好開心視覺效果超靚而且令到個蛋可以熱多陣蠔仔大大粒飽滿多肉又唔腥而且個蛋都超出色食落甜甜地，好滑好香蛋味食落都好有鑊氣隔離個汁係用嚟點佢，有小小辣辣地用嚟吊味但個蛋已經出色到可以完全唔洗加汁都勁好食蛋下面有芽菜，索晒啲汁都好香泰式奶綠茶&奶茶第一啖勁甜XD但等到啲冰開始有小小融化之後就係超好飲嘅茶就算去到最尾，平時啲冰融晒成杯野都唔會好淡味或者得水奶茶會比奶綠茶再甜小小而奶綠茶會重小小香料味餐廳去到9點之後就會變成音樂酒吧都可以邊食野邊飲酒仲開到凌晨3點但因為琴日早去所以我地就無留到咁耐座位都好舒服同闊就算9點前都有音樂聽住好chill咁食野而且除開人均消費都唔算好貴重點係好好食!下次都會再想嚟食
繼續閱讀
您可能會有興趣的...