影片
港鐵銅鑼灣站 A 出口, 步行約5分鐘
繼續閱讀
電話號碼
92880984
營業時間
今日營業
09:00 - 18:00
星期一至五
08:00 - 18:00
星期六至日
09:00 - 18:00
以上資料只供參考, 請與餐廳確認詳情
【#思思賢美食推介】笑林寺美食推薦：火焰刀法意粉🍝 & 挪威北斗陣Bagel🥯隱身喺銅鑼灣同灣仔之間嘅「笑林寺 Cloud Nine Specialty Coffee」，以少林功夫做主題，裝修禪味十足，絕對係鬧市中嘅一片淨土。 佢哋將功夫融入菜式命名，例如「火焰刀法」意粉、「挪威北斗陣」Bagel，真係好有創意！今日搵老公食Lunch，試咗兩款食物同每人一杯咖啡：「火焰刀法」意粉 ($86) 其實係辣味白酒煙肉意粉，辣度啱啱好，唔會搶走其他食材嘅味道，煙肉份量都幾多，幾惹味！「挪威北斗陣」Bagel ($74) 就係經典嘅煙三文魚忌廉芝士 bagel，配料新鮮，bagel 鬆軟，整體好清新，味道好balance。飲品方面，我哋叫咗 Mocha ($48) 同 Flat White ($48)。咖啡水準唔錯，拉花都幾靚，Mocha 唔會太甜，Flat White 咖啡味香濃。整體嚟講，食物質素同價錢都合理，環境舒適，服務態度都好好。如果想搵個地方靜靜地嘆杯咖啡，傾吓偈，「笑林寺」絕對係一個好選擇！推薦指數： 4/5 ✨📍 笑林寺 Cloud Nine Specialty Coffee (摩理臣山道33號地舖)#思思賢 #Chillmybabe #思思賢美食 #全自費食評 #香港美食 #銅鑼灣美食 #灣仔美食 #咖啡店 #cafe #下午茶 #笑林寺 #CloudNineSpecialtyCoffee #少林寺 #功夫 #創意料理 #相機食先 #hkfoodie #hkfoodblogger #hkig #hkiger #chill #relax #鬧市中的綠洲
繼續閱讀
港島區黎講，呢間算係我最鍾意嘅咖啡店！一間有玩味結合古典與摩登嘅cafe，食物全部都以功夫招式命名。每次都要order 倒踩三芝雲，用上田園麵包加上三重芝士同蜜糖焗成，咸甜交雜又唔會太滯。另外佢地嘅咖啡豆可以選擇nutty嘅Brazil同fruity嘅Ethiopia，一向都鐘意飲nutty嘅我覺得佢地出品嘅咖啡堅果味好厚實帶朱古力味，啱晒我口味🤍倒踩三芝雲（蜜糖三重厚多士）香蕉蛋糕Apple crumble with ice cream大力金剛指（Americano) - nutty冰蠶毒掌 （Espresso tonic) - nutty
繼續閱讀
☕️笑林寺😊又黎愛店之一既笑林寺啦喺香港唯一以少林寺作為主題既Cafe以木質中式裝修為主啲杯杯碟碟都係中式嘅茶具最得意係佢哋嘅Menu都係功夫招式命名架桃花島 Sour Cream Spaghetti $96賣相都係咁靚 (о´∀`о)造型似玫瑰花既煙三文魚 放係意粉上裝飾而酸忌廉配意粉 酸酸地咁仲有煙肉 越食越開胃個醬汁好濃 又勁掛汁草上飛 Portabello pesto spaghetti $88大啡菇+蒜頭+洋蔥粒+蕃茄粒基本上呢個組合都係冇得輸佢地仲用左自家製嘅青醬好鐘意佢地個汁咁漏咁掛汁呀咖啡方面都好高質仲要用勁靚既中式功夫茶杯裝住有FEEL
繼續閱讀
約左前輩黎傾下計但撞正就黎打風驚唔開門，即刻whatsapp 笑林寺問下開唔開門，回覆得好快話會照常營業，我當堂放心曬不過最後前輩決定避颱風將meeting日子推遲一日，又撞正第二日中午先落風球，因為餐廳係我揀所以我特別緊張又whatsapp笑林寺，同樣係覆得好快，最後順利黎到同前輩飲杯啡。笑林寺啲枱櫈古色古香，咖啡杯都係功夫杯好得意，店舖職員都親切有禮貌。我飲左cappuccino，咖啡香濃飲完後職員有主動埋黎斟水比我地，無趕人，環境坐得舒服今次同前輩飲啡唔好意思影杯啡有機會一定會打黎
繼續閱讀
#mochicouple灣仔搵食團1️⃣九陰八骨爪(Mocha)($48)一杯巧妙調配既摩卡，口感超級濃郁，朱古力同咖啡既比例好好👍🏼好味指數：🍡🍡🍡🍡2️⃣ 一陽指(Latte)🤍($40)拿鐵醇厚滑順，奶泡輕盈好味指數：🍡🍡🍡🍡3️⃣獨菇劍法(黑松露白酒忌廉菇意大利粉)🤍($98) 菇類的鮮美同黑松露既獨特香氣相互交融，意大利粉的口感啱啱好，軟硬適中好味指數：🍡🍡🍡🍡🍡4️⃣桃花島(煙三文魚酸忌廉醬白酒煙肉意大利粉) ($96)意大利粉口味較重，酸忌廉既清新同煙三文魚既鹹香形成完美平衡，但酸忌廉太過酸，有點失望好味指數：🍡🍡5️⃣倒踩三芝雲(三重芝士蜜糖田園麵包)🤍香濃芝士同甜蜜蜜糖相互輝映，搭配新鮮田園麵包，好味😘好味指數：🍡🍡🍡🍡($68)6️⃣草上飛(自家製青草醬蒜蓉洋蔥蕃茄粒意大利粉)🤍($88)自家製的青草醬清新可口，蒜香十足。好味指數：🍡🍡🍡🍡🍡7️⃣Baileys cheesecake($42)濃郁的Baileys酒香同滑順的芝士好夾好味指數：🍡🍡🍡📍 香港灣仔摩理臣山道33號地舖🚇 銅鑼灣地鐵站 A出口 行大約7分鐘🕒 8am–6pm (Mon-Fri) 9am-6pm (Sat-Sun)#香港#灣仔#灣仔美食#香港cafe##HongKong#foodiehk#香港美食 #香港foodie #灣仔cafe#灣仔美食#香港美食#香港打卡
繼續閱讀