影片
港鐵灣仔站 C 出口, 步行約1分鐘
繼續閱讀
電話號碼
28329222
營業時間
星期一至六
12:00 - 00:00
星期日
全日休息
以上資料只供參考, 請與餐廳確認詳情
食家推介
招牌菜
早排男朋友同舊同事去食晚飯，返到屋企就同我講灣仔原來有間西班牙tapas餐廳，餐廳名翻譯完叫一隻豬，個名好搞笑！佢話好味話要帶我去試下。本身諗住上星期日去，點知原來呢間餐廳逢星期日休息。之後我哋擱致左，點知男朋友興起話不如今晚去，我哋兩個放工之後就去左果度開飯。個menu由肉/海鮮/蔬菜/飯類/甜品都有好多選擇。我哋就叫左五款tapas ！Croquetas de Jamon / ham croquets : 火腿咸咸地加埋薯肉，個皮好脆口喎！其實我想試墨汁croquets，不過佢唔食海鮮，唯有等下次！Chickpeas/ Chorizo with tomato sauce ：冇諗過咁好味，chickpea 煮到唔太淋同埋加埋蕃茄汁酸酸地好開胃！Chorizo 夠惹味Crispy Pork belly - 呢個就要《必試》！肉嫩皮脆簡直係好似中式脆皮燒仔腩大件版，其實得兩件真係唔夠喉！食左咁多油膩野，係時候食下啲菜，本來打算叫西班牙青椒仔，男朋友話去親食tapas 都叫，今次不如試吓新嘢。Grilled Asparagus/ 64C egg/ Serrano Ham ： 呢個就好似食緊Spanish breakfast 咁，流心蛋加Ham 加埋露荀，三種簡單材料，配搭好味。Moorish spiced meatball / Tomato sauce 蕃茄肉丸：肉嫩鬆軟，最後一碟都唔覺得膩！食下食下原來都幾飽，可能大部份都係肉類。最怕tapas好咸，呢度tapas完全唔咸而且仲好好，價格合理。今次冇試到西班牙海鮮飯覺得有啲走寶，下次一定要試吓！👍🏻
繼續閱讀
第一次正式接觸地道西班牙菜就係由El Cerdo開始，之後久不久就會番黎回味！有別於其他西班牙餐廳，一係就賣到貴一貴，大大碟一道菜；又或者都係貴一貴，份量就一啖就食完。El Cerdo的份量一直控制得好好，令食客可以盡情品嚐到每道菜嘅滋味，同時唔會感到太多太膩。今次同朋友點了兩個Set Lunch一同分享 - Set Lunch A: 餐湯 + 炸黑毛豬火腿球 + 傳統蕃茄醬煮肉丸 + 香脆玉桂條配榛子朱古力醬 (+$10); Set Lunch B: 餐湯 + 鐵板燒蒜蓉辣椒炒大蝦 + 西班牙蟹肉奄列 + 餐飲 (+$10)。時日嘅餐湯係蕃茄濃湯。非常幸運每次光顧都遇著唔同嘅湯品。這次嘅蕃茄湯伴著獨特嘅香料，非常開胃。Ham Croquetas 炸黑毛豬火腿球：基本上就係炸火腿球，特別之處係炸粉唔厚，用料足，入口有著濃郁嘅風乾火腿味，喜愛香口食物嘅朋友一定鐘意。Meatballs & tomato sauce 傳統蕃茄醬煮肉丸：因為同朋友分享，所以再點了一款方便分享又唔會太飽肚嘅菜式。大概係烹調方法唔同，呢款肉丸味道同意式肉丸大不相同，簡單但另見西班牙菜風味。Sizzling prawns, garlic & chilli 鐵板燒蒜蓉辣椒炒大蝦：一如其名，鐵板上菜時嘶嘶作響，非常吸引。大蝦配上蒜片、辣椒味道，味道濃烈，同樣適合鐘意香口嘅朋友。Crab tortilla 西班牙蟹肉奄列：不同價目嘅Set Lunch都可以選配 tortilla，個人推介為必食之選。不同於大眾對奄列嘅認知，tortilla其實就是薯仔煎蛋餅，而薯仔比重較多。這次點選的蟹肉奄列，在薯香、蛋香中更夾雜了一絲絲嘅蟹肉，口感非常細膩，濃味中帶著少許清新，令人眼前一亮！Churros with nutella 香脆玉桂條配榛子朱古力醬：作為套餐加添嘅甜品，卻一點都不馬虎。Churros非常酥脆，加上榛子醬，以及少許砂糖，每口都有著鮮明嘅層次，不過份甜、亦不過份膩，以性價比而言絕對超值！除了食物出色外，El Cerdo嘅環境亦很適合與朋友閒聊。店員非常有禮、服務周全，在繁忙嘅灣仔區絕對為食客帶來一段平和悠閒嘅用餐時光。每次在El Cerdo都有很好嘅體驗，之後有機會會再來！
繼續閱讀
Visited El Cerdo for a couple times for Happy Hour, but their Tapas lunch offers unique Spanish flavours which was delicious! Mini Cheese Burgers, Quail Eggs & Chorizo //Pork Belly & Quince Aioli //Squid with Garlic, Chilli & Sherry //Mushroom Tortilla //Churros with Choco Sauce & Cappucino //Zucchini SoupYou may be skeptical on whether tapas can fill your stomach for lunch, but it surely can! I’m satisfied not only for its reasonable price and portion, but also the quality authentic Spanish flavours offered. Do come have a try! 📍El Cerdo Lockhart Rd, Wanchai
繼續閱讀
🙌招牌西班牙炒飯 Paella🥘 $158 色香味俱全 海鮮種類豐富 除左有青口 蝦 魷魚 仲有 最靚既豬腩肉～一字既之曰 正👍食之前 加啲檸檬汁 味道立即昇華唔少傳統蕃茄醬肉丸🥫$78認真 就唔識煮🤣粗略估計個sauce應該加左多種香料parsley 薯仔? 唔知點解有陣好香既薯仔味😆求證實🙌脆皮豬腩肉 配 蜂蜜蛋黃醬🧆 $88豬腩肉 超正 必點！！油脂豐富 肉質彈牙 蜂蜜蛋黃醬 亦係神來之筆 一抹油膩感 令人可以一口接一口最後 點了一個香脆玉桂條 配 榛子朱古力醬$58 作結Perfecto 👌餐廳主打 Tapas 所以可以叫多幾款同朋友開心Share😆
繼續閱讀
由於我老公係西班牙人，而我亦住過西班牙，當然要係香港尋找家鄉的味道啦。係香港我地大大話話食過唔少西班牙餐廳，總之一思鄉既時候就食，當然仲有好多未試既，但El Cerdo暫時係我地最喜愛既西班牙餐廳。普遍香港既西班牙餐廳有一個好大既問題，就係又貴，又細碟，但味道又唔夠正宗，食完唔飽仲要感覺比人湯左一頸血，但呢間既性價比，食物質素同服務都好好，不論lunch 定dinner 我都係常客。正如我所講，我地要求比較正宗既味道，所以有時會有要求廚師例如個Tortilla 唔要沙律醬，廚師都會配合。推介菜式有太多，蕃茄多士，炸薯仔火腿球，西班牙青椒，俄羅斯沙律，Tortilla，炸魷魚圈，蒜片蝦，豬腩肉，血腸同Chorizo，甜品就芝士蛋糕，churros, 千層酥。。。唯獨個肉丸我地認為唔應該落cumin，我地兩個人通常嗌5個tapas 加甜品就飽，埋單7百數左右。提提你可以嗌麵包用黎送tapas，好似係實收一個價錢，但食完曬再嗌就唔會再收錢（請同侍應查詢），因為西班牙人冇麵包食係會死架。
繼續閱讀