影片
開飯介紹
餐檯椅及牆身以古代客棧為設計主軸，打卡一流；供應多款香辣惹味的四川菜式及燒物，定價相宜，適合和三五知己把酒暢。
繼續閱讀
營業時間
今日營業
16:00 - 02:00
星期一至日
16:00 - 02:00
以上資料只供參考, 請與餐廳確認詳情
有關獎賞計劃
搬左嚟九龍灣成年，原本第一次嚟食係想食對上果間放題，點知執左。後來一路留意住e間鋪的裝修和開張日子。終於等到開張，我同老婆order左個燒魚套餐，講真，兩個人真係食唔哂，所以我就建議整返個二人套餐啦🤭🤭🤭講到味道，我同老婆都覺得正，好食，魚湯夠魚味👍。直到下一次，我同屋企人今次就order左個雞煲，雞夠滑，味道剛剛好，值得一贊燒烤姐姐(原來我家姐識)，姐姐真係好有心燒好食，所以到現在，我們見到面都會有講有笑😊，成日幫我落order果個四眼妹妹同四眼哥哥，佢地都好好，好熱心🤟。又到另一晚食小菜，我好記得廚師的肥仔哥炒的手撒包菜呀，好食到見到肥仔哥問係咪佢炒，嚇到肥仔哥以為我係投訴佢🤣🤣最終結論：我覺得做飲食最緊要有心，因為我都係由大酒店做起，做到現在，我都係選擇做大酒店，原因係我對食有要求。所以無論廚師又好，樓面又好，甚至老闆又好，只要堅持自己的出品，我相信會有好的回報。加油 ！！！
繼續閱讀
逛得寶橫街，訪重慶老巷。04302023，蒙堂弟之推薦，訂了位吃川菜。小店一間，座落牛頭角，舖面一豎數落二十席，數桌四人座位，連一桌六人位，已可滿座。店不太大，二三十人剛好湊滿。午後五時剛到，稍喝稍吃，六時許已高朋滿座，是誰跟誰介紹來的，一傳十、十傳百，口碑是這樣積累而成的。堂弟說這裡的小吃不賴，伴酒吃喝一流。當然不作遲疑，由他發辦，點了川辣涼伴皮蛋、茄子、牛栢葉、鹽焗花生、椒鹽鮮魷等小吃……總的來說，著實不賴。尤以椒鹽鮮魷為甚，食材新鮮，炸得香脆又夠乾身，不是太多店可以拿捏到，吃下去又彈牙爽脆。其餘的小吃亦有川椒醬汁相伴，辛辣是有的，濃度未足，應說是不太麻，但旨在醒胃，亦足夠有餘。這樣的調伴亦配合香港人口味而來，亦屬正常。茄子可再煎多點時間，效果會更好。牛栢葉已很爽口，至於涼伴皮蛋可再放涼多點，效果應會更佳。接下來水煮牛肉，各方面都拿捏得不錯，油溫適中，材料足夠，亦算辛辣，惜牛肉本身煮得太過，可以不用熱水先灼熟，用水煮油溫慢慢拖至僅熟可以。這樣牛肉就不會太硬口嚼，在川辣與滲進辣汁的牛肉裡多添了一份回麻的快感。還是堂弟著力介紹的烤魚套餐最好吃，魚用上江團魚，在內陸的四川盆地用上河魚，亦是最好的搭檔。這江團魚骨不太多，適合一般喜歡吃「啖啖肉」的食客，不用去骨而感到煩惱。魚先烤好，烤至半熟，然後放進辣椒、蒜片、芫萎去辟走魚的腥味，再下豆卜、豆腐，用麻辣湯底，慢慢用火烹起來。先吃魚的溫度軟韌度，外脆而內暖。當火開始紅起來的時候，汁開始滲入魚肉之中，更見辛辣。接下來，慢慢下豆腐，湯慢慢滲入豆腐之中，吃下來有層次感，辣味慢慢滲進至味蕾上頭，十分出色。若有多少麻，效果更佳，但已十分不錯。滾起、煲起、撈起，我們都吃盡烤魚的每一處，而不願停下來，捧腹而回。趁著烤魚套餐的特飲，亦十分配合。甜中解辣，這令你不斷在吃魚過程中，十分順暢。辣了點，稍微緩解，再吃下去，不落俗套，吃得十分暢快。店員照顧十分殷勤，小店空間有限，亦怕你坐得不舒服，多番照顧配合。確是十分熱心，解說詳細，安排有度。有食客不太懂路怎走，店員亦親自出外迎接，非常配合。是晚捧腹而回，吃不停，嚐不停的一夜，不枉了。#重慶老巷 #牛頭角#得寶花園
繼續閱讀
雖然坐位不是太舒服 但烤魚真的好食👍🏻👍🏻老闆招呼什好 最好的地方是沒有限時 三五知己想食飯吹水 是最理想地 如果有荀殼魚配蒜香就非常正 但可借不是成日有 就算訂都未必有🥺
繼續閱讀
新年同幾個朋友諗去邊食開年飯聚一聚，見到牛頭角開左間新店”重慶老巷”，又有同事食過話好好味，膽粗粗去試一試佢😃去到見到舖面唔大，雖然係小店但好乾淨，裝修又幾有味道，不過食物質素先係最重要😜未齊人叫兩個冷盤試下味先，分別叫咗皮蛋同牛栢葉，真係有驚喜，有種番左大陸食既味道👍🏻辣得黎夠香食完冷盤即刻想試其他野睇下質素係咪真係咁高，真係掂，同事無介紹錯👍🏻串燒燒得岩岩好，d肉相信亦有調過味，唔係好似某啲舖淨係食孜然粉味🫢🫢同事話黎到一定要試下雞煲，羊腩煲同煲仔飯，不過羊腩煲已經賣晒🫠唯有試下雞煲，雖然有小朋友唔叫得辣，但估唔到個汁都好正，惹味得黎入口又甜甜地，大人小朋友都岩食🤗煲仔飯係用砂煲煮夠正宗，仲見係老闆親手逐煲即叫即整，雖然要等但食到個飯焦又入味都覺得值回票價😎另外老闆推介左個清湯腩同春卷都好好味，飲品試左蜜桃茶都一d唔馬虎👍🏻呢間下次一定要再黎，天氣凍希望下次試到羊腩煲🤭
繼續閱讀
收工食完嘢瞓咗一覺 ⋯ 好想食魚行過淘大果頭睇行下行下望到有間嘢門口擺晒花牌就走咗入去烤江團魚未行到黎都聞到香 有時未上 會食住串燒送啤酒醫肚仔先必試牛舌👍🏻👍🏻呢度除咗烤魚 ，酸菜魚都好食 自煮魚湯做底再較味 食完辣要解解 可以order 水果茶咪睇餐牌 一 杯 咁呀 一上枱我再呆咗 ：咁_大杯嘅🙄叫開烤魚想食麵嘅 可以試手工較 擺落去10幾分鐘 索咗汁 正過烏冬/寬粉！其他菜：藥膳雞煲韮菜鴨血（餐牌無架，呢度勝在想食餐牌冇嘅嘢 可以問！有材料會盡做比你😊）夜媽媽收工一個人、一盤烤魚、一堆散叫小食、一枝啤酒 幾次都比隔離枱啲哥哥問：你食唔食得晒架？埋單4百幾 如果一班人嚟 抵到爛圖片mix咗幾日 唯一未試過係度打邊爐😏
繼續閱讀