影片
港鐵筲箕灣站 B2 出口, 步行約1分鐘
繼續閱讀
電話號碼
25694361
營業時間
必須預約
以上資料只供參考, 請與餐廳確認詳情
見到發哥都幫襯，就訂檯一班人試吓第一次試蜑家菜，十分之有驚喜😆招牌菜瀨尿蝦炒腸粉原來係店家自創菜色，非常惹味又唔辣👍👍 啲瀨尿蝦大隻到嚇親我，食到停唔到口大閘蟹好好食，自製醬料同黃酒都係絕配😻全場讚不絕口既係手打肉餅，從未食過咁香既肉餅🤤🤤🤤聽店家講，佢地有過百款菜式可選，好多都係佢地自創😁 連煮個西洋菜都唔知道點解勁好食，可能夠新鮮掛氣氛好，有人情味，全部菜式調味都一絕，不得了既味道，唔怪得見到咁多檯熟客，我地都準備好回頭再食 😋
繼續閱讀
前日去咗筲箕灣東大街掃街，食咗雞蛋仔同埋魚蛋粉，晚飯嚟咗呢一間金東大，食完真心覺得正，推介下俾大家。豬潤炒蜆：呢個餸真係比較特別，酒香豬潤香夠，反而最好食係佢地個煎米粉，最後煮落去索曬啲湯，成個港版Vongole咁😂膏蟹蒸肉餅：佢哋呢個膏蟹肉餅，肉餅食得出鮮甜同埋嫩滑，佢成隻蟹連埋個肉餅一齊蒸，剩低嗰個豉油汁有蟹嘅鮮味，撈落個煲仔飯度好正。咩都可以唔試，呢個肉餅要叫！瀨尿蝦炒腸粉：經理寫菜嘅時候話呢個係招牌之一，整體鑊氣好夠，呢道菜真係幾有特色。瀨尿蝦彈牙，配上入味嘅腸粉，炒得乾身但唔會太油膩。重口味啲，但有鑊氣，瀨尿蝦都鮮甜大件蒸紅油石蚌魚：佢地蒸魚火候時間都拿捏得好好，魚嫩滑，跟住個魚既紅魚油加上蔥味好鮮，食到大半經理再拎左個蛋麵送俾我地試，個麵撈落啲魚汁到真係正到爆，幾條友一野掃曬整體嚟講，金東大嘅菜式的確特別，海鮮好多出面都食唔到。但係坐佢地入面後廳隔離枱啲人好應聲，飲大兩杯開始大叫，所以有啲嘈😢Anyway值得一試~
繼續閱讀
最近嫲嫲生日，諗住去間好少少嘅中餐慶祝，咁啱佢見到電視台介紹呢間叫金東大嘢蜑家菜，於是就去咗試吓。之前未食過呢啲水上人家嘢食，冇得benchmark，不過overall我覺得啲嘢食都幾特別，唔係平時出面酒樓食得到嘅嘢，同埋都幾好食，不過有啲餸就可能會濃味少少同埋多啲油/碳水，未必啱所有人口味。前菜嗌咗鴛鴦墨魚餅，個墨魚餅都幾彈牙，但係又唔會韌到好似趙橡筋咁，嫲嫲都食到。我哋嗌咗菜味嗰款，有墨魚嘅鮮，亦都有啲咬口。食完之後好快嚟咗一輪主菜，嗌咗幾樣都覺得唔差。膏蟹蒸肉餅，經理話呢個係招牌菜，開頭我覺得冇乜特別，但係食落就明點解枱枱都有嗌呢碟嘢。肉餅索咗膏蟹嗰隻鮮甜，令到佢有肉餅個口感之餘又有蟹嘅umami。雖然講到尾都係嫲嫲以前整嘅愛心蓮藕肉餅好食啲，不過呢個都叫幾好食，連埋豉油汁撈飯食亦都幾夾。瀨尿蝦炒腸粉，雖然個賣相冇個肉餅咁有成隻蟹喺隻碟咁靚仔，但係反而有啲驚喜。炒完嘅瀨尿蝦夠大隻之餘仲要脆皮，唔使用手都剝到殼，不過最好食反而係個腸粉，乾身唔立但係又唔油，襯托到個瀨尿蝦，個配搭幾好。食完呢幾味之後其實已經有啲飽，所以之後上咗兩個魚都唔係食咗好多，不過都可以照講吓。蒸石蚌魚個魚肉其實蒸得幾鮮嫩，肉質鮮甜，拎嚟送飯一流，不過就咁食嘅話就真係有啲油。佢個鹹魚缽都係同樣道理，撈埋落飯一齊食會好啲。我自己本身唔係特別鍾意食鹹魚，因為感覺上唔係好健康之餘，有時啲鹹魚真係可以鹹到pk，要即刻飲水。不過個老闆上菜嗰陣話佢哋嘅鹹魚係自己屋企人生曬，煮嗰陣又會連埋鹹鮮魚一齊煲，所以控制個鹽嘅份量會好啲。唔知個老闆吹水定點，但係食落個鹹魚又真係唔係好鹹，所以我諗都可以俾住benefit of the doubt佢先。不過點都好，我覺得呢啲醃製嘢都係唔好食咁多，所以最後我哋都淨係准嫲嫲食兩舊就算。整體嚟講，我覺得呢度啲嘢係好食同埋好有特色，因為唔係其他地方食到嘅嘢，但係缺點真係太多澱粉，因為好多餸都要用個飯做載體去carry個餸嘅味出嚟。我自己就唔慣食咁多飯，最尾食到好飽，但係我會話想試啲特別少少嘅中餐嘅話，呢度值得一試嘅。
繼續閱讀
Kam Tung Kitchen holds a special place in my heart, filled with cherished childhood memories. My family used to take me there for stir-fried dishes during family gatherings and celebrations when I was young.My favorite dishes at Kam Tung Kitchen are the stir-fried clams, pork rib stew, and Tanka chicken steamed rice. Each dish is crafted with care and authenticity. The warm, welcoming atmosphere makes it perfect for gatherings or a cozy meal.
繼續閱讀
今日同老公經過東大街搵食，見到呢間蜑家菜，未試過喎又試吓先啦，入去見到天花係用花膠、魚翅，做吊飾設計好得意。1）蜑家海鮮面：有3款湯底可以揀 （蕃茄、原味、辣味）我揀咗原味，麵都有幾教可以揀，我揀咗烏冬，湯底鮮甜，味道幾好，村料都幾多，有蝦2隻，蜆4隻，墨魚滑2粒，魷魚，午餐肉粒⋯⋯ 另外跟一杯熱飲品 2）鴛鸯水餃： 韮菜餡3隻，椰菜豬肉餡3隻，肉多菜少個人唔太鍾意 3）蜑家海膽煲仔飯：味道幾好，炒飯底飯好乾身唔錯，份量唔多，客餐跟熱飲品一杯算扺食 4）蝦餃皇：$38少少貴，一籠3粒，皮薄餡多，蝦都大粒爽口
繼續閱讀