會所1號 博藝會

營業中

休息中

位於黃埔花園嘅❣︎博藝會❣︎場地裝修好靚好高貴，門口仲有本書型嘅LED螢幕同鋼琴👍🏻感覺好有型😎有三個宴會廳，貴賓房同多間活動室，好適合結婚場地，擺百日宴，私人聚會，企業宴會等等⋯⋯今日來食lunch都幾乎全場滿座👍🏻好多都係商務團隊。❣︎濃雞湯野菌西洋菜餃子❣︎$108🌟必食推介，一上枱已經聞到好香嘅芫荽味🤤餃子皮超薄，餡料足，飲一啖雞湯，加埋娃娃菜同菇菌一齊食，香鮮味濃好正👍🏻❣︎豉汁蒸排骨❣︎$40.8豉香濃郁，排骨啖啖肉，仲有芋頭墊底。❣︎鮮蝦腸❣︎$46.8腸粉滑溜，口感結實，鮮蝦彈牙，切好晒一件件上，方便食用。❣︎雙菇滑雞粥❣︎$56.8雞嘅份量都幾多👍🏻雞件香滑，仲有一小碟花生同炸油條跟埋。❣︎脆皮炸春卷❣︎$40.8春卷炸得又香又脆，好香口，沾埋佢嘅喼汁來食，味道更提鮮。❣︎牛油馬拉糕❣︎$35.8即叫即蒸嘅馬拉糕，熱辣辣，質感鬆軟，味道香甜。❣︎紅豆沙❣︎$26.8紅豆入口軟腍，入口仲有少少起沙😋清甜中帶點果皮香👍🏻

揸車去黃埔飲茶最好，包保有車位，而且停車場費係最平的呢間Club One 博藝會樓底高又闊落，坐得好舒服‼️如果係Club One 會員，點心仲有優惠添叫左幾款點心，出品都唔錯，點心熱辣辣就最好食「百花釀魚肚」魚肚吸哂啲汁，好好味、每次一見到有呢個點心，我都會必叫❤️蝦滑口感好爽彈，仲有原隻蝦係入面‼️「豉汁蒸鳳爪」鳳爪非常入味，每隻都比平時食嘅大隻「濃雞湯野菌西洋菜餃子」本身想食餃子就叫嚟食，估唔到係一整窩上每隻餃子都好飽滿，而且餡料係我鍾意嘅多菜少肉雞湯都好真材實料～～「生煎墨魚餅」墨魚餅打得好均勻，食得出有口感又夠爽彈，加左粟米粒，口感更豐富「擂沙湯圓」呢個甜品唔係經常可以食到，外層湯圓夠軟糯，中間流心芝麻勁好食，今日食到呢個甜品真係好滿足「上海粗炒」呢個只係半份嘅份量，但份量一啲都唔少，而且炒得好有鑊氣，勁香

博藝會為私人會所，提供多元化的康體設施，設有宴會廳。朋友介紹，會所內的宴會廳名為會所一號博藝會，非會員也可以光顧。博藝會位於黃埔站附近，交通方便。宴會廳裝修華麗，座位舒適，中式點心美味。招牌焗酥皮叉燒包(又名雪山包)46.8元，酥皮鬆化，包軟，叉燒甜，滋味十足。瑤柱菜苗餃40.8元，蔬菜鮮甜，蝦肉彈牙，咸味適中。百化釀魚肚40.8元，蝦膠彈牙，魚肚爽口惹味。香煎蘿蔔糕35.8元，外層香口，內層多汁，蘿蔔味道鮮甜。原隻蝦餃皇46.8元，皮薄饀靚，蝦肉彈牙。蟹籽燒賣皇40.8元，豬肉美味。鮮竹牛肉球35.8元，腐皮爽脆，牛肉味濃。魚籽海皇炒飯(半份)99元，份量多，帶子肉美味，蝦肉彈牙，飯粒乾身。茗茶每位16元。

會所1號平時成日都去第二間分店飲茶，今次就試吓佢嘅晚市。兩個人嗌咗三個餸，一個飯，超滿足，食唔晒仲打包第二日帶飯都得。瓦煲豉油雞第一次食呢個配搭，感覺幾新奇，唔好以為牙煲水，就會熟晒，佢都係整得啱啱好，雞肉好嫩滑，唔會太過咸，個汁用嚟配飯一流。黃金蝦呢味餸我哋好鍾意食，去親大排檔都會嗌，嚟到呢度梗係試一試。份量超大碟，仲要有勁多鹹蛋黃，啱晒我呢個鹹蛋黃愛好。啲蝦大大隻，爽口彈牙，配埋鹹蛋黃包裹住。真係飯都食多幾碗。阿蘇粉絲煲見到個名好特別，所以試一試。平時食到嘅粉絲煲多數都係上湯，今次呢個係用炒嘅形式。配料有蝦乾，肉碎，粉絲，芫荽。炒得啱啱好，熱辣辣，唔會乾噌噌。炒得好香，好惹味。最後仲話有紅豆沙做糖水，不過我哋真係太飽，所以就冇要🤣

今晚探訪嫂嫂，係博藝會晚飯，環境高級，如有會員折扣多，所以今次就散叫就夠。選擇比較多，最後點了孖寶意式大虎蝦-大虎蝦超大，底部是炸米粉，上枱時份量多。阿蘇粉絲煲-粉絲炒至干身，用肉醉加上辣豆瓣醬再炒，切碎嘅細肉沾上粉絲上，將食材確實炒到最香，咬口非常日本黃金南瓜- 鹹蛋黃超多包滿了南瓜，日本南瓜特別甜同淋，混在一起吃實在太好味蛋黃大蟠桃-拳頭咁大嘅蓮蓉壽包，每個都有一個大鹹蛋黃。下次可一班親戚朋友來食，套餐款式多，但今次都超滿足😌

今晚去屋企附近搵嘢食 對上一次嚟呢度已經喺黎飲朋友餐結婚飯 今次就嚟食晚飯 我見呢度有啲套餐同小菜有會員價錢平好多 不過我就冇了解太多點樣入會喇始終呢度做開婚宴 所以裝修擺設都係番婚宴場地嘅感覺阿蘇粉絲煲 粉絲炒得好乾身香口有獲氣 裏面有蛋 芽菜 芫茜 蝦乾 肉碎 夾埋味道好夾 係必叫之選脆皮燒腩仔 未算係超有肉汁 但係外皮依然係香脆金沙脆蝦球 即係鹹蛋黃蝦球 我數過總共有13隻蝦 蝦頭都算彈牙 外皮裹滿鹹蛋黃會所1號 博藝會紅磡黃埔天地螢幕圈(第8期)4樓

大年三十book臺年夜飯，七點到全場入住率九成左右，落order到第一个送上臺等左半個鐘，第二個送再過多二十分鐘先上，第三個送發財好市又等多二十分鐘，之後就dllm再冇上過送，崔左四五次都系話幇緊你。隔離臺甜品等左成个鈡崔左幾次冇上，暴曬粗甘走左。食物質素糟糕，懷疑系廚師冇返工，洗碗阿姐臨時頂上。發財好市上到黎冇發菜，叫个部長黎投訴，十幾分鐘后達左撇凍的發菜上去，全盤都系凍。脆皮燒雞凍曬硬曬。花枝西蘭花擺盤好似食剩甘。蝦子炆伊面冇蝦子冇冬菇得一撇耗油，生炒糯米飯痴成一坨凍到硬晒。草菇扒菠菜d菠菜老到蔗渣甘。幾十歲人食過最差一餐晚宴。

今日就到這家食堂，捧腹試晏，點咗幾款家鄉佳餚，話你知～簡直係滿足到我個香港胃！螃蟹先上場，膏多得滯，搞到我都唔知點形容，只能說真係“掂”到不得了🦀！跟住上嘅冬瓜盅湯頭真係鮮過老虎啦，呢啲金華火腿同蝦仁足料到滿分，每啖都有驚喜。講到大斑兩味，件件都咁有水準，炸得個味稍為帶勁，辣中帶香，得嚟又唔會蓋過大斑嘅鮮美。至於蒸扇貝加粉絲，粉絲吸晒啲鮮味，入口即化，我話你知，夠晒霸氣！鮑魚花菇翡翠上得儀式感重，晶瑩剔透嘅鮑魚同鮮嫩菇菌絕對係富貴嘅象徵。喂，嚟到最後我都差不多飽嘞，但燒鵝同炒飯豈有不試之理？雖然喺到滿意度略遜於頭幾道，但總體來講，飽足感同幸福感係滿出嚟嘅。老談，鮮味滿分，真係令人懷念嘅一餐！🍲🥢

老竇生日嚟咗呢間club one訂咗一圍$8888，大部份餸菜都沒有大問題，雖然覺得性價比唔高，說不上好食，但不過不失，但上龍蝦嘅時候發覺就好唔對板，好似隔夜餸番叮一樣，咬落完全唔彈口，一啲新鮮感都無，同樓面反映情況，叫廚師試下味睇下廚師點講，回復話廚師試過完全冇問題，噉嘅回復我都冇乜好講，廚師應該好少食龍蝦，碟餸放埋一邊，無謂辛苦自己，雖然樓面服務態度都幾好，想平息件事，又話送支紅酒畀我，但我都拒絕了，用行動表明不滿，下次一定唔會再嚟。

這間婚宴連鎖店於黃埔也有分店，環境寬敞舒適，裝潢奢華。日常有中式酒樓的一盎兩件點心，或者晚市套餐。假日的午市時段，有十數款假日精選，數十款點心選擇，亦有優惠的孖寶、海鮮及時令推介。花膠魚翅灌湯餃 - $68一大梳結實的花膠富含膠原蛋白，口感爽而滑溜，更有大量鮮味的瑤柱。超大隻黃色餃皮的灌湯餃，皮薄有彈性，包裹著肥飽的鮮蝦豬肉餡，爽滑彈牙，湯汁好鮮甜。豉汁蒸鳳爪 - $35.8軟腍香口的鳳爪和花生超入味，筋肉入口即化，雞皮煙煙韌韌。百花釀魚肚 - $40.8軟綿爽滑的的魚肚吸飽湯汁，爽滑的蝦膠更有鮮蝦仁超鮮味。蒜片牛柳粒 - $99一口口牛柳粒軟嫩多汁，滿佈一粒粒惹味的黑椒，更有香脆的炸蒜片。原隻鮮蝦腸 - $46.8皮薄彈牙的鮮蝦腸粉好香滑，每件包裹著一隻鮮蝦仁，鮮甜味美。蛋白杏仁茶 - $46.8奶白色的杏仁茶有著澴厚的南北杏堅果香，更有滑溜的蛋白花，滋潤美顏。

今日同老婆去開黃埔，到咗午飯時間大家都想飲🫖食下點心，於是係openrice搵到呢間酒樓‘’會所1號 博藝會‘’。懷舊油渣銀針粉煲(半份) $105銀針粉用煲上枱，份量多可以分為6️⃣小碗。材料除咗銀針粉，仲有油渣、肉碎、蔥花及勁多芫茜，銀針粉口感爽彈滑溜，湯底有醬油、芫茜及肉香味，十分惹味😋。蝦餃 $46蝦餃🦐一口一粒，蝦肉爽口彈牙，鮮甜味美有蝦味😋。生煎墨魚餅 $46墨魚餅🦑兩煎成金黃色🟡，肉餅混有粟米粒🌽，墨魚肉香粟米清甜，加上口感彈牙，特別好食😋。蟹籽燒賣皇 $40.8豬肉🐖餡料飽滿，肉味香濃又帶肉汁，唔錯🥰。黑椒金錢肚 $40.8面層勁多黑胡椒，金錢肚(出面有部分茶樓會提供毛肚當金錢肚🥲)軟腍入味，充滿黑椒香味😋。薑蔥牛柏葉 $40.8牛柏葉混有好多薑絲及蔥絲🥰，調味啱啱好又煮得入味，不過純粹個人口味，我偏愛煮得再軟腍少少🥰。豉汁蒸鳳爪、香煎蘿蔔糕及香滑奶黃包 $35.8/碟小點3️⃣個小點水準正常，上枱時熱辣辣🔥，唔錯🤗。總括而言，地方環境一流，又唔會坐得好逼，可以舒舒服服飲茶嘆點心。

假日的一盅兩件一定是本人的最愛，能夠和朋友家人好好品嚐精美的靚茶，也能夠討論在這一星期發生的事情，也是最美好的家庭樂了.餐廳晚上是舉行婚宴的地方，因此裝修十分之明亮，在等候位置的地方有個大鋼琴氣派十足，至於在大堂入邊在座位之間的距離比較闊落，也十分之舒適.所有點心也是即叫即蒸的新鮮到十足，蝦餃十分之爽口外皮晶瑩.燒賣，卻是朋友的最愛蟹籽爽口. 蝦滑配上難處理的魚肚也是酒樓必叫之選了.這個原鍋上的銀針粉卻想起兒時的味道，銀針粉條條分明，也有少少爽口的感覺，真是令人回味十足！山竹牛肉及鯪魚球，同樣性價比十分之高.

第一次嚟呢間會所酒樓飲茶，原來呢到地方好大，好闊落，枱與枱之間都有啲距離，座位舒適，餐桌和餐具均乾淨衛生，可能因為是專門進行婚宴的場地，所以環境亦佈置得好靚。麻香蝦多士 - $78麻香蝦多士有4件，好大件，好抵食，炸到金黃色，上面佈滿了芝麻，一口咬下去，好酥脆，內裏的蝦膠亦很彈牙，個人認為這款必點必試。特色脆竹炸腸（名點）特色脆竹炸腸有6大件，豉油另上，可以自己選擇多少豉油，而且不用浸住豉油，滑溜的腸粉皮上，灑上了香口的芝麻，包裹著香脆的油炸鬼，而油炸鬼裏面則藏著豐富的餡料，口感豐富，如果不蘸豉油，蘸些沙律醬吃也超好味。原隻蝦餃皇（特點）蝦餃晶瑩剔透，皮薄餡靚，勁大隻，而且裏面有原隻蝦，難怪稱之為蝦餃皇。懷舊四寶扎（大點）四寶扎的4寶分別是粟米、芋頭、冬菇和滑雞件，冬菇爽口，而且好厚身，好厚肉，最正係個滑雞件，滑嫰啖啖肉。花膠魚翅灌湯餃（位） - $68花膠魚翅灌湯餃，真材實料，要讚，因為真係有堅花膠，同埋魚翅，而且仲有好多瑤柱調味，味道好鮮，不會一味死鹹，正！蟹籽燒賣皇（大點）燒賣大粒飽滿，賣相非常吸引，上面灑上了脹卜卜的蟹籽作點綴，入口口感彈牙，味道一流。班蘭椰汁糕（大點）顏色很漂

Club One 博藝會麻香蝦多士麻香蝦多士麵包部份外脆内軟，上層蝦肉味由豐富芝麻帶出更香口味道。翠玉帶子餃翠玉帶子餃，嫩綠翠玉瓜加上肥美帶子，清爽唔會太油膩。法式焦糖燉蛋法式焦糖燉蛋，滑溜嘅內餡，配上烘烤得金黃香脆焦糖的表面，蛋味突出。香滑薑汁糕香滑薑汁糕熱騰騰。一層層口感香滑，薑味香濃，滋潤養生。鎮店半肥瘦叉燒半肥瘦叉燒，叉燒燶邊，肥膏部分多汁，入口鬆軟。叉燒蜜汁甜甜蜜蜜，令人垂涎三尺。杏汁花膠燉白肺杏汁花膠燉白肺嘅花膠含豐富蛋白質，補充骨膠原。燉白肺滑嫩滋補，暖暖嘅中湯令人份外舒服。

约同一班舊同事聚舊，今天選擇咗黃埔博藝會，位置交通方便，會員平日有七折，星期六，日及假期八折。點咗十多款傳統點心，义燒包，鳳爪，鲜竹卷，燒賣，牛肉等等，味道都係一般，沒有大驚喜，幸好都係熱辣辣送來，而煎堆仔也脆口。另外也叫咗金菇瑶柱炆伊麵，瑶柱蛋白炒飯。而另一款酸菜黃花魚米線，份量十足，大大湯鍋盛起，雖然鱼肉少酸菜多，但湯底味濃。最後一碟黄花魚要讚一讚，雖然細細條，但煎得香噴噴，鱼肉鮮味可口😋總括而言，食物水準一般，但環境舒適，服務唔錯，是一班朋友聚會好選擇。