影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
之前食過旺角間泰金鍋😚 對泰式火鍋放題好驚豔，一真念念不忘🤭 今次入到荃灣，發現海之戀開咗間新分店😍 唔使諗即刻入去食餐好嘅😘 餐廳裝修新淨闊落，以滿滿嘅泰國風作主題，感覺好寫意超有渡假feel✅ 火鍋採用一人一鍋形式，每位客人可自選心儀嘅鍋底❤️ 唔使搓包剪搥爭湯底，超開心🤭 🐧 㨂咗馬來娘惹叻沙鍋❤️ 超級香噴噴，食落微微辣好惹味😋 🐧🐧 buddy 就㨂咗關東壽喜燒鍋👍 有生雞蛋送✅ 食落又甘甜又香口，好正😘 我哋叫咗美國產極選肩胛牛小排餐，套餐提供五款精選肉肉任食唔嬲😍 牛小排真心高質👍 色澤紅潤又亮麗，食落軟嫩又充滿牛香，配壽喜燒真係好正正🥰 自助區同時有多款配料提供，包括海鮮、丸類、腸仔、蔬菜、麵食等等，選擇豐富任添任攞😍 熟食方面，亦有多款泰式炸物、串燒、沙律可供選擇❤️ 例如炸蝦餅、炸魚皮、沙爹雞、豬串等等🤤 全部都係新鮮即製😘 超級熱辣辣香噴噴，尤其喜歡佢哋嘅串燒😍 沙爹汁辛香又惹味😚 雞肉串豬肉串肉質好軟嫩滿滿肉香😍 好出色😘 自助吧亦有特色泰國熟食提供，包括最經典嘅海南雞飯🥴🌟 同時亦提供多款醬料供調味用，好齊全超有心👍 甜品除咗常備嘅雪糕、雪條、甜筒之外，仲有地道泰式甜品西米糕同斑蘭糕，軟糯又煙韌，口感極佳😋👍 記得切勿錯過超級好玩嘅夾蝦遊戲😍 ，只要夾到指定重量嘅蝦，成功挑戰即享全單免費喲😘
繼續閱讀
之前食過旺角分店 覺得質素唔錯 所以見到喺荃灣開咗新分店即刻嚟咗試吓🙈 我哋叫咗120分鐘嘅美國產極選肩胛牛小排餐活蝦捕捉呢一個係我喺呢一間火鍋店最鍾意嘅環節😹 因為可以喺水池入面夾生猛嘅鮮蝦 首先先加入冰塊喺鐵桶入面 然後就可以開始夾蝦啦😆 同完啲彈彈跳嘅蝦搏鬥之後 就可以放佢哋入去火鍋入面 真係勁新鮮啊 蝦肉彈牙🦐湯底餐廳係泰式火鍋 當然會有好多充滿泰式風味嘅湯底🇹🇭 我就揀咗泰金冬蔭功鍋 味就酸酸辣辣幾開胃 除咗泰式湯底 餐廳都有其他口味嘅 例如友人就揀咗關西壽喜燒鍋 仲配有生雞蛋可以蘸牛肉食🥚肉類呢個套餐包括咗五款肉類 澳洲產下肩胛肉眼 嚴選特級牛胸腹 美國產極選肩胛牛小排 肉味濃郁 肥瘦分明🐮 更有我鍾意嘅澳洲產草飼羊肩肉同埋特選豚梅肉 入口好嫩滑🐷泰式小食當然唔少得介紹呢度嘅泰式小食啦 去泰式火鍋先有㗎咋☺️ 泰式炸蝦餅 原隻大蝦米網卷 入面嘅蝦肉彈牙 外層香脆 除咗火鍋常見嘅香脆炸魚皮 呢度仲有泰國清邁炸豬皮🫢 同樣係脆卜卜 個人最中意係泰式沙嗲豬肉串同埋泰式沙嗲雞肉串 沙嗲嘅花生味好香 配有少少咬口嘅豬肉串係好夾😆自助吧除咗火鍋必備嘅火鍋配料 同埋蔬菜區之外 呢度嘅火鍋仲有個泰式食物嘅自助吧😮 泰廚秘製海南雞 泰式香辣甲拋肉碎 同埋泰式黃咖喱海鮮 都好似我哋喺泰式餐廳見到嘅一樣🫢 配埋泰式油飯更加夾甜品呢度嘅泰式甜品有椰汁西米糕同埋椰汁千層斑蘭糕 兩款都係我勁鍾意嘅甜品😉 雪糕方面有多款雀巢雪糕 同埋雪條 可以選擇🍦 仲有啲比較低卡嘅果汁冰條 飲品除咗平日常見嘅汽水同埋啤酒之外 餐廳仲特別預備咗泰式奶茶同埋泰製清熱香茅水可以任飲😌 呢間餐廳提供嘅泰式風味真係好特別 捉活蝦同泰式小食都係其他火鍋放題比較少見嘅🤗 如果唔想食千篇一律嘅火鍋放題可以嚟呢間一試
繼續閱讀
今日經過荃灣海之戀，見 的新分店，好大好乾淨，而已座位寬敞好舒適，7PM 都唔算多人，所以入座食 120 分鐘火鍋放題，估唔到7:30PM 開始越來越多人好熱鬧，我地揀左B set 美國產極選肩胛牛小排餐 $318，任飲任食2小時，最吸引我係有泰底湯底，仲有，真係有得玩有得食。有8款湯底，我揀左馬來娘惹叻沙鍋，好香濃惹味，有檸檬葉、南薑、香茅等香料，加上椰漿奶香，甜，鹹、辣味道兼具，好開胃好味。日式蕃茄濃湯鍋，唔係辣既朋友揀左蕃茄濃湯，也是濃郁蕃茄味，帶點微酸，消膩又開胃，大人細路都喜歡的味道。美國產極選肩胛牛小排，油花分佈非常均勻細密，肉質十分柔軟，且油甘香甜，超好味。嚴選特級牛胸腹，即係牛五花，一層油花一層肉層次明顯，肉質結實帶油筋且油脂較多，好油香。澳洲產下肩胛肉眼，肉質較緊嫩，少脂肪，口感彈牙且肉汁豐富，食極都唔怕膩。特選豚梅肉，肉質腍軟細緻，脂肪分佈均勻，沒有筋，好爽口帶點煙韌，配麻醬好夾。澳洲產草飼羊肩肉，有濃郁的羊肉香味，不太羶，肉質柔軟口感豐富。 香味也十分獨特。呢度仲有泰式醬汁提供，配海鮮一流，但估唔到配肉同菜都好夾，酸甜微辣，令食物味道更豐富，好味。捕捉活蝦放題，又可以玩啦，自己去夾蝦再涮火鍋食，先取冰放入小桶，再夾蝦上來，以冰凍住d蝦，就減少蝦隻跳彈。活蝦真係好鮮味，蝦肉好爽彈，蝦味濃郁。蟹籽墨魚滑，好爽口彈牙，有墨魚鮮味，火鍋必備。好多配料丸類選擇，新鮮乾淨的蔬菜款式也多。泰式沙嗲雞肉串 及 豬肉串，前者嫩彈，後者肉味重有咬口，兩者都配上醬汁，帶花生的果仁香，惹味可口。原隻大蝦米網卷，好脆卜卜，不會成口油，原隻大蝦都彈牙，配甜辣醬好食。海南雞及油飯，雞肉嫩滑，雞皮爽彈不膩，加埋個酸辣汁好開胃，油飯都做得很好，既香又爽, 而且不會太膩。冬陰公湯，好好飲，夠酸帶咸，唔會太辣岩香港人口味，仲有椰香，配料豐富。泰式奶茶好吸引，味道係香濃滑，仲有好多侄裝飲品選擇。甜品有泰式椰汁西米糕，超香椰汁味，西米軟糯好咬，仲有班蘭椰汁糕，好軟彈味道清香，甜度剛好。雪糕雪條有香港本地特色，香芋雪糕同朱古力脆皮樂都好正。
繼續閱讀
凍冰冰想打邊爐又唔想咁悶~決定去泰金鍋泰國火鍋試下由泰籍廚師主理，多款泰國特色湯底🇹🇭有檸檬香茅、冬陰公、馬來娘惹叻沙、青檸椰汁雞湯、泰麻辣鍋等，好有泰式風味啊！我分別揀咗檸檬香茅🍋同馬來娘惹叻沙鍋推介檸檬香茅~味道酸酸地，好清新，係一般火鍋店少有嘅😋馬來娘惹叻沙鍋加咗豆卜，好惹味!澳洲產M6和牛餐除咗有羊肩肉、牛小排、牛胸爽、牛胸腹等仲有M6和牛都係任食！和牛雪花紋分佈平均，香濃牛味淥一淥就食得，好滿足啊🤩自助區有多款蔬菜、各式各樣丸類同泰國公仔麵，每款試哂都好飽啊😂一定要去親自夾海蝦🦐海蝦任夾任食，隻隻都好生猛肥美！除咗火鍋配料，仲有無骨鳳爪沙律、泰式雞寶、炸蝦餅、沙爹串、海南雞、香辣甲拋肉碎飯、菠蘿海鮮炒飯等~真係多到一次都食唔哂啊🥄而飲品亦有泰式風味泰式奶茶、香茅水同樣好飲正宗🧋最後一定要留肚食甜品~多款雪糕雪條之外，仲有泰式椰汁糕香濃椰汁係我至愛啊~😳
繼續閱讀
現夾海鮮打邊爐近排好hit 不過要訂位要等成個月 🥲🥲有朋友推薦我呢間泰金鍋不過現夾雖然得蝦，不過原來勁好食！新鮮蝦真係好新鮮好彈牙，蝦肉好鮮甜！🤩🤩 （而且夾蝦都幾好玩，充滿挑戰性）🤪而以泰式做主題，由鍋底都有驚喜！泰式味道好濃烈！超推薦 泰式冬陰公湯底！酸酸辣辣勁好食🫶🏻🫶🏻泰式麻辣湯底，比起台式有既藥材味又或者四川既既麻又辣，泰式既多一份香料味，而辣又比較柔和，值得一試而仼叫既食物種類都好多，我哋食既m6和牛，肉香十足，又唔會太肥 👍🏻👍🏻 而佢更有多款泰式小食！蝦餅係大推 🫶🏻 仲有串燒！有好好食既花生醬真係無得輸出面除咗蝦之外，更加有中式點心，泰式甜品，新鮮蔬菜生果，飲品等等泰式火鍋做主題認真特格！不過食落又堅符合又好食 👍🏻特別係新鮮蝦，真係食多幾轉都回本 🤩🤩推介大家一齊嚟玩吓食吓 😎
繼續閱讀