影片
港鐵西營盤站 B2 出口, 步行約2分鐘
繼續閱讀
營業時間
星期一至日
11:00 - 22:30
以上資料只供參考, 請與餐廳確認詳情
我唔係d咩食評人！但是我知道心情差食咩都唔會覺得好食！我第一次幫襯，已經知道老闆娘態度唔好！想帶個蛋糕來切同媽咪慶祝生日，佢話唔可以用店內的碟食蛋糕因為洗唔甩d蛋糕色又油，甘我老公就去買紙碟、膠叉連垃圾也要自己收拾好拎出去掉都唔係問題！今晚是慶祝我仔同侄女生日還有我提早和我爸爸慶祝父親節！訂左枱，訂枱時無講明有限時間吃飯，只係話最低消費每人一百蚊！我地的確遲左十分鐘，老闆娘一如往常的黑口面！當我地叫完餸老闆娘才説明有限時只有一個半小時吃飯！食飯其間不斷打擾，不斷催促想趕我地走！但是當時店內只有一對情侶，也沒有人在等位！令到全家也食很好唔開心！令到我爸爸也十分之唔愉快！比錢仲要買難受！
繼續閱讀
Surprisingly not many reviews despite being opened for 2 years. The lady boss was a nice person and we ordered sweet & sour pork, choy sam and a salted fish fried rice. The ordered was huge for two of us and we managed to finish it as we are super hungry. Overall, I would say this is one of my best meal for my stays in hong kong this week
繼續閱讀
也好一陣子沒有寫中文的博文，2018想給自己一點挑戰，就從頭開始吧，工作上也要常用上中文，何況我也是中國人呀，大概沒有藉口不寫中文就是了，時間許可的話就中英都寫吧！難得有時間，我倆喝畢咖啡後就吃晚餐了，中途出了些狀況但最重要是我們都坐下來吃晚餐，時間不多，就該好好把握共處的時光吧！這家明豐粵菜館，聞說是前嶺南大廚出來開的店，就在西營盤站走幾分鐘就到，位置很方便，大部份小菜都只是雙位數就點到！雖然只得我們倆但都點些我們愛吃的，最後點了兩肉一菜，加一份糯米飯，再分喝一碗湯，吃盛就留明天當午餐吧！ 老火湯有青紅蘿蔔煲瘦肉，面也有點油份，但喝起來很甜也沒有很膩，我家沒有住家湯的，有見到都總會點上一碗。 接著是咕嚕肉，見到推薦的鑊仔煎豬排心癢想吃，難得身邊人說想吃咕嚕肉，也就來一份喔！肉半肥瘦，粉漿有點厚但掛汁與味道也很恰當，拿它來下飯準沒錯吧！另外點上的魚香茄子則是大愛作品，咸魚與肉碎加上茄子煮得惹味非暴力，雖然這菜油份很高但美食當前難以抗拒！再來是炒豆苗，火候不錯，份量也足，點了兩大盤肉也要吃點菜平衡一下吧！最後來一份生炒糯米飯！臘味份量不多但有蔥花，花生與肉鬆，味道配合也不錯！份量很大最後有半碟是打包的這裡用上一張方形點菜卡，很是精美，加上有菜名有價錢就立即拍下來了！吃畢與老闆加上主廚閒話家常，原來想當年他是住在我家附近的後山那邊，和他閒聊舊日的荃灣再講粵菜講飲食，實在是愉快的一夜。埋單只是3百多，份量足4位吃，是十年前的價格嗎？很快要再來，下回吃這裡的鹽焗雞！
繼續閱讀
這區吃小菜飯店不多, 有都係麻麻地, 所以明豐就好爆棚, 老闆係大厨, 一定會好比心機, 自己生意嘛, 唔好食就冇下次㗎。因為地方不大, 人手不多所以餐牌菜式也不多, 但勝在夠鑊氣。試過幾次自己買魚去蒸, 次次都掂; 咕嚕肉入面真係肉不是肥膏, 酸甜茨味道剛好, 不會太酸; 北菇鵝掌有5掌5菇 加碟菜就剛好。冬天仲有生炒糯米飯(大份量)及羊腩煲(試過係超值)。最好係平時日子早点去啦, 多人最好訂位。
繼續閱讀
平時同爸媽去找「明哥」開飯，三個人試唔到太多餸，今次夾夠6個大食朋友，齊齊再去開餐。東江雞半隻，朋友話係屬於古式做法，浸到骨都入味又不會過鹹，一般酒樓已經搵唔到呢個質素。招牌椒鹽九肚魚因為休魚期無魚貨，轉食椒鹽鮮魷。如果有得揀，我會鍾意九肚魚多D。朋友話想飲湯，每人share半盅「是日燉湯」。平時我唔係太喜歡飲湯，但呢個木瓜燉雪耳（鹹版）真係一流，我食哂所有木瓜。訂座時順便訂的蒸肉餅。我覺得呢度嘅肉餅令我想起婆婆生前做的正宗順德味道，我以為以後都食唔到。一定要加白飯。朋友想食菜，我又唔係幾想食炒通菜，後尾決定聽從老闆娘建議，試下花蝦炒韮菜。呢度有個特色，好多菜式未必寫在牆上（可能得一、兩份），要問老闆娘推介。醬燒牛肋條，在嶺南樓果時已經是明哥拿手菜式，牛肋條慢煮到脂肪位都化，醬汁加入蕃茄略帶酸，更加開胃。咕嚕肉，用豬頸肉做，啖啖肉。我堅持每次都叫，飽都叫，最多打包（但次次無剩）。忽然有朋友想食牛腩，原本只係午市有得供應，於是問問老闆娘，好在可以即做一份。上次有朋友來一早訂了牛腩煲，蘿蔔極入味。今次我地即興要食，蘿蔔就無上次咁淋。建議想食的話，一定要打電話訂位時留菜。話得係大食朋友，可以食完上述全部都話想加餸，最終又加多個「家常豆腐」。呢味我第一次食，男性朋友大讚，話好難豆腐咁香又唔散。再來一個干炒牛河，朋友話「碟底無色」，證明所有豉油都在河粉上面，盡顯大師傳功夫。最後埋單，不收茶芥加一，連汽水及白飯每人HK$133，仲有一盒牛腩及半碟牛河打包，抵到裂。補充：牛河第二日翻「叮」都仍然好食。
繼續閱讀