影片
港鐵牛頭角站 A 出口, 步行約5分鐘
繼續閱讀
電話號碼
35686008
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
老公話朋友介紹，觀塘有間中式小炒幾好，既然去開果邊，咁就去食吓。餐廳光猛乾淨，越夜越多人。餐牌選擇都幾多，樣樣都好想食。最後我哋叫左三款小菜，一個雜菜煲同一個炒飯。金沙蝦球：賣相吸引，剛炸起，熱辣辣。蝦球用左大隻新鮮蝦，口感彈牙，炸粉薄薄，入口鬆脆，好香鹹蛋王味道，好好味。連隔離枱客人都問我哋呢個係咩小炒，佢話下次都要叫呢個。龍記炸子雞：雞皮又薄又脆，唔多脂肪，雞肉嫩滑，調味亦剛剛好，作為招牌菜，我哋都幾認同。海味雜菜煲：海味有蝦同魷魚，另外仲有菇，蔬菜有菜心同白菜仔等，所有食材都係用上湯煮，整體無油，清淡，好夠味道，最後連湯都飲埋，唔錯。菜遠炒安格斯牛肉：牛肉切得厚薄適中，味道濃，有口感，獻汁濃結剛好，唔會一舊舊。菜心炒得夠鑊氣，爽口，估唔到用安格斯牛肉去炒係咁好味。私房蟹皇醬海鮮炒飯：炒飯份量多，蟹皇醬鹹鹹香香，配料有翠肉瓜、蝦同魷魚。炒飯粒粒分明，唔會太多油，加左鹹蛋王一齊炒，鹹蛋王炒到剛好流心，唔會炒到熟透，真心覺得好食。
繼續閱讀
好耐冇食過咁好食炸子雞，真係可以炸到皮脆肉嫩，皮咬落脆卜卜，但又唔會滿口都係油，雞肉又唔會鞋，唔會好似外面酒樓咁炸到又干又鞋半隻雞都唔夠食😂本來想試下龍躉蚊豆腐，可惜龍躉沽清就轉左豉汁蒸白膳，老闆推介，又真係好正，好中意佢地調豆豉汁，好嘢味，白膳一食就知唔係大陸膳，因爽口又彈牙，好有口感豉油王鮮魷炒麵，一上就知好獲氣😂面炒得好干爽但吸收豉油香，加埋鮮魷，多種鮮味，好食😋唔怪得6點就已經坐滿，都好少地方食到飯店咁有獲氣小菜👍
繼續閱讀
和家人屋企附近晚飯，老豆喜歡食中菜，結果就去左依間。餐廳環境光鮮，感覺乾淨。價錢貼地，美食味道唔錯，都有水準，街坊可以閒來一食。經典拔絲咕嚕肉 $118咕嚕肉外層金黃酥脆，內裡肉質軟嫩彈牙，無肥油，醬汁酸甜開胃，配埋菠蘿和三色椒，健康美味。黑松露滑蛋蝦球 $128滑蛋炒得唔老，口感滑溜，蝦仁大隻爽口彈牙，黑松露醬加持下陣陣菇菌芳香。豆腐班腩煲 $108熱鍋即上熱騰騰冒晒煙，豆腐班腩各佔一半。魚腩肉雪白無骨，啖啖肉口感。豆腐軟滑入味。功夫乾炒牛河 $82河粉炒得乾身好有鑊氣，條條分明，食落唔係好濃味，牛肉相當大塊，好軟淋入味，味道唔錯。
繼續閱讀
最愛鑊氣小炒🥰呢間街坊小店一到咗7點就滿座幾乎每檯都有點炒飯、咕嚕肉、炸子雞同朋友得兩個人 就試吓咕嚕肉同埋炸子雞先啦💕龍記炸子雞即叫即炸 雞皮炸到好脆好香口 而且好薄身 唔係厚厚嘅脂肪雞肉有鹹香味 而且好嫩滑充滿肉汁唔怪得係招牌菜💕經典拔絲咕嚕肉咕嚕肉夾起嘅時候真係拉到絲絲嘅糖漿鍾意呢度唔係用半肥瘦豬肉成粒肉食晒都冇咩罪疚感每一舊都係bite-size 咁就可以沾到更加多醬汁配埋啲菠蘿同三色椒食 健康感up!💕海味雜菜煲有大蝦同埋鮮魷 仲配埋啲雜菌個煲上菜時吱吱聲夠晒火喉清湯飲完都唔會口渴 即係冇落味精啦💕豉油王海中蝦估唔到一碟有成咁多隻 隻隻爽口彈牙蝦殼好薄身 食嘅時候當然要慢慢啜個殼食晒啲豉油味嘅精華啦除咗keep住返枱之外 都有好多外賣單接㗎想食訂枱先最穩陣
繼續閱讀
📍龍記小廚（牛頭角）朋友同我講依間新餐廳好高質，今晚放工同屋企人嚟試吓佢招牌炸子雞😍😍 仲有多款海鮮揀，款款好正！豉汁蒸鱔🐟大力推薦！鱔魚肉質滑嫩爽口，搭配香濃的豉汁，每一啖都充滿了豐富的味道，既開胃又滿足😋椒鹽海中蝦🍤外脆內嫩，經過椒鹽調味，帶來了獨特的風味。蝦肉鮮甜，搭配椒鹽味道，非常適合作為開胃小食龍記炸子雞（半隻）🍗招牌必食！炸子雞外皮金黃酥脆，肉質鮮嫩多汁，色香味俱全！😍😍炒時蔬🥬用新鮮蔬菜，色澤鮮艷，口感清脆，簡單調味保持了蔬菜的自然鮮甜，健康又美味
繼續閱讀