影片
電話號碼
36909488
營業時間
今日營業
11:30 - 15:30
17:30 - 21:00
星期一至日
11:30 - 15:30
17:30 - 21:00
以上資料只供參考, 請與餐廳確認詳情
1690 瀏覽
成日話跑馬地有兩間越南河好好食，講咗咁多次，問完跑馬地街坊做好功課，就決定嚟到呢間，Banh Mi pate。聽人講話佢嘅順化牛河係出名，點知原來法包原來係重點，本來諗住食火車頭河同順化牛，即刻轉做食法包加順化牛河。順化牛河上次喺峴港都好想食，可惜太飽食唔到，反而喺呢度嘅順化牛河都唔夠膽講算唔算正宗，辣辣地嘅湯底，大量唔同牛嘅部位，個人最鍾意牛腱，選了無咁掛湯嘅檬粉，但整體感覺唔錯。聽人講佢嘅炸嘢都好出色，本來想叫多個炸雞翼湯河，最後驚太飽都係淨係單點一個炸雞翼就算，炸物出色，簡單便試到師傅嘅功架。佢嘅招牌法包包括肝醬，燒肉片，燻蹄，扎肉，越式酸菜，芫荽，法國牛油，青瓜，同上次係灣仔食嘅品味唔同，肉嘅款式較多，肝醬反而得一種。個法包同上次一樣做得好脆，聽店家講都係自家制法包，愛品味者一定要過來一試。另外，法包可以選辣同唔辣，跑馬地街坊建議要食辣，跟住佢嘅建議就算唔食辣嘅都話可以接受。我都幾鍾意呢間餐廳嘅氛圍，至少我喺呢間越南餐廳見到蛋咖啡嘅出現，呢個來自峴港嘅名物，香港無乜餐廳見到，不過由於唔算太肚餓，反而點咗越式咖啡。唯一要投訴嘅係，佢嘅越式咖啡唔係喺你面前滴漏，不過佢喺Menu度都事先張揚你聽，喜歡與否，閣下決定。另外佢加錢飲特飲都幾平，熱柑桔蜜都係$8，算唔錯。整體感覺都幾好食，幾正宗地道，相反另一間跑馬地名店Viet又有冇人食過可以分享呢？
繼續閱讀
河内火車頭湯河粉 ($152)入面有安格斯生牛肉，熟牛肉，牛柏葉，牛，牛丸，雖然價錢稍高，但入面嘅牛油香而有口感✔️，會再回頭！越式法包 ($78)可以揀辣或唔辣，仲可以搵職員幫手切開兩份，容易啲𝓈𝒽𝒶𝓇ℯ。好鍾意佢個秘製鵝肝醬，另外入面有燒肉片，燻蹄，扎肉；越式酸菜，芫荽以及青瓜，令到個感覺唔會油膩，反而幾清新。*留意番⇢⇢需要10分鐘即叫即焗，所以好夠熱脆卜卜！話梅金桔 $28飲完喉好舒服☺️聽講呢間餐廳係明星小店，會有機會撞到藝人名人，不過我去果晚就撞唔到喇🤨*不是試食活動
繼續閱讀
有幾次都係喺銅鑼灣行過嚟今次就搭電車過嚟然後再慢慢行過嚟最鍾意呢度真材實料使用鮮甜雞湯製作 次次都忍唔住飲咗好多湯價錢合理 份量足越式蒜蓉牛油雞翼擺盤唔算好特別 但係真係好食雞翼size比平時更加大 肉質好好證明餐廳願意用更加好的食材雞翼醃得好入味 炸衣夠薄好香牛油味道也是恰到好處！推薦比每一個人都鍾意食咗炸嘢，就想揀返一碗湯河 平衡一下湯河 有勁多芫荽 高湯好清 唔會油可以另外根據自己喜好加檸檬汁 或者香葉雞絲索哂啲湯好好食當日食完比較夜 可能因為住宅區所以已經冇乜人但係要早啲嚟就基本上都滿比較多人係點外賣 沿住大街一直行就到昇平街 是一條街 我吃的都需要花點時間發掘入口不算太明顯
繼續閱讀
今日朋友考車成功，決定要慶功食牛雜😂我哋就去左食跑馬地呢間既越南菜‼️朋友考完車就去左搵位，好彩時間尚早，唔駛排隊等位！一到lunch time，就即刻full house~~📍我係銅鑼灣行過嚟都好快，時代廣場沿住禮頓山一直行，再轉入藍塘道就得！「越式札肉湯河粉」個湯係用左足料雞湯熬製，味道好清甜，札肉係好有喺越南食嘅味道，質感好爽彈，有淡淡嘅胡椒香，唔會太重口味「招牌越式法包」當中有扎肉、燻蹄、鵝肝醬、燒肉片嘅食材，仲有越式酸菜，味道好分明有層次，重點係法包好夠脆，非常回味喺香港好少可以食到好食嘅越式法包‼️「越式炸春卷」
繼續閱讀
今日同大家介紹嘅呢間餐廳位於跑馬地，一間頗有名氣嘅越南菜餐廳，不過我哋撞啱lunch hour時間嚟就比較多人，需要等一陣位。聽聞呢間餐廳比較多名人光顧，不過我哋就冇撞到啦。 越式法包 $78非常推介大家試吓呢個法包，即叫即焗，內含多款配料，包括肝醬、燒肉片、燻蹄、扎肉、越式酸菜、香菜、法國牛油同埋青瓜，非常足料同埋好好食。牛油雞翼$96牛油雞翼一共有六隻，價錢偏貴，但係物有所值，咬落去即刻爆汁，肉質嫩滑。扎肉湯河 $77扎肉湯河湯底味道卻好濃郁，配上越南扎肉，口感一流。Banh mi pate (Vietnam Genuine) (跑馬地)跑馬地昇平街1-5號愉昇閣地下B號舖
繼續閱讀