影片
港鐵銅鑼灣站 C 出口, 步行約6分鐘
繼續閱讀
電話號碼
56958863
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
呢日同男朋友去咗問月酒店入面呢間高級中餐廳食dinner，呢度嘅中菜非常吸引，而且職員嘅服務態度超級好，高度推介！今晚前菜係江西豆腐．金沙白飯魚，豆腐炸得外脆內滑，白飯魚就鹹香適中，金沙嘅點綴真係畫龍點睛。大宅佛跳牆夠晒豪氣！湯底濃郁，料頭豐富，鮑魚、海參、花膠樣樣齊，啖啖都係精華，飲完覺得全身都暖晒。蟹黃銀針燴玉帶入面蟹黃嘅鮮味滲入帶子入面，質感細膩，仲有啲微微嘅蟹香。20年古月龍山花雕蛋蒸虎蝦球，呢個真係今晚嘅亮點！花雕酒香同埋蝦球嘅鮮甜完美融合，好值得一試。拔絲咕嚕肉甜酸味平衡得好好，仲有拔絲嘅甜蜜，外脆內嫩，唔會覺得膩。香煎一夜鮮麒麟魚既魚肉嫩滑，香煎得恰到好處，一夜鮮嘅味道好突出，魚皮仲係脆嘅，香口得嚟唔會過鹹。蝦子花膠濃雞湯．拌菜苗．手工拉麵既湯底濃厚，花膠浸得啱啱好，拉麵彈牙，呢個組合真係滋味！甜品方面，芋茸燉鮮奶完美收尾，芋茸香濃，鮮奶滑到不得了，食完有種幸福嘅感覺。
繼續閱讀
灣仔問月酒店系美麗華集團旗下嘅，入面間中餐廳性價比唔錯，離銅鑼灣地鐵站只係5分鐘左右嘅路程，系親友聚會同埋同客食飯嘅好地方。餐廳環境安靜，樓底高，座位寬闊好坐，仲有包房同室外位置。中午嚟到揀咗酒店新推出嘅全日套餐menu，一人$488， 有十道菜咁多。❤️洛神梨子開胃前菜，有洛神花嘅香味，仲有酸酸甜甜嘅雪梨味道。❤️花膠海蔘魚蓉羹呢個湯羹真係好好味，單嗌要178蚊，包埋喺套餐裏面都幾抵。質感好濃稠，花膠、海蔘切得好薄片，魚肉新鮮，份量都唔少。整體好足料，鮮味十足，加埋少少胡椒粉調味特別好飲。❤️點心拼盤有三件唔同嘅點心，擺盤好精緻。翡翠海鮮餃入面嘅蝦球好大粒同彈牙。蟹子燒賣啲肉好有彈性，豬肉味好香。菌皇餃係有三種唔同嘅菇，同埋蘿蔔丁、黑松露， 咬落好爽口。❤️蟹黃銀針玉帶成道菜好華麗，金金黃黃咁樣。粒帶子係底面煎過嘅，好大粒，好厚肉。蟹黃份量多，香味突出，仲加咗唔少翅提升口感。❤️文火和牛呢道菜係非常推薦。和牛煮得好腍，系入口即溶嘅程度，仲腍過平時西餐食嘅牛面肉，脂肪部份散發出濃濃嘅香味。墊底嘅係炸過嘅腸粉，做法好新穎，撈埋和牛汁一齊食真係好正。❤️鬼馬咕嚕肉咕嚕肉係中餐廳嘅必備菜之一，但係要整得好食就好難。呢度嘅咕嚕肉外層超級脆，仲有拔絲口感。❤️酒釀炒玉苗用酒糟炒嘅菜心苗，散發出淡淡清新酒香，菜心苗翠綠嫩口。❤️少爺炒飯加咗青豆、蛋花同埋炸瑤柱絲等等嘅配料。 有鹹香味，炒飯粒粒分明， 加上炸瑤柱絲脆脆地，好好食。❤️京城石獅子呢個甜品真係好有心思，其實系凍芝麻糕，整到獅子咁嘅形狀，食落有少少綿綿冰嘅感覺，黑芝麻好香， 係一個味道正又可以打卡嘅甜品。
繼續閱讀
聽聞問月酒店嘅大宅主打創新粵菜，今次終於有機會一嘗。餐廳低調奢華，啲裝修好有格調，已經加咗唔少分。一坐低開咗壺茶，比較特別啲係玄米茶頭盤嘅煙燻素鵝真係好驚喜！食落去口感好有層次。青花椒醬油蘿蔔好開胃，蘿蔔脆卜卜，花椒香配埋醬油鹹香，食落去麻麻辣辣超過癮！洛神梨子酸甜可口，洛神花嘅香氣同梨子嘅清甜配得好好。之後就上咗個魚肚羹湯，清得黎幾鮮甜，好暖胃主菜方面，蟹黃銀針玉帶真係搶眼！蟹黃醬香濃惹味，玉子新鮮彈牙，連埋肉絲都吸晒啲蟹黃汁，好夾！文火和牛牛肉燉到軟綿綿但又唔會散，仲要保持住肉汁，配埋自家醬汁香甜可口。另外個底係用咗炸腸粉，配搭都幾新鮮最搞笑係佢哋嘅鬼馬咕噜肉，將傳統咕噜肉加入炸油條，食落去又香又脆，配埋菠蘿嘅酸甜，好有新意！酒釀炒玉苗就清新爽口，酒釀香氣撲鼻，菜心爽脆清甜。少爺炒飯都幾出色，薑香撲鼻，雲腿鹹香配埋蛋白，好開胃！壓軸嘅京城石獅子真係好吸睛！個雪糕整到好似隻石獅咁，黑芝麻雪糕香濃幼滑，勁打卡👍🏻整體嚟講，大宅嘅菜式走創新路線但又唔會離經叛道，保留咗傳統粵菜嘅精髓之餘又加入新意。用心落料，加上環境同服務都一流，都算物有所值！想試下高級創新粵菜嘅話，大宅絕對值得一試。
繼續閱讀
🫛江西豆腐超薄一層炸粉爽脆香口，豆腐嫩滑，豆香濃郁，質地柔軟得就似雲朵噉，口感豐富，每一口都係享受！🐟金沙白飯魚白飯魚炸得金黃酥脆，外面裹著鹹蛋黃，咬落去就能感受到那股香氣撲鼻而來，白飯魚魚肉鮮嫩🥄大宅佛跳牆大佛造型嘅燉壺，呢個招牌菜名不虛傳，湯汁濃郁醇厚，各種食材嘅鮮味融合在一齊，海參、花膠、鮑魚、瑤柱、冬菇等食材嘅口感各具特色，互相配合，每一口都係滿滿嘅滿足感，真係值得細心品味！🍴蟹黃銀針燴帶子蟹黃嘅鮮美同銀針嘅爽脆完美結合，帶子新鮮肥美，三者搭配得恰到好處🍤20年古月龍山花雕蛋蒸虎蝦球虎蝦球肉質彈牙，花雕酒嘅香氣係口中揮發，搭配著蒸蛋，依個配搭好有驚喜！🐷拔絲咕嚕肉這道經典嘅甜酸菜色，肉質外脆內嫩，糖嘅甜味同埋醋嘅酸味平衡得恰到好處，吃起來特別開胃🐟香煎一夜鮮麒麟魚麒麟魚魚肉鮮嫩，煎至金黃，魚鱗煎到卜卜脆，外脆內嫩，配上特製嘅醬汁，味道相當出色🍲蝦子花膠龍雞湯拌菜苗 手工拉麵湯底清鮮，拉麵彈牙，加上蝦子和花膠嘅精華，讓整碗麵充滿了海鮮鮮味，讓人感到滿足🥛芋茸燉鮮奶燉鮮奶口感滑順，芋頭香氣十分濃郁，亦唔會過份地甜，以依道甜品作結好完美總括來說，「大宅」每一道菜都展現了廚師嘅用心和廚藝，非常值得推薦！依度食物不僅好味，環境亦好舒適，絕對係同朋友聚會或家庭聚餐嘅好地方！
繼續閱讀
最近同朋友去咗灣仔一間高級中菜館食 lunch🥢，上網睇到餐廳只係開咗幾個月，係美麗華酒店旗下問月酒店3樓嘅餐廳，裝修十分有氣派✨。啲食物質素一流，每一道菜都好有儀式感，價錢又合理💰。真係好值得再嚟食過！—————————————————暘 YANG - 每位 $488（兩位起）🦆 煙燻素鵝煙燻味好香，素鵝整得好似真鵝咁樣，口感一流。.🥕 青花椒醬油蘿蔔蘿蔔好爽口，青花椒醬油帶嚟啲微辣同麻味，好開胃。.🍐 洛神梨子梨子用洛神花汁醃過，酸酸甜甜，好清新。🍲 花膠海參黃魚羹湯羹好足料，花膠同海參嘅口感好正，黃魚鮮味十足。🦀 蟹黃銀針玉帶蟹黃好濃味，加埋帶子同埋素魚翅一齊煮，好豐富。🐮 文火和牛和牛煮到啱啱好，好腍，自家製醬汁好提味，底下嘅炸腸粉好脆口。🍍 鬼馬咕噜肉咕噜肉酸甜適中，炸油條同菠蘿加埋一齊，好特別。🥬 酒釀炒玉苗菜心炒得好爽口，酒釀醬汁帶嚟啲甜味，好食。🍳 少爺炒飯炒飯好香，入面有薑、蛋白、雲南火腿同青豆，材料好豐富。🦁 京城石獅子芝麻雪糕整到好似石獅子咁，好得意，食落去又香又滑。🫖 春毫香片茶清香撲鼻，同啲菜一齊食，好解膩。茗茶（$22/位），另有加一服務費💰 總計: $1155, 2位用餐(已包含10%服務費)
繼續閱讀