影片
營業時間
今日營業
12:30 - 23:30
星期一至日
12:30 - 23:30
公眾假期
12:30 - 23:30
公眾假期前夕
12:30 - 23:30
以上資料只供參考, 請與餐廳確認詳情
有關獎賞計劃
一踏入秋季，天氣涼浸浸，個人就成日都好想打邊爐，又嚟咗「米走雞」先食雞煲，後食火鍋。*此餐廳收取加一服務費。小份火焰麻辣雞煲（單點$208），小辣，表面鋪有芫荽、洋蔥，雞件份量多，肉質嫩滑，食落充滿雞煲醬汁味道，辣度5分。麻辣濃湯（跟餐$0），辣度3分，略嫌欠缺麻香。五香鮮牛肉（單點$108），肉質滑嫩，牛味濃厚，略嫌份量比較少。半份鴨肝M5和牛丸（單點$58），手打牛丸口感爽彈、帶有牛筋，食落牛味濃香，內有鴨肝蓉，食落油脂味濃。半份蜂巢冰豆腐（單點$28），口感軟腍，食落好Juicy。醬料（兩位$36），包括有豉油、指天椒、蒜蓉、芫荽、香蔥、炸蒜、麻醬。七喜（單點$19），飲落好清爽
繼續閱讀
我同阿哥帶媽媽去咗銅鑼灣嘅米走雞慶祝佢生日🎂請佢食餐勁既，米走雞呢度有款好出色嘅港式雞煲火鍋，質量好又有幾好食，好抵食🤭真心推薦給大家一黎就食左佢哋嘅蒜拍青瓜🥒清新嘅瓜味加上蒜香，口感脆甜爽口，好開胃媽媽叫咗佢哋嘅藥膳滋補鍋，個鍋底又香又唔油膩，好香滑可口好足料🥘加入既藥材令佢味道更加豐富，有種回甘既感覺。 蒙古羊肉片放入熱湯浸一浸就食得，食落去好鮮美，每一塊肉都肥瘦適中，咬落肉質又嫩又有彈性，真係一個好好食既羊肉火鍋。打得邊爐點可以少得蟹柳，超大一條，食落去係彈牙又好新鮮呢度既魚片真係必食，超鮮美，魚肉嘅竹葉清香，啖啖都是新鮮嘅魚肉味🐠煮完係好嫩好鮮甜。食左甘多肉就簡係要食咪個香甜既粟米啦，爆汁又好鮮甜
繼續閱讀
Lunch時份，我哋就book咗位於銅鑼灣嘅米走雞去開個小型慶祝會，呢間餐廳就喺公司隔離街咋，食材新鮮到極，服務又貼心，坐位多到數唔晒。💠火鍋湯底:皮蛋芫荽湯 💠我都係飲過得最醒胃新奇嘅湯底，清新嘅芫荽同皮蛋嘅美味完美噴發，每一碗都係好正嘅滋味。💠 哈哈蝦中寶 💠🦐🦐呢個我都好喜歡，就係蝦肉超級鮮甜，完全冇腥味，食落去就係海鮮嘅鮮美口感，唔止一次令我驚喜😊💠西班牙黑豚肉 💠 呢個都好靚，肉質十足。當然，好野仲有好多，有彈口嘅牛柏葉 💠神秘嘅手打五寶拼盤(蝦丸,牛肉丸,鯪魚丸,豬肉丸,墨魚丸) 💠都超級香🥢。今次食完都覺得超飽足，食到我哋全部唔想返公司！哈哈哈
繼續閱讀
之前午餐試過，今次晚餐就又嚟咗米走雞啦。一到咗銅鑼灣嘅米走雞就見到有好多人等位，但好彩好快就有位🕐，唔需要等好耐。呢度嘅裝修好有香港嘅特色，空間幾寬鬆嘅，又有大卡枱。湯底我揀咗蒜蓉卜卜蜆鍋，濃厚嘅蜆味與蒜香完美結合，入口並唔辣，但好鮮甜，加咗啲火鍋料落去，越煮越好飲。香蒜嘅味道配蜆嘅新鮮，簡直無得輸。啲西班牙黑豚肉嘅肉質又好juicy，唔會切到太大塊很難咬，而且肥瘦適中，口感一流👍，絕對係豚肉中嘅極品。同埋佢哋嘅澳洲牛舌係我食過最好食嘅牛舌之一啊，脆身同埋彈牙🐮。仲有一定要食嘅炸魚皮同埋粟米。炸魚皮脆到不得了，我相信系新鮮炸嘅。新鮮嘅粟米吸收湯汁變到又脆又juicy😋呢度嘅服務員都幾nice，見我哋坐定就好快嚟問我哋要咩水，而且價錢都算中等，所以我哋班友都鐘意黎呢度，讚讚讚！
繼續閱讀
古話有講：「民以食為天」，無論返工有幾攰，我哋都要護住自己個胃口，所以今次跳出日常，去咗銅鑼灣呢間米走雞，嚐下佢哋嘅港式雞煲火鍋。首先，係佢哋嘅藥膳滋補鍋🍲，香氣撲鼻，濃郁嘅中藥風味與滋味雞湯完美咁融合，每一啖入口都感受得到滋補，好補呀👌！西班牙黑豚肉🍖，嘅肉質軟滑緊緻，唔會太肥，每一片肉質呈現薄如紙片嘅透明質感，一入口即溶，香香嘅脂肪融合肉香，滋味豐富，真係一試難忘！👍👍再嚟就係蟹籽墨魚滑同哈哈蝦中寶🦀🦐。墨魚滑滑躍口中，入口爽滑，每一口都有蟹籽嘅爆汁感覺，感覺好新鮮 好彈牙 ；哈哈蝦中寶則香香脆脆，蝦肉更係新鮮彈牙，一啖咬落，咁嘅鮮甜又豐富嘅口感，真係抵食👌！至於佢哋嘅手打五寶拼盤(蝦丸,牛肉丸,鯪魚丸,豬肉丸,墨魚丸)，每一款味道都唔同，質感豐富，加咗佢哋嘅特製醬料，更加突出嘅原味🍢。最後蟹柳，蝦味十足，係整道菜嘅王者🦂。食完呢一餐，如果可以比分嘅話，我誠意俾10分！身心都係大滿足啦😌。米走雞嘅食物非常之高質，價錢又好抵食，我會推薦比所有愛吃雞煲火鍋嘅朋友嚟試下👍！
繼續閱讀