影片
港鐵長沙灣站 A3 出口, 步行約2分鐘
繼續閱讀
電話號碼
23282699
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
經過長沙灣，見到呢間食酸菜魚嘅餐廳，於是就試下。除咗酸菜魚，呢度仲有好多主打正宗四川風味嘅菜式，有辣有唔辣，所以都適合唔食得辣嘅朋友，而價錢亦都好親民。我同朋友點咗兩個小食，同一個2-4人份嘅酸菜魚，非常豐富，每人200蚊都唔駛，超級抵！⭐涼拌海蜇呢碟唔辣，幾香麻油味，海蜇幾爽口，份量比想像中多。⭐麻辣牛展呢個牛展醃得幾惹味同幾淋，辣度算幾舒服，而啲花生幾脆幾香口。⭐大盤酸菜魚（鱸魚）叫咗呢個2-4人份嘅酸菜魚，揀咗老壇酸菜湯，啲酸菜多到好似唔駛錢咁，好澎湃，而魚就揀咗鱸魚，因為比較鮮甜。湯底有魚嘅甜味，亦充滿濃郁嘅酸味。呢盤酸菜魚份量真係大，入面嘅配菜比出面食開嘅多好多，有闊薯粉、薯仔、萵筍、豆腐、豆腐皮、大豆芽、娃娃菜、金針菇，仲要額外跟2份手工薯粉/米線/白飯，兩個人根本冇乜可能食得哂，4個人share應該都冇問題。⭐利賓納梳打⭐凍檸樂如果一大班人想食平民價錢嘅酸菜魚，呢度係個唔錯嘅選擇，而小西灣亦都有分店。
繼續閱讀
雖然老婆就比較鍾意晌屋企煮、晌屋企食，因為覺得自己煮會健康啲，不過，我哋依家大多數嘅星期五都會出街食，一來幫手推動下本土經濟（查實一個禮拜一餐半餐真喺幫唔到幾多），二來都想輕輕鬆鬆食餐飯，乜都唔使搞。經在地好友介紹，今晚就近近哋嚟到「魚你相遇」食下酸菜魚。餐廳格局細細，雖然喺賣川菜，不過，環境就似茶記，老實講我哋嚟都喺食餐便飯，所以，環境唔喺太大考量點，乾淨企理就可以喇，最緊要喺啲嘢食啫。而成晚所見，大部分時間都有9乘滿，有時候甚至見要等位，睇落亦唔少喺街坊，相信喺有番咁上下質素先會咁旺場。川菜即喺辣嘢，小弟唔食辣喎，老友喺咪玩嘢，當然唔喺啦，佢話有啲湯底只喺微辣，更有一款喺唔辣嘅蕃茄湯底。魚類嘅選擇多，啲一人套餐嘅配搭又夠彈性，此外，仲有煲仔飯、小食、大大盤嘅酸菜魚，好多選擇，定價亦唔算貴。鱸魚片配蕃茄濃湯 $76唔使多講，老婆就一定喺揀呢一款蕃茄濃湯，選上鱸魚就貪佢魚味濃啲，又比較鮮甜，而配料就揀豆腐皮、娃娃菜，佢話唔使要主食，阿姐就話可以揀多款配料，就搭埋萵筍，阿姐處理得夠彈性。個蕃茄濃湯幾唔錯，蕃茄味突出，濃郁酸香，飲落好醒神。萵筍薄薄哋仲有份爽脆感，豆腐皮好似啲上海百頁咁，煙韌有豆香，初時以為喺類似港式嘅腐皮，而主角鱸魚入口非常之嫩滑，好有魚鮮味，十分鮮甜，整道菜式極之啱老婆口味。鯛魚片檸檬酸菜湯 $76我就對呢個檸檬酸菜湯非常有興趣，加上佢標註只喺一隻細辣椒辣度，問過侍應都話唔會好辣，再加上嚟到啲紅卜卜嘅辣椒放喺面，可以夾走減辣嘅，就會變得辣度更溫和。我再將啲檸檬篤爛去，攪勻之後個湯真喺非常有特色，酸酸辣辣再有啲清爽感。配菜揀咗生菜同黑木耳，仲混有唔少酸菜，主食選米線，一大碗米線另碗上，夠晒我哋兩公婆食，米線口感滑溜，掛上湯底，好好味。我就揀咗配鯛魚片，同樣好嫩滑，有少少爽脆感，一樣咁好食。溫馨提示，啲魚有機會有少少細骨，食嘅時候都要小心啲。紅豆冰奶茶 +$15小弟一向都鍾意嘆杯奶茶，而老婆就鍾意食紅豆冰嘅紅豆，所以嗌呢杯就滿足到大家。雖然呢度唔係茶記，但估唔到個奶茶底比預期中好，醇香又夠濃，紅豆嘅份量亦都唔少，而且煮得夠腍，入口有起沙嘅感覺而且好清甜。怕你食完一口辣氣未散，晌收銀櫃枱前，放咗啲薄荷糖，自由取用！睇見隔離枱幾個大姐點咗大份嘅酸菜魚，嚟到超超超大碟嘅酸菜魚，外觀確喺非常震撼，仲大讚食得過癮，雖然我哋就無試酸菜魚，不過，單以今晚所試嘅兩款湯同啲食材，已感受到嗰份質素。
繼續閱讀
這一天因事來到長沙灣，兩夫妻就在這間開在大街之上，正對著長沙灣地鐵站出口的中菜小館，吃了一頓晚餐。兩夫妻都點了店中的「一人套餐」做晚餐。這晚餐可讓客人挑選一款主題食材，再配以店中其中一款特色湯底，自選配菜兩款和主食一款，價錢不過是五十八元至七十八元，都幾經濟相宜。我的「一人套餐」選擇是「檸檬酸菜湯底」+「鯛魚」+「娃娃菜」+「金針菇」+「手工薯粉」（$76），「檸檬酸菜湯底」比一般的酸湯底多了一分微微的檸檬味，較為特別，鯛魚肉份量不少，爽脆彈牙，加上索湯的薯粉、娃娃菜與金針菇，飽肚又開胃。老婆仔的「一人套餐」選擇是微辣的「老壇酸菜湯底」+「鱸魚」+「萵筍」+「大豆芽」+「手工薯粉」（$76），「老壇酸菜湯底」微酸少辣，是溫和的味道。鱸魚肉味比鯛魚更鮮甜，伴以其他配料，同樣不差。還點了一鹹一甜兩款小食，「涼拌海蜇」（$28）份量多，價錢平，「紅糖糍粑」（$28）口感佳，味道好，都不錯。這間「魚你相聚」原來在港島小西灣也有分店，如果下次有機會去哪邊的話，可能都會去試試呢！
繼續閱讀
呢日同朋友👩🦰一齊喺呢間餐廳食個 quick late lunch🤣呢度有「一人套餐」可以自己揀「主要食材 + 湯底 + 2個配菜 + 主食」，咁揀咗「$76 鱸魚片 + 檸檬酸菜湯 + 萵筍 + 生菜 + 米線」，又可以「追加食材」，咁加咗 $38「鯛魚片」、$33「鮮嫩肥牛」、$39「墨魚片」、$15「午餐肉」，諗住 share 嚟食 🤣我哋叫咗「一人套餐」諗住係一碗點知一嚟就嚟咗三碗🤣，以為搞錯咗，原來係因為我哋加咗好多「追加食材」咁一碗裝唔晒要分開兩碗裝然後「米線」又自己一個碗咁就一共有三碗🤣真係大大碗👍，首先飲啖湯先，味道濃郁仲有我鍾意嘅檸檬味（真係有幾片檸檬🍋）；全部食材都幾好味，特別係「鱸魚片/鯛魚片」同埋「肥牛」肉質夠鮮嫩😋$42「鹽焗手撕雞」：有鹹香，撈埋好多芫荽🌿一齊食，好味😋跟餐加 $5「凍檸茶」：要咗少甜少冰，幾清新😋跟餐加 $5「熱奶茶」：大大杯夠濃郁夠滑👍
繼續閱讀
星期五想慳錢但又想TGIF一下，就去成日搭車經開，令大胃好想試吓嘅一間酸菜魚餐廳，去到先知原來都幾受歡迎，好多街坊會嚟食星期五決定食大碗啲酸菜魚，嗌個2-4人量可能本身一人餐都已經好大碗好抵食，二人份一上菜，大胃嗰檯就成為全場焦點，真係超超超超巨大碗裡面有勁多魚肉，平時食嘅酸菜魚都係用鱸魚，呢間有鯛魚，冇乜骨得嚟仲好爽彈仲有好多配料喺裡面，有唔同蔬菜、木耳、豆腐、寬粉等等，好足料另外仲有包兩碗麵飯，我地揀咗一碗薯粉同米線，烚得彈口，撈老壇酸菜湯勁正另嗌份涼食嚟中和返先，涼拌海蜇幾平，但又好大份，撈咗麻油同芝麻條條都好好肉地，好爽口同香口每次食酸菜魚，有得嗌嘅話，一定要食紅糖糍粑，呢間紅糖糍粑整得好脆卜卜點黑糖漿再點黃豆粉，內心都融化了嘢飲可以以餐飲價加配，大胃就飲鹹檸樂篤爛鹹檸有好多果肉，好解辣大胃之母要咗杯凍檸水，好大杯，店長好好咁拎食鹽畀佢
繼續閱讀
您可能會有興趣的...