影片
港鐵馬鞍山站 A2 出口, 步行約7分鐘
繼續閱讀
營業時間
星期一至日
10:00 - 22:00
以上資料只供參考, 請與餐廳確認詳情
食家推介
招牌菜
由我小時候認識車仔麵開始，總覺得，食車仔麵既地方，一定要邋邋遢遢才有風味。所以，食車仔麵向來都有另一個稱呼，叫 "嗱喳麵"。前排，一個人在馬鞍山等阿仔放補習，我就看中了《天河食坊》這一個看起來嗱嗱喳喳的地方，食一碗開心的嗱喳麵。當日我要的三餸是牛腩、豬大腸同煙肉腸。煙肉腸的確是一個少見的選擇。店另一邊是售買牛雜魚蛋小食的。相信是這原固，餐紙上會有這些煎炸小點的出現。這兒的牛腩湯底看起來好清，但味道卻是十足的，牛腩肉厚香口，大腸夠腍夠香，也帶少許腥味，配合了油麵，令整個味道很是地道，很是嗱喳，很有風味。當日，我配上一杯奶茶。小小店雖主打車仔麵，本以為只簡單地賣汽水的。然而，他們的奶茶是一杯令你我他都會感滿意的出品。夠濃香，奶味茶味都十足，非常之好。改日，又係因為等阿仔放補習而再一次路經這兒。為食地叫了一碗牛雜。相信，車仔麵的濃香腩汁就是來自此牛雜，碗內的各內臟都很入味，很腍，是一碗很完美的路邊牛雜。再一次證明，有心去一些嗱喳地方尋食，會尋找到令人開心的好味道。
繼續閱讀
我諗住馬鞍山既應該都食過呢間🤣佢d炸燒賣真係幾熱氣都食左先講🤤炸到外面好脆入面又好煙韌🤤🤤🤤再加埋蜜糖真係好好食😹I think you have heard of shumai before, one of the most popular street food in Hong Kong. And this, makes it to another level!!! It's crispy outside and chewy (in a good way) inside. Btw it serves with honey, so u can imagine how good it is😻
繼續閱讀
天河食坊而家好少見到有豬紅豬腸食，難得去小店試試👍👍豬紅份量較多，豬腸就少d，都洗得好乾淨😁我仲叫左杯凍檸茶，茶底都👌整體評分：3.5/5環境：3.5/5味道：3.5/5地址：馬鞍山鞍誠街28號富輝商場地下
繼續閱讀
平時諗唔倒食咩, 又唔想食飯個陣, 都會嗌個車仔麵食下, 配料多選擇之餘, 每樣都做得好好.大腸同牛腩都好入味, 又好淋. 牛腩雖然肥左少少, 但一定唔會好乾柴, 每舊都做到一絲絲咬出黎既感覺.白蘿蔔雖然唔會超甜心, 但做到好淋, 又無根, 已經好過好多車仔麵店架喇.有時都會叫下魚皮餃, 牛肚同佢比較出名既雞翼尖既. 久唔久換下口味, 點都唔會食得厭.最重點推介, 其實係佢既麻辣汁, 比起好多標榜賣麻辣既舖頭, 真係高幾班, 如果食得辣, 不妨剔完, 係側邊寫多個中字, 等廚師知道你想加辣.
繼續閱讀
車仔麵一向係平民食物，但做得好一啲都唔易，我相信大家都食過好難食嘅車仔麵。呢間車仔麵做咗好多年，好多街坊都鍾意幫襯，除咗價錢平，當然質素都唔錯，性價比高。我今日帶咗三餸麵， 分別係紅腸、豬紅、同埋魚蛋。佢個麻辣湯味道唔錯，唔會好辣但係帶麻嘅感覺，豬紅係我最鍾意食嘅配菜，唔會一夾就散，仲有彈性，唔係間間車仔麵都做得到。小食方面，佢有好多選擇，牛雜啦，咖喱三寶等等，我今次就叫咗炸大腸同炸燒賣，佢炸大腸上碟之後會有蜜糖淋上面，炸大腸賣$16串，但件數都幾多，外皮香脆大腸彈牙。炸燒賣我不嬲都好鍾意食，不過我覺得炸得硬咗少少，不過不失。
繼續閱讀