影片
電話號碼
21667466
附加資料
Free hotel shuttle from Exit B, Ocean Park MTR Station
營業時間
今日營業
07:00 - 10:30
12:00 - 14:30
18:00 - 21:30
星期一至日
07:00 - 10:30
12:00 - 14:30
18:00 - 21:30
公眾假期
07:00 - 10:30
12:00 - 14:30
18:00 - 21:30
以上資料只供參考, 請與餐廳確認詳情
有關獎賞計劃
優惠
影片
相片
+996
大家都話呢排 #香港市道麻麻，商家各出奇謀吸客，就連五六星級酒店都唔例外，間唔中都會見到一啲 #買一送一優惠 ♥️ 有著數嘅嘢，#小秘書 當然唔執輸，呢日千里迢迢嚟到 #香港富麗敦海洋公園酒店 試吓佢哋個buffet🤤 開餐之前當然要四圍行吓，順便吸吓六星級酒店嘅靈氣啦🤭起初我仲以為酒店就喺 #海洋公園 隔離，不過原來都有一段距離㗎😅 好在酒店夠細心，就喺港鐵站B出口安排咗shuttle bus接載客人到酒店門口☺️ 推開酒店大門，#小秘書 已經被周圍嘅熊貓🐼擺設同裝飾吸引住，經過一輪打卡，我哋上到一樓。預早45分鐘到達嘅我哋，主要係為咗喺餐廳外圍欣賞日落之餘🌅 而最重要嘅係搵張搖搖椅坐吓，擺住pose對住前面個無敵海景，襯住涼風… 舒服到我唔知唔覺瞓咗一陣 💤 爽呀喂🤪講返buffet嘅食物，我認為食物質素係可以攞A-至B+嘅🥰 佢哋嘅沙律菜配搭夠晒出色，雖然賣相無咩特別，不過入口細嫩，而且旁邊仲有各式各樣嘅芝士同埋醬料，單係呢點已經夠晒出色🥒 正好為豐富嘅一餐展開序幕🤤 每次食buffet，#小秘書 離不開 #凍海鮮 食物，滿滿嘅 #開邊龍蝦、#蟹鉗，#凍蝦、#長蟹腳 … 令人目不暇給🤤 可惜晚膳時段居然連 #生蠔 或者 #麵包蟹 都冇，確實令人失望😅 至於其他熱盤，都係普普通通嘅菜式，冇咩太大印象😅 不過就連燒味部都唔見有 #海南癮雞、#叉燒、#燒鵝 之類嘅供應，反而俾我見到 #滷水豬耳 同 #豬大腸 … 又真係幾特別嘅😄 #魚生 #刺身 款式都唔算多，肥嘟嘟嘅三文魚 🐟 口感唔錯，不過啲 #象拔蚌 就冇乜味道，而且又硬掘掘咁… 試過一碟就算😅 成晚最值得我讚揚嘅除咗係整間餐廳嘅氣派同餐廳嘅設計，感覺好開陽，空間感十足♥️ 佢哋嘅 #甜品款式 多不在話下，New York cheese cake我比滿分、雪糕我都滿分🤩 加上極為可愛嘅 🐼熊貓仔造型mouse cake，仲有各式各樣唔同花款自家製蛋糕同甜食，搞到我維持多時嘅戒糖計劃都失晒控🤭🤭客觀啲咁講，一如網民所講，食物款式唔夠多、貴價食材選舉少，不過勝在服務一流，食好嘅碟永遠唔會喺枱上停留超過一分鐘，每次都好快有員工幫手處理🙌🏻🙌🏻 加上我呢晚都只係俾咗$503就可以過嚟欣賞呢個靚景，實在令 #小秘書 我好滿意㗎啦☺️📍 The Fullerton Ocean Park Hotel Hong Kong ｜ #LighthouseCafe #星耀廳 (黃竹坑)海洋徑3號
繼續閱讀
可能係全港最美自助餐？💫星耀廳位於黃竹坑Fullerton 酒店1樓，裝修走輕奢風，配搭大量熱帶植物🌴而且樓底極高，陽光充沛🌤️落地大玻璃面向香港仔海峽，令人心曠神怡！早前係KKday 見到有買一送一，晚市唔使$500位，即刻訂位試試！(正價約$800-900)餐廳環境非常寬敞，食物款式數之不盡！酒店有穿梭巴士往返海洋公園，每半小時一班，非常推薦大家有折嘅時候試試晚市，記得趁有日光早啲過黎影相📸不過價錢咁抵，鵝肝/生蠔/羊架等貴價食材就冇喇，但我都食得好開心，大家可以衡量吓～適逢熊貓熱潮，每枱仲有機會抽獎，我仲抽中熊貓公仔鎖匙扣🐼🥰呢到仲有打卡🐼甜品！🇮🇹ITALIAN & SPANISH DINNER BUFFET🇪🇸意大利西班牙滋味盛宴晚市自助餐Daily 6 - 9:30 p.m.(以下只列舉大部份食物)SEAFOOD ON ICE 冰鎮海鮮🦞🦀波士頓龍蝦、鮑魚、麵包蟹、雪蟹腳、大蝦、蜆、藍青口、海螺HAND CARVED ITALIAN & SPANISH HAM 現場即切意大利或西班牙火腿🥓帕爾瑪火腿、高柏火腿、西班牙黑毛豬辣香腸、莎樂美腸、波蘭風乾火腿、煙火雞胸原隻伊比利亞黑毛豬火腿、西班牙橡果香腸 (只限週五至日及公眾假期供應)回本位，識食一定係配蜜瓜食!!🧡SASHIMI ⽇式刺⾝三文魚、油甘魚、吞拿魚、北寄貝、紅蝦幾款都極鮮甜，食得出靚料🥰ASSORTED SUSHI & MAKI ROLLS 精選壽司及卷物🍣SELECTED SALADS 精選沙律🥗CARVING STATION 精選烤肉🥩 帶骨肉眼扒、焗寶雲酥三文魚塊扒係有啲生，可以拎去隔離Grilled station 叫廚師幫你燒吓，即刻勁好食！GRILLED & ROASTED DELIGHTS 燒烤美食🍖牛肉、魷魚、雞中翼、時令蔬菜 海虎蝦🦐 (只限週五至週日及公眾假期供應)好大隻彈牙，一出大家即瘋搶！INTERNATIONAL DELIGHTS 國際美食 燒春雞伴檸檬及意式火腿、香草燴牛尾伴香烤馬鈴薯、比吉打豬柳配芥末忌廉及番茜、 意式炸海鮮、忌廉焗馬鈴薯、地中海香料烤魚、印式馬沙拉忌廉燴羊、 檸香印度香苗、咖哩雜菜、印度烤餅、印度炸薄餅ASIAN DELIGHTS 亞洲美食 咖哩炒豬腩片、芥辣奇味骨、豉汁炒牛肉、西檸嫩雞、星州蘿蔔糕、香辣青口、 蜜棗魚湯浸時蔬、清蒸海上鮮、明爐烏頭 SWEET TEMPTATIONS 特色甜品🍪🍰呢到嘅甜品又靚又多款，試咗幾款都好唔錯，最好味係巴斯克，我諗我食唔到5分1…芝士蛋糕、朱古力脆餅、焦糖咖啡蛋糕、法式冧酒巴巴蛋糕、經典千層糕、娘惹千層糕、 鮮焗朱古力曲奇、班蘭蛋糕、巴斯克芝士蛋糕、意式奶凍、蘋果金寶、杯子蛋糕、蝴蝶酥、 意式脆餅、豆腐花、意式杏仁餅、西西里卷、意式芝士蛋糕、意式泡沫咖啡泡芙、紅莓醬酥皮泡芙、 香橙乳酪蛋糕、西班牙米布甸、西班牙炸油條、聖地牙哥蛋糕、卡布里蛋糕、卡達拉娜、西班牙焦糖布甸ICE CREAM WITH CONDIMENTS Movenpick 雪糕🍨雲呢拿、朱古力、士多啤梨、楓糖核桃、檸檬
繼續閱讀
暑假期間係網上平台做緊買一送一優惠, 人頭四百蚊有找就可以食到酒店lunch buffet, 於是一行十人滿有期待去大吃一番。呢個優惠的確吸引到唔少人幫襯, 排住長長人龍, 準時12點放人入去。餐廳座位區光猛闊落, 樓底高再加上落地大玻璃落出去, 成個view的確win啊!食物區域分類分明, 冷盤、沙律、鐵板燒物、炸物、中式熟食、即煮麵食、甜品都有, 不過每類選擇唔多。冷盤只有凍蜆、凍蝦、蟹腳、青口, 其中意為蟹腳係最受歡迎, 每次refill少少, 一有即攞意為執到寶, 點知d蟹肉媒既......仲鹹到好似浸咗鹹水幾日咁。刺身就由職員做配給, 經常排長龍, 每次幾片, 刺身的確係全場最值得encore呢一part。鐵板類又係得三款, 炒菇、五花腩同埋牛肩胛, 牛肩胛係幾唔錯, 唔會太硬,天婦羅炸物又係得三款, 不過冇天婦羅蝦, 得兩款蔬菜同多春魚 (不過咬落去苦的)日式煎餅, 太多粉......中款熟食數埋冇十樣, 其中有炸雲吞、薑醋蛋、雞等....賣相都唔多吸引!冇咩選擇下, 提早攻甜品, 反而甜品值得食~雪糕應該自家製, 冇show出任何牌子, 係幾正!糕點賣相幾吸引, 選擇多, 香蕉焦糖批正! 野飲就有coffee、tea、juice自助。買一送一嘅價, 都好難食回本, 選擇比起放題更少, 全檯十人一致認同冇下次!如果冇優惠真係搵鬼去!
繼續閱讀
咁啱老公放假，又咁啱聽日（29號）結婚15週年，咁啱又見佢快閃買一送一，所以就去試吓……講真住大西北嘅我哋，喺位置上確實好遠來回車程要差唔多4個鐘，海洋公園站有埋接駁巴士都幾方便嘅，半個鐘1班車程約5-10分鐘👍🏻👍🏻因為食晚市buffet天黑晒睇唔到大海景，同埋我哋係坐裡面唔係窗口位，出入攞嘢食都方便，環境寬敞舒適同隔離枱距離都ok，咁啱又接近Halloween都有d應節氣氛食物選擇多新鮮，燒牛仔肉，冷盤（凍蝦，龍蝦，長腳蟹）芝士區域（多種類芝士，乾果，火腿，醃製食品），甜品區（甜品種類好多，必試手工雪糕，雪葩），飲品區（咖啡，蘋果汁，檸檬茶），中式食品（即製魚蛋粉，點心，燉湯，各式小炒），小小印度菜+手工意粉，佈置擺位都好有心思，食物區企理乾淨，服務非常好連收碟侍應都有笑容加分👍🏻👍🏻（之前喺tst假日食過1次，侍應個個黑面神咁）多謝酒店臨時安排到朱古力牌，令我哋呢個慶祝之旅生色不少，感激🙏🙏（最好訂位先通知要慶祝）
繼續閱讀
話說係某平台有買一送一優惠未去過咁當然要試一下計埋優惠 每人350到先講優點：- 有熊貓公仔同食客影相- 熊貓蛋糕（雖然得一件）- 有哈囉喂沙律（雖然都係得一件）- 靚環境 可以打卡又可以比小朋友放電- 一次夾公仔機會- 麵包多款式 偏歐式硬皮缺點：- 檯同檯之間好窄- 食物整體一般 冇用貴價既食材（海鮮得青口 海螺 蟹腳同蝦）食物評價：- 煙肉類好食過刺身- 麵包有特色- 印度薄餅薄身較硬- 椰漿飯同配料雖然有打燈 但凍曬- 吞拿魚冇清乾淨總結：主題樂園既酒店係預左貴所以350一個人都唔預特別好食 或者有咩花款但反而覺得可以做多啲主題樂園相關既食物熊貓bb公仔再貴都有人買熊貓主題自助餐點會冇人受與其做優惠 不如諗下點樣令自助餐有話題啲
繼續閱讀
您可能會有興趣的...