米走雞 (太子藍馬之城)

營業中

休息中

藥膳滋補鍋湯融合咗數種精選中藥材嘅湯底，味道濃郁醇厚，散發出自然嘅甘甜同微微嘅藥香。味道鮮甜，入口溫暖，滋補又養生。澳洲頂級和牛封門柳和牛肉色澤鮮艷，令人垂涎三尺。放入藥膳湯後，釋放出濃郁肉香，咬落去柔嫩多汁，鮮甜中透住濃厚嘅牛肉滋味，非常美味。雞子形狀渾圓飽滿，表面帶有自然嘅光澤。輕輕燙熟後，入口滑順，口感Q彈柔滑，輕輕一咬就能感受到內裡嘅柔和嘅質感，十分好食。魚皮餃皮薄肉厚，晶瑩剔透，隱約可見內裡豐滿嘅餡料。輕輕咬開，鮮美嘅魚肉餡汁水飽滿，非常彈牙，好滿足。炸饅頭一咬落口，就能感受到外層薄脆內裡柔軟，帶住微微嘅麥香同淡淡嘅甜味。搭配煉奶後，甜香濃郁，每一啖都充滿住酥脆同鬆軟嘅交融，令人忍唔住多食幾個。

已經有一段時間沒有來過，今天晚上天氣轉涼，又是火鍋的最佳季節!今次挑戰火焰麻辣雞煲，未上枱已經聞到花椒香攻鼻！侍應即席淋酒點火心，成個煲瞬間被藍色火焰包圍，視覺效果滿分～雞件用咗嫩滑雞髀位，煮到微微焦香，辣度分小辣都已經夠刺激!精品拼盤三寶各有千秋，下次要order多幾款自家手打丸先得！黑松露墨魚丸：咬開爆出濃郁松露香，墨魚膠彈牙；蝦中寶：蝦滑釀入原隻蝦仁約，雙重鮮味爽脆；墨魚滑：混入粒粒墨魚肉鼻，每啖都食到鮮味霜降Prime牛板腱+鮮牛肉牛肉新鮮又甜美，份量也不少呀！而每件牛肉片的油脂分佈均勻，牛味十足！！特別推介！每片都好新鮮甜美

嗰日我哋揀咗一間以雞煲聞名嘅餐廳食飯，環境好舒適，服務又好貼心。🟡黃金芝士雞煲🟡濃郁嘅芝士香味四溢，令大家都垂涎三尺。食落去之後每一啖都食到濃郁嘅芝士，再配埋滑溜嘅雞肉，簡直完美。食完雞煲，加入湯底，就繼續食芝士火鍋！🔴澳洲頂級和牛封門柳🔴每一片牛肉嘅色澤都特別吸引，都充滿均勻分佈嘅油花，散發住濃郁嘅牛肉香味，入口嗰陣即刻喺口裏面融化咗嘅口感簡直令人驚艷無比，肉質鮮嫩又充滿咗芝士嘅香味，真係好滿足。🟠滑雞🟠當雞肉吸收咗湯汁嘅鮮美之後，入口嗰陣多咗一層濃郁嘅芝士香味。每一啖都食到更加突出嘅雞肉鮮味。🔵海鮮拼盤🔵海鮮拼盤都唔可以錯過，沙白、脆肉鯇片同虎蝦都非常新鮮，尤其係虎蝦，彈牙嘅口感令人一試難忘，配埋鮮鹹嘅芝士湯底簡直係絕配。🟡淮山🟡淮山為成煲芝士湯底增添咗更多層次感，唔單止口感幼滑，仲有養生功效，正！

今日同朋友去咗旺角嘅米走雞食火鍋，氣氛好輕鬆，啱啱同朋友一齊食，幾開心嘅！火鍋有好多選擇，食得好滿足。以下就係我哋嘅食物分享啦～首先，手打嘅鮮蝦丸，啱啱落鍋嗰陣，蝦丸彈牙，食落去唔會過腻，仲帶咗啲海鮮嘅清甜味，真係好好味！🍤跟住係蒙古羊肉片，羊肉切得唔算太薄，落去鍋唔會散開，肉質軟嫩，唔會有羊腥味，反而好香，煮完後食落去滿足感十足。🥩至於蒜蓉蜆鍋，湯底有咗蒜蓉嘅香味，但唔會太重，啲蜆肉新鮮，煮完後吸咗湯嘅精華，食落去好鮮甜。🍲最後，雜菌拼盤有唔同種類嘅菇，只要煮得啱啱好，食落去唔會過硬或者過軟，口感一流！🍄食物同氣氛都好舒服，火鍋湯底選擇多，食材新鮮，大家都食得開心！而且價錢都唔算貴，幾個人一齊食，真係幾划算，下次有機會一定會再返去！😋

週六午餐。兩位。點了雞鍋，肉丸拼盤，牛肉大份，烏冬，飲料。醬料 - 非常非常差和不乾淨。雞鍋- 同煮菜鍋底一樣只有蔬菜味，沒有雞味。牛肉 - 已經叫大份的，3百多，得細細碟，絕對不划算。肉丸 - 同酒樓燒賣一樣，沒有口感。烏冬- 口感不錯。地方和服務 - 不願置評。埋單 - 770$ 港幣。已經88折了。絕對搵苯。自己所選擇錯誤，自己的錯。

最近天氣凍咗～又係時候諗住打邊爐啦！想搵間坐得舒服～又可以打卡嘅餐廳打邊爐😃呢間我食完真係覺得高質～因為用料真係新鮮～而且食完唔口渴～🍲蒜蓉卜卜蜆煲味道超級鮮甜嘅蜆～蜆肉肥美～份量好足～底下仲有啲蒜蓉索晒啲湯汁～好鮮甜～非常推薦！🥩M8肩胛肉眼片配咗卜卜蜆嘅鮮味湯底～豉油都唔使點～又香牛味～我自己最鍾意食嘅部位😍😍要我一個人ko整盤我都OK！！🦪美國桶蠔店員特別推薦嚟嘅～話今日嚟到嘅蠔肉好大好鮮～食落去真係好新鮮同平時食到嘅完全唔同～冇臊味～都冇沙～而且肉質嫩滑～果然係推薦🤗🤗🐟脆炸蝦餅呢個超吸引呀！脆炸蝦餅勁脆，充滿住鹹香，淨係咁食都得，點埋湯汁都得，完全冇辦法停止食蝦餅嘅感覺🤣好快清晒。食評總結：喺香港難得高質嘅打邊爐店，好多小食同食材都係自家製，肉類嘅質素好好，而且店內環境同餐具好有氣氛感，食得好開心。

呢度既環境好有地道火鍋店feel，抽風系統勁食完唔會成身味🍲超符合我地既要求🌟黃金芝士雞煲一上枱就聞到濃濃既奶香味，見到滿滿車打芝士鋪滿雞件，煮滾後總可以拉起絲🧀d雞肉用咗嫩滑部位，每舊都撈滿左鹹香既芝士醬，食落仲有淡淡蒜蓉香味,食到完全停唔到口🌟午餐肉唔係普通罐頭貨，舊舊都切到好厚， 浸咪芝士湯底索曬汁後，仲有肉粒口感，芝士鹹香同豬肉味好正🌟牛板腱靚到唔捨得淥，雪花紋理分明，切到手掌咁大片。只要淥3秒個肉質嫩到似食緊牛肉刺身咁🥩同濃郁芝士出奇地夾，好惹味🌟精品拼盤手工丸好好食，都係餐廳手打既，黑松露墨魚丸、蝦中寶同墨魚滑建議大家試吓，每款都好彈牙

第一次食飯食到咁無語咯 d雞肉係幾大塊 但除左鹹無其他味 竹笙墨魚滑好似橡膠咁 黑松露墨魚丸得個鹹味，搜索出來第一個以為有幾好食，真系好難食 超級鹹，服務態度係ok 但係菜品可以用心d嗎

🥣金湯桃膠花膠雞湯：湯底滾起時金黃透亮似熔緊嘅金泊✨，撈起有成塊花膠同桃膠沉底，仲有連皮整隻雞增加油香🐔～ 飲落膠質黏嘴得嚟帶紅棗甜味🐮手切霜降牛頸脊：完全係視覺享受👀！大理石紋油花靚到似藝術品🎨，每片切到透光又唔易散。入口即化得嚟牛味濃郁，油脂位帶微微奶香🐚沙白蜆」：鮮到上枱仲識郁！每隻都好大，浸住雞湯滾到開口，蜆肉飽滿冇沙仲帶鹹鮮。最正係蜆汁精華流落湯底，滾到後期個湯甜到似海鮮燉花膠，全家搶住飲到見底🥣🥤藍檸檬梳打：解膩一流💙！淡藍色睇落已經透心涼，入口先湧現檸檬清香🍋，尾段有微微薄荷涼感，中和火鍋嘅油膩感

本身對芝士雞煲這種食物不感興趣因為聽起來很滯胃但男朋友推介，所以就過來試一下結果非常驚喜！黃金芝士雞煲（小）非常香濃的芝士，配搭芫荽及洋蔥等等令到整件事不會太膩而且可以選擇半隻雞或者啖啖肉我們選了啖啖肉果然非常足料絕對足夠二人份量精選鮮製拼盤-烏卒卒墨魚丸加入墨汁及墨魚肉，非常足料，感覺好像有點黑松露的味道（？）-哈哈哈蝦中寶爽口的蝦滑裏便包裝鮮蝦，令人驚喜！-竹笙墨魚滑非常適合火鍋的一份美食，口感及味道很有層次感封門牛抑肉真材實料，牛味香，口感極好百香果茶很有儀式感的裝置，二人分，大約每人有四杯

呢間雞煲店開業多年 依然咁高人氣✨勁量芝士鍋絕對係招牌🧀提供多款配料 可以加湯打邊爐 🍲.📌黃金芝士雞煲(小) $208滿滿金黃芝士 加埋勁量雞件 2-3個人食細都夠‼️揀左啖啖肉 用左雞髀肉 大大舊又嫩滑🍗芝士可以按喜好自訂份量 怕太膩揀左普通 都已經超級多 加熱至半融 軟滑拉絲🧀芝士鹹香奶味超濃郁 沾滿雞件 每啖都大滿足 芝士控必食💛配以大量洋蔥, 中芹, 芫荽 清爽解膩🧅🌿.📌精選鮮製拼盤 $881️⃣哈哈蝦中寶-蝦膠混入蟹籽, 蝦肉, 原隻蝦 超大件 啖啖肉 鮮味十足又彈牙🦐2️⃣竹笙墨丸滑-爽滑竹笙包住彈牙墨魚滑 口感味道有層次🦑3️⃣烏卒卒墨魚丸-加入墨汁同墨魚粒 扎實爽彈 啖啖鹹鮮松露香 好夾有驚喜🖤.📌鮮炸響鈴(半份=3件) $32超巨型 成隻手咁大‼️每日鮮炸 輕輕淥幾秒 吸滿湯汁 外層保持微脆 入口軟綿爽滑 豆油香十足 夠晒邪惡🧡.📌脆鯇腩 $98魚腩夠晒肥美 甘鮮十足唔油膩 魚皮Q彈 肉質爽脆 打邊爐最愛🐟.📌日本鮮帶子 $118厚切大粒 輕輕淥熟 爽嫩鮮甜🤍.〰️蔬菜〰️全部都大大份又新鮮💚📌雜菇拼盤 $48📌西洋菜(全份) $48📌油麥菜(全份) $48📌蘿蔔(半份) $24📌芫

天氣又濕又凍，圍爐取暖就最Happy🙌🏻一大班人聚會，選址太子米走雞，仲可以預先book房添👍人多可以嘆多啲款，有辣有唔辣，呢個天氣仲可以揀滋補嘅桃膠雞鍋！黃金芝士雞煲表面鋪滿了金黃色芝士，加熱時，芝士會慢慢融化，半流質狀態很拉絲！芝士口感十分濃郁綿密，包裹每塊雞肉，味道濃郁，咸香味道很突出，充滿著奶香，很特別。火焰麻辣雞煲湯底點火後，更帶點焦香，麻辣味道很濃，花椒和辣椒味道突出，入口甜甜地，入口麻辣鮮香！金湯花膠桃膠雞鍋湯底口感非常醇厚，入口滑溜溜的，南瓜味很重😍，湯滾後飲湯後才加水開始打邊爐，很滋補。雞肉口感緊實而有彈性，鮮嫩多汁，款款都好入味！另外我哋都order咗多款食材，白鱔片、虎蝦、脆鯇腩、手切霜降牛頸脊、萵荀、油麥菜、鵝腸、炸午餐肉、手打墨魚丸等🙌🏻，仲有充滿party氣氛嘅2L分享桶，藍檸檬梳打特調和百香果水果茶特調！

原來唔經唔覺，呢間餐廳已經幫襯咗10年！仲要味道上都冇咩大變，值得大家繼續幫襯落去。✨火焰麻辣雞煲 天氣依舊帶點涼意，麻辣雞煲正正合我心意，一間餐廳嘅雞煲帶有火焰嘅視覺效果，雞肉嫩滑，整體醬汁唔會太鹹 ，麻唔香味出色，仲可以叫佢多啲芫荽添！肉食大王可以選擇啖啖肉嘅雞煲，或者亦都有半隻雞呢一個選項～✨巨型水管響鈴 響鈴呢一種邪惡嘅火鍋配料，一定要點返一份！嚟到真係忙到眼都凸埋非常非常之巨型，而且外層香脆，唔需要浸太耐都好入味。✨特色手打丸拼盤 餐廳自己手打，全部都係有自家嘅特色！例如烏卒卒墨魚丸、竹笙墨魚滑、蝦中寶，食落去特別彈牙而且足料。✨ 手打M5和牛丸呢部份係後期追加，因為佢嘅丸類真係食到我舔舔脷，牛丸好大粒好有份量，食得到濃郁嘅嘅牛肉香氣，而且咬落去仲會爆牛汁，有啲似縮細版嘅牛肉漢堡一樣！✨五香鮮牛肉份量遠遠比我想像中嘅多，鮮紅色嘅滑牛食落去好柔軟同時有極厚身！✨午餐肉邪惡中嘅邪惡，但係雞煲一定要有！餐廳已經預先幫你炸起！✨蔬菜類有幾多分邪惡就要俾返些許嘅健康感，所以分別叫咗金菇、油麥菜、萵筍，餐廳全部都可以半份半份咁樣叫，特別適合兩個人嘅份量。✨脆鯇腩餐廳都有好多款生猛嘅海鮮

上星期生日，朋友約我去食飯，凍凍地就決定打邊爐！佢地嘅滋補養生火鍋系列「金湯花膠桃膠雞鍋」好岩一班Lady，凍凍地飲完又暖笠笠又好滋潤😍「金湯花膠桃膠雞鍋」湯底配料份量十足，有半隻油雞、花膠、桃膠、娃娃菜、紅棗、杞子等味道鮮甜濃郁，花膠仲要好大隻，refill 時都係比番原底金湯，打邊爐前一定要飲番幾碗湯先。手切霜降牛頸脊牛頸脊鮮嫩，充滿雪白油花，脂肪平均，肉味濃郁，打邊爐必叫之選。一碌青花椒插在牛舌上個名都幾特別，牛舌大塊薄切，牛舌帶有少少青花椒味，有口感。哈哈蝦中寶蝦中寶超大隻，混入蟹子、蝦膠、蝦粒再包住原隻中蝦，啖啖蝦肉，鮮蝦味十足。手打五寶拼盤（鮮墨丸/鮮蝦丸/鯪魚丸/豬肉丸/鮮牛丸）一碟有齊五種最鮮味手打丸，新鮮手打，鮮味十足又彈牙。海鮮我叫左白鱔、虎蝦、日本鮮帶子海鮮樣樣都好新鮮又大件大隻！白鱔大片仲好肥美，虎蝦超大隻嘅虎蝦又新鮮，蝦味濃仲爽彈，帶子大大粒。清熱銀菊露、竹蔗茅根佢地自家製嘅涼茶，用料十足，岩哂黎清熱降火。

朋友帶我地去太子「米走雞」食雞煲，book埋 VIP房，帶好闊落坐得舒服，叫左2款煲品嘗，幾款打邊爐配菜，已經好飽。火焰麻辣雞煲（小辣）店員即場加酒點火撈勻，小辣都越食越辣，多配料，雞件嫩滑，非常惹味。金湯花膠桃膠雞鍋店員會將半隻黃油雞先剪件，煲滾後先品湯，湯底鮮甜，雞件入味，花膠桃膠滿滿骨膠原，之後用來火鍋，食物提鮮。西班牙黑豚肉肉質鮮嫩，肉汁豐富，夠油脂又不油膩。手切霜降牛頸脊牛肉鮮紅嫩滑，又佈滿雪白油花，油脂平均，肉味濃。其他配料包括巨型哈哈蝦中寶內有蝦滑蝦粒及蟹子、肥美白鱔片、爽脆脆鯇腩，大大隻又新鮮的虎蝦，等等，真係好豐富。飲品2款，每款2L，包括藍檸檬梳打特，調涼快清爽及百香果水果茶特調，香甜消滯，真係好夠飲。