雲長小龍坎老火鍋 (已結業)

和老表去完國內旅行，好欣賞中國的傳統工藝，回港後常常會找一些有中國風格的食店用餐，回味和欣賞一下中國式的設計風格，老表找到一間位於尖沙咀君怡酒店內，食川菜火鍋的雲長小龍坎老火鍋，去到門口就立刻感受到中國格調，見到龍和關帝的藝術品，挑刻得十分精緻，因為近新春，店內還佈置得好有中國農曆新年氣氛。田園蕃茄藥膳湯，老表喜歡藥膳湯可調養氣血，味道香甜，沒有很強的中藥苦味，我就喜歡田園蕃茄湯帶微酸，非常醒胃。2個人唔叫得太多火鍋配料，怕食唔曬，好在呢間有半份叫，可以食多幾款。手打蝦丸(半份)，鮮味彈牙。穀飼黑豚肉，穀飼豬只以玉米等穀物飼養，因此帶有穀物的香甜味，無一般豬肉腥味！白豬仔午餐肉，擺設成心形，好有心思，加入左火腿粒整，令到口感多一份層次感。鮮腐竹質感軟滑。用冰筒浸住，特別夠凍好飲！

有朋自遠方來香港旅遊，住在尖沙咀君怡酒店，約我食晚餐聚一聚，佢選擇在酒店的雲長小龍坎老火鍋食晚餐，她喜歡火鍋店裝修擺設都很有中國Feel。奉送小食和麻油，混醬後加些麻油特別香。湯底選了田園蕃茄藥膳湯，兩種湯都好濃郁，蕃茄湯味道酸甜，藥膳有很香的藥材味道。穀飼黑豚肉，將豬肉卷起，打切成薄片，很濃豬肉香味，肉質鮮嫩。鳳城水餃皇，餡料飽滿，有多隻鮮蝦和木耳等，十分爽口。白鱔片(半份)，鱔片新鮮，口感爽口，不過切得比較薄，灼的時間記得不可耐，否則會林。即炸紫菜響鈴，呢樣值得推薦，即叫即做，響鈴酥脆，豆味香濃，內卷有紫菜，更添口感和紫菜香味！點些酸甜汁，味道酸酸甜甜的，食不停口！

同一班無辣不歡的老友周圍食辣嘢，梗係要試近年十分流行嘅麻辣火鍋店啦！朋友推介必試這家雲長小龍炊老火鍋🍲 地點在君怡酒店一樓，晚飯時間都有人在樓下派傳單所以唔會太難揾倒！ 中國風嘅裝修十分吸引！店內坐位都係中式枱櫈好似我地嘅麻雀枱咁，靚係好靚，不過呢長腿小姐就唔太適合有D頂腳，有D坐位嘅櫈係冇得挨，呢樣扣小小分！店員有禮同埋快手！比返個讚！ 🥣紅油麻辣芫茜鴛鴦鍋 $138  麻辣湯十分出色，花椒同牛肉味好濃，紅油都唔夠得好油！食響鈴都唔會覺得好油！好味👌 芫茜煱有小量皮蛋，芫茜略微不夠但湯頭好味！🥩極品手切肥牛(小)HK$228肥牛色澤好靚，上枱成座山咁，唔係薄薄一片有D 厚度,肉質好嫩唔un, 夠林無渣, 脂肪唔太多會唔小心食多幾片🍗 花雕雞件（半隻 ）$98 雞肉好滑，半隻份量足，不過煮得耐就冇乜花雕味，要一煮好即食！🦆 鴨血 - $58個人喜歡呢間嘅鴨血，比較有質感！唔會一煮散開！響鈴同鮮打丸類都好味！下次會再來！

這晚去到尖沙咀君怡酒店內的中高檔火鍋雲長小龍坎老火鍋吃晚飯。由於餐廳位處酒店內，都坐得幾舒適，侍應亦都好友善，會同我地吹下水。餐廳提供嘅主要湯底包括麻辣、芫荽皮蛋、藥膳、蕃茄，我哋揀咗麻辣茄蕃茄鴛鴦鍋。湯底嘅味道都唔錯，麻辣嘅湯底係小辣，對於我來講辣度適中，蕃茄湯底味道鮮甜，又帶點酸，幾開胃。火鍋配料嘅選擇都唔少，而且每款嘅味道都唔錯又新鮮，價錢屬於中高檔，所以配料嘅質素都唔差。佢哋嘅蝦滑非常非常彈牙，韭菜餃亦非常好味，穀飼黑豚肉肥瘦適中，鴨血勁好食，功夫土豆片勁薄，係火鍋最佳拍擋，即炸魚皮新鮮即炸勁脆，薯粉爽滑彈牙。在Facebook打完卡仲有豆沙鍋餅或紅糖糍粑餸，份量好多，味道唔錯。另外加$99就可以買到一人份海鮮拼盤，有大大隻爽口大蝦、活鮑魚（上枱後仲識郁㗎 ！ ），同埋有幾個貝殼類，每一隻都大大隻，冇沙，好新鮮。兩個人食以上咁多野都食到非常飽，賣單八百幾蚊，價錢已包加一和醬油茶錢。

Dinner@雲長小龍坎我記得大陸好似都有小龍坎，唔知係未同一間，但價錢就貴好多🤪先叫左個涼拌皮蛋，係糖心皮蛋，好食👍🏻鍋底叫左個紅油藥膳鴛鴦鍋，麻辣果邊夠香夠辣少少麻，藥膳就偏淡藥材味唔重。八寶魔天倫-見到真係嘩左聲，好靚，要即打卡，其實只係裝咗8款丸/餃子🤣$99每人可叫一人份海鮮盤（蝦、鮑魚、貴妃蚌，花甲），我地6個人一人叫一份😋手切牛大份$368，油脂豐富但唔係好多片，唔似叫左大份😝個鵝腸$98 得8條仔，小到呢🙈最後總結，味道可以，食材新鮮，價錢略貴，平均每位$500

最近天氣不隱, 時冷時熱, 但打邊爐既心一直都係旺盛。尖沙咀有不少打邊爐選擇, 今晚就同朋友發掘下有冇新驚喜既火鍋店~發現左一間幾穩閉兼別具中式風格既火鍋店, 位於君怡酒店一樓, 不是門外有人派傳單, 我們都不會察覺。餐廳門外至內都充滿中國古代風格,入座先送上前菜, 揀好湯底, 自助混醬湯底款式唔多, 當然最有人氣莫過於辣湯底, 但我地還是想食返清清地, 就揀左【田園番茄鍋】HK$128湯底濃度剛剛好, 唔會過酸, 亦唔會太淡, 就連食到咁上下, 侍應還是加入對應既湯底, 所以湯底味道keep得住!【極品手切肥牛(小)】HK$228肥牛有點點厚度, 脂肪紋理不是太平均, 肉質亦不算好嫩, 夠林無渣, 牛脂唔會過盛而食到太漏太膩。【桂花蚌】HK$128鮮甜, 非常爽口, 但稍嫌切得太幼細, 熟後縮得太細件【白鱔片(半份)】HK$55最為失望, 每片切得太薄, 沒有爽口感, 更沒有魚既鮮味。因為太薄, 夾住左右焯熟時, 很易爛。Like 餐廳facebook仲有甜品送, 反而甜品免費竟然有驚喜,豆沙窩餅: 二人份量都算多, 即叫即整, 熱辣辣, 表面很脆, 甜甜豆沙很足料, 正!!

此間位於尖沙咀金巴利道的雲長小龍坎老火鍋店，是前段日子經過時見到已經想試的，今日與妹妹到尖沙咀購物，晚餐自然就選擇了雲長小龍坎老火鍋。餐廳裝修充滿著濃郁的中國風味，裝修雅緻舒適。餐廳先送上一個麻辣鳳爪餐前小食，可以令人邊食邊揀鍋底及菜式。紅油藥膳鍋最喜愛的就是四川的紅油麻辣鍋，所以揀了個鴛鴦鍋，紅油麻辣鍋併藥膳鍋。內蒙羊肉片這個內蒙羊肉片切得特別厚，紅油麻辣鍋麻辣的味道與這內蒙羊肉片特別般配，麻辣得來又不會遮蓋羊肉的鮮味，好味。手打墨魚滑手打墨魚滑，入口感覺爽口彈牙，新鮮有墨魚味。跳舞田雞跳舞田雞，田雞真是非常新鮮，上枱還見到田雞髀肉在跳動，一個字，鮮。田雞因為新鮮，肉質特別的鮮甜，麻辣鍋底令田雞更為鮮甜麻辣又惹味。食完覺得此間雲長小龍坎老火鍋 環境舒適之余，味道及質量都不錯。

琴晚和中學同學去了位於尖沙咀的雲長小龍坎老火鍋，餐廳是在君怡酒店內，也很方便就找到了。餐廳設有醬料費 $25/位；另有小食送贈，辣辣地幾好食～田園蕃茄鍋：蕃茄酸味突出，令我們愈食愈開胃；當中還有大量蕃茄肉，可以邊食邊飲，不錯的選擇。手捲牛舌花(半份)：師傅將牛舌拼成一朵玫瑰花，外觀很精緻；牛舌厚度剛好，所以經焯後吾會過硬，反而有點爽口口感，更滲出肉汁！手打蝦丸(半份三粒)：蝦丸的確包了鮮蝦，因是由師傅手打而成，口感特別彈牙，中間既鮮蝦鮮甜又爽口！自制鮮蝦雲吞(半份四粒)：雲吞皮很薄，但吾會好易就穿，口感很滑；而雲吞仲帶鮮豬肉和鮮蝦，兩者味道同樣香口。餐廳現時進行讚好打卡活動，將送出甜品：紅糖糍巴／豆沙鍋餅；豆沙鍋餅中的豆沙甜甜的，而外面香脆，也是即叫即整的啊！

窩底選了鴛鴦湯，《紅油麻辣鍋/清香藥膳鍋》。職員話招牌麻辣湯底，醬料是由成都直送到港的。滾起陣陣麻香味，食入口麻辣度都足。而藥膳湯底有龍眼、淮山、杞子⋯ 有淡淡的藥材香味，個人覺得用來配蔬菜、海產，最合適，入口別有風味的。這《油碟》同之前在成都旅行吃火鍋的店一樣，一小罐的包裝十分有趣，這是火鍋專用的醬油，有生油味又有麻油香，成都的人把這當豉油蘸，除了有助降溫及減辣外，也同時令食物更香口滑溜。火鍋料方面，職員推薦由成都空運到港的鮮毛肚、小龍黃喉、巴蜀麻辣牛肉以及冰川鵝腸，我就點了，口感特別爽滑的《冰川鵝腸》及爽脆的《鮮毛肚》！食火鍋不能缺少牛肉，今次試的是《極品手切肥牛》油脂紋路分布好平均，入口軟腍甘香有肉味，另一碟是《雪花牛立方》牛肉味比肥牛濃郁，相對肉汁較多有咬感。值得一讚呢碟《客家梅菜豬肉丸》嗰陣客家梅乾菜香氣比之前食過的特別香濃，鹹香得黎又彈牙！碟《豬粉腸》口感煙韌粉軟，好好味。呢餐都唔錯！

早排飛完去成都 依舊念念不忘成都嘅食物 咁啱得咁橋係尖沙咀附近見到呢間雲長人龍坎老火鍋 行入去好有四川特色嘅火鍋店 咁就沖左入去食啦食物：湯底叫左紅油番茄麻辣鴛鴦鍋好處有辣有唔辣適合返一啲唔係好食得辣嘅人士都可以一齊嚟食 另外嗰邊我叫咗小辣 但其實個辣度同喺四川食嘅差唔多醬料方面都係有返油碟 減輕額度同埋對胃部嘅刺激材料方面我哋叫咗極品手切肥牛 油花分布唔錯 入口軟而牛味重花雕雞件 啖啖花雕酒清香味 龍廚八寶摩天輪 有八款不同嘅手打丸類同埋餃子 可以試晒咁多隻嘅味道最後喺某社交平台打卡可以送豆沙鍋餅不錯既結尾最後買單 13xx 3個人都夠飽

今日嚟到呢間火鍋店🥘，一入到嚟呢就好重呢個嘅中國風，好有去到三國咁嘅時候嘅感覺🤣 因為嗰日比較早所以呢就唔係好多人 一坐低我哋就叫咗一大堆火鍋料每碟都好精緻，雖然唔好大碟，但係呢睇得出呢好新鮮 同埋呢個煲呢都係好誇張嘅 我哋除咗火鍋料，亦都叫咗一個海鮮拼盤，個海鮮拼盤睇落去每一樣嘢都係好新鮮嘅，因為呢每一樣嘢呢仲喐緊嘅🦐🦑🦞 綜合呢講雖然價錢呢就中高水平但係呢啲嘢都係好好食嘅！所以大家嚟到嘅時候，唔單只可以食嘢而且呢都可以欣賞下呢度嘅裝修嘅🐒

今日同兩個朋友去打邊爐，平時我都少食辣，今次朋友就帶我嚟到呢間試下正宗成都麻辣火鍋，一入到去見到裝修都好花心機，滿滿嘅中國特色：關公，龍，字畫等，睇到出有心機做到似返當地嘅特色我哋三個人叫咗個鴛鴦鍋，有辣有唔辣(我哋怕正宗成都火鍋太辣食唔到)，店員就教我地整"油碟"，用來解辣之用，入來已經見到窗口擺滿一罐罐，原來就係小龍坎用來整油碟嘅專用麻油，加埋其他配料混合非常之香，用來配合麻辣火鍋一流!叫咗幾款招牌菜式，龍廚八寶摩天輪有八款不同嘅手打丸同餃子，啱哂想試新嘢嘅我，賣相似足一個摩天輪，睇得又食得，呢度嘅手打丸款式多之餘，質素都好高，彈牙之餘用料都好足，推薦！另一款招牌極品手切肥牛，油花均勻，厚薄適中，牛味濃郁，配合麻辣湯底同油碟，非常香口。仲叫咗醉雞，同樣出色，花雕酒味花，雞肉嫩滑，但與麻辣湯底配合度一般。對於平常唔太食辣嘅我，呢度嘅有多重嘅層次，香 麻 辣配合得宜，值得一試。呢度環境都適合一班朋友來傾計聚舊，裝修特別可以打下卡。

近排真係食麻辣火鍋食上癮，今次就黎左呢間小龍坎，網上搵過資料，原來歌手陳柏宇都有份開，但都有啲負面新聞，先唔理佢係咪山寨版，味道正宗好味就唔會有人理呢啲問題。店內設計非常有中國特色，但就應該容納唔到好多客，或者咁可以keep到服務質素啦！我同朋友都主張點返啲內地食麻辣火鍋用開嘅食材，咁先對比到質素。紅油藥膳鴛鴦鍋 - $138可以食麻辣之餘仲可以試下藥膳湯得唔得，做唔到解辣功效。麻辣湯看得出有用牛油入饌。小龍黃喉 - $98幾爽身，跟內地食過的相似。餐紙建議淥20秒，但我認為10秒已足夠。手卷牛舌花(半份) - $40餐紙建議淥4分鐘，一般來說時間是過長的，但這裏的牛舌淥4分鐘又剛剛好。牛肉味亦能保存。成都空運鮮毛肚 - $108餐紙建議淥20秒，但我淥7秒已夠，再多幾秒，我這個箍牙妹就覺得韌了。鴨血 - $58這個有點失望，感覺像豬紅，唔夠韌度，容易散開。另外，like facebook及打卡會有甜品送，收費亦包括每位$25的茶介費。

久聞陳柏宇開嘅火鍋店 好耐之前已經好想試今日終於可以有機會啦怕遇上食飯會好多人所以我同朋友六點半就黎到呢間火鍋店響君怡酒店入面電梯上一層就會見到大門口有個龍型雕像 好有氣勢哈哈除咗啲好常見嘅火鍋配菜雲長小龍坎的而且確有唔少特色嘅野食由於我哋嗰日唔算好肚餓嘅關係我地決定先點四樣嘢 食到咁上下先再決定仲加唔加單其中有三樣都係店舖推介點餐紙上面仲會寫明邊啲食材要淥幾耐好細心湯底方面 我哋叫咗個鴛鴦湯底本來好想食麻辣但係最近食得太多熱氣野所以我哋決定揀個清淡啲嘅田園番茄藥膳鍋（$138）一嚟到即刻飲咗幾啖試吓先個藥膳湯底有幾足料 睇圖已經見到落咗當歸桂圓紅棗杞子淮山陣陣藥材味 滋補得來個味都幾清至於個番茄湯 都好足料 真係好似飲緊蕃茄濃湯咁 正阿第一樣黎到嘅係店舖推介嘅玫瑰豬頸肉（$58）個賣相非常靚但係只係得三朵每朵入邊係有三至四塊豬頸肉既如果份量可以再多啲就好啦淥豬頸肉既建議時間係1分鐘呢個豬頸肉真係好得絕對有豬頸肉應該有嘅爽滑 好新鮮我同朋友都食到唔停口我哋仲叫咗個脆鯇片（$88）呢個唔係店舖推介 係我睇食評見到有人話好味嘅我地本身都幾鍾意食魚 所以就想試下睇落都好新鮮我哋計好時間淥1分

朋友聚會，平日夜晚去食，得幾檯客，個位置唔係好顯眼，係酒店入面既1樓，服務幾好。湯底正常唔差，食物就每碟既量都唔多（以呢個價錢黎講），但係質素好，唔係俾啲垃圾野你，同埋擺得好靚，好有心思，啲碟係岩岩好可以圍住個鍋，應該係預人影相🤣🤣🤣🤣所以都ok啦，火鍋料種類&選擇都正常，最後有甜品。都坐得舒適既，裝修有啲特色咁，同朋友慶祝生日，有切餅費，個人覺得可以一試，但未必會encore 🤔🤔🤔