岩鹽日本料理 (MOKO新世紀廣場)

營業中

休息中

呢間日本餐廳嘅午餐平均價位為$180，期待可以享受中高品質的日式美食。不過，實際卻令人大失所望，我會用大*樂質素嚟形容。首先，餐廳的座位安排頗為擠迫，除非坐在卡位嘅位置，否則會覺得好迫，用餐氣氛大打折扣。食物方面，雖然午餐套餐包含主食、沙律、蒸蛋、湯及刺身，份量相當充足，超飽，但味道方面卻是一無是處。若餐廳著重於「量多」，卻忽略了「質優」，咁就真是徒勞無功。主食令我極度失望，尤其是牛舌，竟然硬過牛肉乾，咬下去完全沒有豐富的口感，咁樣嘅質量，真係對唔住餐廳的收費。我相信如果餐廳能夠注重食材的烹調和調味，其他配菜其實根本唔需要，淨係做好主食我都可以接受這個價位。

行完MOKO 3樓童裝，已經接近晚飯時間，近近地試吓岩鹽，等咗5分鐘就可以入座，一眼就睇中松葉蟹肉釜飯，打開蓋香噴噴，口感豐富，先生食四色丼定食，佢話比放題刺身好食，我試過覺得中規中矩，仲有雞肝和雞翼，雞肝沒有想像好吃，皮不是很脆，烤魷魚是我最愛，一客份量都多，最後都食唔完

今日，去食個午餐，好多人等位，入到去，求其叫個set lunch, 問侍應，可樂跟餐需要加錢嗎？侍應回應，係話唔需要，咁就要左可樂。唔夠30分鐘，有位侍應問我可唔可以調位，我諗都食飽，唔好阻住人啦，就直接出去俾錢。俾完錢，先發現貴左，以為俾錯單，有禮貌查詢，個位收錢先生，串串地講，你叫左可樂呀麻。其實加錢唔緊要，你地職員唔清楚，俾錯資訊客人都唔緊要，但係禮貌真係好緊要。其實之前都會嚟食下飯，經過今次，真係唔好啦！完

之前都食過岩鹽啲套餐, 質素中上！見咁耐都未食過佢啲釜飯, 即管試下！我叫呢個係北海道海鮮釜飯, 個餐跟個沙漏, 要等個沙漏漏曬先至開蓋, 好有儀式感！賣相其實唔錯, 跟餐有沙律、三舊魚生、麵豉湯同一啲漬物！仲附送甜豉油用嚟撈飯！有一杯免費果汁。啲海鮮焗完之後變咗半熟, 但因為本身冇落調味料, 所以成個飯其實冇乜味, 但啲鮮味焗完之後又流失咗, 其實都唔知自己食緊乜, 尤其是海膽, 冇曬原有嘅質感同味道, 最失敗係嗰隻蟹腳, 又乾又柴（唔記得影添）🤮 我覺得佢應該將啲海鮮分開上, 咁就唔會嘥咗啲新鮮海產！雖然佢啲飯有啲驚喜, 有蛋絲、白飯魚同栗子, 但加咗佢哋隨餐附送嘅甜豉油, 啲味變得更加古怪, 只有嗰嚿鰻魚係同啲甜豉油夾。後來我加返正常點壽司嘅豉油落去啲飯度, 味道即刻提升曬！我仲試咗兩啖雜錦角切魚生丼定食, 啲飯完全冇醋味, 而且有啲硬, 完全失水準！侍應服務有水準, 不過一入去就講用餐時間只有90分鐘, 每樣食物食完就收曬啲碟, 好似好趕咁樣, 其實出面都冇乜人等！其實唔明一間開咗咁耐嘅連鎖店, 味道調教咁失手, 質素又唔穩定, 又成日趕人走咁, 你叫我哋點樣唔返大陸😅

又貴又唔好食，環境又俾唔到正常水準嘅享受。食完心情差過未食，唔會再黎。嘢食完全達唔到水準，就連佢地嘅魚生都係好差，啲魚/海膽無佢應有嘅味道，只食到苦同臭，有一隻仲要臭到入唔到口。日式牛肉火鍋，啲肉仲衰過大家樂大快活嗰啲一人火鍋。唯一OK嘅係芒果奇異果蝦卷，但係好酸。然後隔離兩三檯都有小朋友好嘈係到叫，搞到成個area好似兒童遊樂區，完全聽唔到人地講野，職員又唔理。咁樣一餐就收六百蚊，都唔知自己食左咩。

幾骨子嘅一間日本餐廳，又唔係話超級貴，性價比高。之前因為好迷戀佢個滑蛋豬扒飯，所以成日都嚟食，但係發現每次食完都過飽，晏晝食完夜晚果餐都唔使食，所以呢排就冇再食滑蛋豬扒飯。換咗嘅係食壽司拼盤，因為我唔係太鍾意食全生嘅壽司，所以我通常都嗌炙燒壽司，佢入邊有幾種係我鍾意食嘅，例如好似炙燒三文魚、吞拿魚、帶子，如果有埋灸燒「芝士」壽司就最好啦！而家食到灸燒芝士嘅壽司都比較困難，好少地方有。佢個套餐有野飲，又有茶碗蒸同沙律，有MOKO卡仲有雪糕送，飽到傻左。

岩鹽日本料理@MOKO新世紀廣場呢間日本料理既定食真係同menu個樣做到幾乎一樣咁滯，野食種類選擇亦都算多元化，由壽司定食、刺身當、燒肉、火鍋到釜飯都一應俱全。今次我就試左個精選壽司定食：🔹12件精選壽司🍣🔹生牛肉烏冬🔹沙律🔹味噌湯🔹茶碗蒸🔹漬物🔹另可選飲品/雪糕壽司上面既魚生好新鮮、鮮甜，海膽最怕就係有腥味，但係呢一舊就唔會，食完啲壽司其實都已經好飽，點知仲有碗烏冬，牛肉肉味好重但烏冬就普通無彈牙既感覺。茶碗蒸都好好食但唔知點解食到底會有啲粉狀既物體🙈我覺得幾得意既係釜飯既set, 好有儀式感會配埋一個漏斗，話你知幾時可以開蓋食得🤣🤣

今日去MOKO購物同食晚餐，估唔到星期四好多舖頭都好多人，所以見到岩鹽有位就即刻入去。餐牌太多選擇，我最後都係選擇期間限定套餐：上選壽司定食 $188安格斯牛扒定食 $198香桃梳打 $15蝶豆花乳酸梳打 $15食物真係好高質素，我選擇嘅壽司定食，刺身真係好清甜，仲有牛肉烏冬啲牛肉真係好嫩滑。我試食咗屋企人嘅安格斯牛扒，簡直係入口即溶，好有牛味，啱晒我。自己燒又可以選擇熟度，我估計下次再嚟我會食呢個。仲有係份量好大，真係食得好飽👍🏻

放飯時間同班同事上咗旺角MOKO上面食lunch, 本來想食千兩，但見到前面依間有位我哋成班即刻衝入去😂😂，佢原來地方都好大，入到裏邊轉左另有天地。環境都算寬躺，就算食晏多人都唔覺得迫，同事們都係叫左壽司餐3號同4號，我就要咗4號，啲壽司OK都算新鮮真係唔差，但唯一係個味噌湯比較淡口，同埋佢本身有個牛肉烏冬又係比較淡口，其餘都算唔差，另外如果個餐唔要雪糕改叫飲品，佢個橙汁真係鮮榨…. 呢個值得一讚！

朋友話之前食過，話好食，介紹我黎食，橫掂我又未試過，咁咪試下囉佢個lunch menu有好多好多個餐，仲好多元化，有刺身餐，天婦羅餐，釜飯餐，一場黎到就試個特別d嘅，試下個釜飯嗌左個牛肉鵝肝釜飯，落枱嘅時，個職員話等個漏斗漏曬先開，唔知有咩用，可能夠熟先食得，d飯就濕濕地，都ok嘅，仲以為咁樣一煲可能會有飯焦🤣錯誤嘅期待個餐都豐富嘅有包刺身，有沙律，有湯，有漬物至於個釜飯d牛都幾好食嘅，不過圖片只供參考，佢menu個圖有好大件鵝肝，我個餐就兩件好少嘅

平時趕住就要揀壽司set lunch, 雖然快，但質素都保持到嘅，好好食🫶🏻今日有時間，可以食 北海道釜飯 $158，因為現煮所以要等耐少少，不過值得等。✨✨✨✨✨✨✨✨✨Set Lunch 包括 - 🥗蔬菜沙律- 昆布麵豉湯- 3色刺身- 咖啡 / 茶 / 雪糕釜飯用料十足， 大大塊海膽，鮭魚，鰻魚，帶子，鮭魚籽，蟹拑，毛豆，栗子。上枱等1分鐘，撈勻就食得啦，各種食材鮮味混合一齊加上熱焫焫軟糯嘅日本米，口感豐富滿足，咪睇個釜細細咁，足足有2大碗咁多。 推🫶🏻

蒲燒鰻魚釜飯 ($148)釜飯上菜嗰陣有一個木蓋焗住，店員會俾一個沙漏⏳大概一分鐘先揭起 😉 鰻魚份量好多好厚身，蒲燒汁嘅香味好濃，飯嘅部分都好香粒粒分明，仲有啲蛋絲夾埋一齊食幾香😋 雖然價錢貴啲，但係餐廳好闊落適合朋友聚下會，釜飯選擇都好多例如仲有廣島蠔、三文魚三文魚子海膽三文魚等等，想食釜飯嘅都可以試吓呢間😙之前銅鑼灣嗰間執咗得番旺角東嘅🥲📍岩鹽日本料理旺角太子道西193號MOKO新世紀廣場3樓367號舖🍽️ 7.8/10

北海海鮮丼以其新鮮的海鮮成分而聞名。通常會使用各種各樣的海鮮，如三文魚、帆立貝、蝦和海膽等。每種海鮮都有獨特的風味和口感，使得每一口都讓人驚艷。另一個關鍵的元素是飯。它的黏性能夠將海鮮和飯粒結合在一起。這種搭配使得每一口都更加豐富和濃郁。飯的口感應該軟硬適中，不會掩蓋其風味。除了海鮮和飯之外，晚市仲有配菜跟上，有沙律、湯、刺身等等。 CP值真係好高而另一個套餐就是海膽三文魚丼飯，佢仲增設有茶漬食法，一個餐食到曬兩個食法真係好抵。 我個人覺得茶漬食法比較好食。還有個炸吉列廣島蠔，這樣都大推，因為隻蠔真的很大和鮮甜。

大部分人都在排隊吃壽司郎，拍不到隊又想吃日本料理，便到這家試試看。我點了一份魚生飯set，家母點了牛扒set。看下圖就知道，我的魚生飯set比起豐盛的牛扒set，確實有點單薄。我無比的後悔，身為牛魔王，竟然在關鍵的一刻背叛了牛扒。生魚片、帶子和蝦都非常新鮮，鮮甜可口，但是牛扒set也包含了三片魚片和我最愛的三文魚籽，這個set真的非常抵食，愛吃牛扒和魚生的必點！牛扒餐還包含大量配菜，還給了一個火爐讓客人自行調整生熟程度，非常有儀式感。家母見我可憐，請我吃一塊牛扒，果然牛肉味足夠，加上剛剛燒完便放入口的肉香味，和魚生飯相形見絀。餐廳食物不錯，就是抽風系統不足，我比較早吃飯，只有一兩檯客的時候還好，當餐廳坐滿人而比較多人點釜飯、石燒牛扒這類「煙火味」比較重的食物時，餐廳頓時煙霧彌漫，這方面餐廳可以改進一下。下次來一定要吃牛扒set！

平日食飯，呢間午市都好多人！不過抵佢嘅！性價比唔錯，環境同埋服務都好好，唔怪得咁多人食！價錢偏貴，但係對得住質素喺呢間同埋千両之間揀一間，因為呢間嘅午市Menu比較多元化，所以就揀呢間試吓！我就食過當係朋友未食過我哋最後分別揀咗牛扒餐同埋鰻魚斧飯餐牛扒半肥瘦啱啱好！本身係未熟晒輕輕燒過，佢會比個爐你自己燒烤 好過癮㗎 ！而且可以控制自己想食幾多成熟牛扒餐張相唔見左 牛扒扒餐跟蒸蛋一個 但係原來鰻魚嗰個冇㗎蒸蛋好香蛋味😙扁頭髮獅子狗就完全冇口感朋友嘅鰻魚飯都幾吸引，雖然鰻魚嘅份量好少，而且鰻魚好薄 不過都OK 因為整體都食得好滿足！成個飯好均勻又有栗子又有菠菜又有菇，重點係佢唔會撈油去煮個飯，但係勁香仲有喎 飯焦搞到我喺度食朋友啲飯交換🤣🤣因為朋友唔食得魚生最近，所以佢借我個鑊嚟燒吓啲魚生好搞笑，但係又幾香口喎雖然吉列炸蠔好貴$108.3隻，但係上枱覺得好靚好滿足😌雖然個蠔咬落去唔係好大隻，但係粉漿厚得來又唔會覺得好矛盾醬汁仲比齊沙律醬同埋日式吉列炸豬扒醬 好好味呀兩隻醬都不過嗌咗一串豬肉串燒原來七成都係肥膏來的，而且好多奇奇怪怪嘅醬 睇嚟串燒唔係咁抵食整體而言環境超好，而且服務好好！成