PARKSIDE@NINA

營業中

休息中

終於一訪荃灣最近大熱的打卡名店Parkside。估唔到晚市真係坐滿人，唔訂位真係有機會食唔到。餐廳係NOC 咖啡店內，座位都好多，但要打卡的話一定要訂窗邊卡位。其實打卡餐廳，對食物本不抱太大期望，但竟然有驚喜。龍蝦泡沫濃湯好濃郁的龍蝦味，湯的質地十分細緻幼滑，比得上酒店餐廳出品，配的蒜蓉包亦香脆。牛油果三文魚沙律三文魚新鮮，加入了米通、芝麻等，牛油果creamy，柚子醋多了份清新口感。紅酒糟虎蝦捲意粉食落一陣酒香，但唔會太搶意粉的味道。捲意粉的掛汁能力不錯，亦帶煙韌，幾好食。原隻烤豬手想灴到係原隻未切上台，烤得金黃焦脆，每切一刀都卜卜脆，入面的肉色粉紅粉嫩，入口真係又脆又嫩，配埋個自家製醬汁，真係一絕，好好味!!!食物好味，高樓底的特色設計好靚，睇得出餐廳真係有花過心思，店員知道食客黎打卡，所以都好識做，會好快行開留時間俾客人影相，我地食到最後，店員都俾我地打埋卡先走，整體感覺都好好，所以會揾個時間日光再打卡。