荔枝山茶座 (已結業)

難得是星期日，又見天氣開始放晴，於是便約朋友們去踩單車燒野食。今次沒有選在大尾督一帶還車，直接回大埔。因為朋友推介去荔枝山茶座試一試新推出的炭火爐端燒DIY放題。這個放題價錢不太貴，早段5點至7點半成人收費$238，小童只是$98。為食時段8至10點就$268和小童$128。餐廳唔太難揾，只要大埔墟搭23k小巴便可直達，需時10分鐘內。餐廳唔算大，但你話一班人去食餐飯，就一定唔使迫。今次我地一行11人，安排坐係門口張長枱，柴娃娃咁幾熱鬧。我地叫左佢個爐端燒DIY,食物有50幾種可以揀，都幾多。而且款式除有大路的丸類、雞肉類同蔬菜類之外，佢好多款式係出面燒烤唔會有嘅。何如煙肉廣島蠔卷，燒豬肘薯餅串，安格斯牛露筍卷，炭燒鵝肝牛角包，照燒鰻魚串等，仲有慢煮豬腩串，吋吋骨，煙肉珍珠筍卷。。。。。。以這個價錢黎計，食到呢啲野，真係覺得有賺。 我地一行11人，餐廳俾左2個爐我地，個爐個樣圓形肥肥地幾得意。佢設計係俾人將啲串燒，圍住個爐圓型咁燒。餐廳老闆小林好熱情同我地吹水，又親力親為。之後等到啲野食黎啦，真係好豐富下㗎。我地呢班餓鬼，見到啲野食雙眼發晒光，立刻開動。