痴心小麵 (已結業)

星期六晚，約左2個大學老死去銅鑼灣見下面，吹下水。大家對食咩都無甚頭緒，所以最後我作主去食麵，經濟又實惠。 係地鐵出面的金百利揾食，見到大排長龍，有啲驚，但既然諗定就唔轉軚。上到8樓痴心小麵，好彩人並不多。裝修出預期好好多，光猛又整潔。原本只想食麵，但見到鄰桌的人食魚鍋，最後都係食魚鍋。 因為唔食得辣，所以點左個$188的酸菜魚鍋，及一個跟小食的麵餐，仲有幾個小食。 小食先上，手拍青瓜十分爽脆，木耳酸酸地又爽口，水準不錯。 跟麵餐的紅葱頭雞，份量比預期多，莞茜、洋葱、蒜頭鋪面，味道夠香且雞件也滑溜。 金牌痴心湯麵，料足，有成5～6樣配料。麵質彈牙，材料都煮得十分入味。尤其大腸及豬軟骨，好稔。成個麵係十分不錯的。 到了主角酸菜魚，大大條魚訓係鍋中間，條魚亦頗足秤，已經預先炸香，所以望落有金黃色。配菜除了酸菜莞茜，仲有豆卜、蓮藕、金菇、枝竹、木耳、芽菜等。整條魚差不多被配菜淹沒。 魚質地不算嫩滑，但肉質結實而帶juicy，而且也沒有腥味。加埋酸菜湯底，其實好惹味。跟鍋的配料夠稔身，吸晒酸菜湯精華。 飲品不得讚下杯檸七，因為足料之餘，好夠味，不過咸但酸甜得