峰壽司魚屋

營業中

休息中

好耐未食過日本野，今日突然好想食三文魚，所以去左荃灣廣場元氣，但因為人太多，上左上面食峰壽司。不過峰壽司都係要等，但因為未試過，就等呢間。等左差不多成個鐘先有位，餓都變唔餓。坐低即刻點個三文魚四食。另加左款壽司五食同玉子豆腐。三文魚等左1個字左右到，有壽司，刺身，加洲卷同小卷。三文魚顏色好鮮，頗肥美，而且份量都唔細百多元的價錢，我覺得好抵食。我地2人食完其實已經好full。壽司5食上面啲魚生好鮮美，而且賣相同味道都不俗，飯好紥實，沒有鬆散。至於玉子壽司就好一般，件玉子顯得有啲乾，雖然厚切，但沒什麼味道。整體黎講，峰壽司啲刺身好新鮮，價錢唔算太貴，雖然要等，但款式頗多選擇，唔等元氣可以試下佢。