影片
更多
2018-10-21
300 瀏覽
《全港最正🐔海南雞飯？🤔》睇好多食評，好多有名「識食」既「食家」都大力推薦依間極不起眼既茶餐廳，話佢係全港No.1 海南雞飯～咁巴閉，梗係要試試啦！———————————————————💁🏻♀️海南雞飯 $59（包飲品或湯）- 油飯係香而不膩，份量係足既；但係今日食既時候飯過水，😐有一pat pat, 麻麻地- 雞🐥係滑既，入味既，唔太肥，算ok~- 成個飯最正應該係佢既海南雞醬，正係好好食👍！自家裝，味道剛好，唔太酸唔太辣，令成個飯Fresh 哂！😍- 不過另外既甜醬油就極之唔掂，完全似係老抽加生抽加糖，仲要係難食果隻😒———————————————————👩🏻🏫但咁講啦，咁既價錢咁既質素，性價比算高既！我估係個飯失手啫～至於「全港第一」就⋯⋯😏香港太多海南雞飯我仲未食過，等我食完再話你地知啦🤗———————————————————除左海南雞，仲試左佢地個咖哩～青咖哩係香，但雞肉就鞋到一個點～我估佢走左油先加入咖哩汁，所以汁香但同件雞就好似離左婚咁～🤦🏻♀️———————————————————👉🏼勝利小廚 (何文田)何文田勝利道6號地下
睇好多食評，好多有名「識食」既「食家」都大力推薦依間極不起眼既茶餐廳，話佢係全港No.1 海南雞飯～
咁巴閉，梗係要試試啦！
———————————————————
💁🏻♀️海南雞飯 $59（包飲品或湯）
- 油飯係香而不膩，份量係足既；但係今日食既時候飯過水，😐有一pat pat, 麻麻地
- 雞🐥係滑既，入味既，唔太肥，算ok~
- 成個飯最正應該係佢既海南雞醬，正係好好食👍！自家裝，味道剛好，唔太酸唔太辣，令成個飯Fresh 哂！😍
- 不過另外既甜醬油就極之唔掂，完全似係老抽加生抽加糖，仲要係難食果隻😒
———————————————————
👩🏻🏫但咁講啦，咁既價錢咁既質素，性價比算高既！我估係個飯失手啫～
至於「全港第一」就⋯⋯😏
香港太多海南雞飯我仲未食過，等我食完再話你地知啦🤗
———————————————————
除左海南雞，仲試左佢地個咖哩～
青咖哩係香，但雞肉就鞋到一個點～
我估佢走左油先加入咖哩汁，所以汁香但同件雞就好似離左婚咁～🤦🏻♀️
———————————————————
👉🏼勝利小廚 (何文田)
何文田勝利道6號地下
海南雞飯
$59
18 瀏覽
0 讚好
0 留言
青咖哩雞
11 瀏覽
0 讚好
0 留言
張貼
