板長壽司 (東角Laforet) (已結業)

今日同寶寶諗住食好啲去食壽司，銅鑼灣諗到嘅壽司鋪就得板長，當然即刻去啦。七點幾左右，唔使排隊。店員問我地有冇download手機應用程式，有就可以做會員儲分。咁我哋就用手機落單。坐咗一張二人枱，同人搭枱就有啲迫，聽到晒隔離講嘢就唔係咁好。啲嘢來得好快，係2分鐘內就已經有壽司，心諗係咪一早整定先🍣～叫咗個丼：好細碗，同照片有出入。比較突出嘅係三文魚片，海膽呢就冇咩味，有啲失望。幾件軍艦、壽司、手卷～其實冇一件可以有好深刻嘅印象。食材又唔算特別新鮮，飯亦都偏酸～如果要讚嘅話，佢哋嘅魚子軍艦、甜蝦size係偏大，幾抵食。其他嘅就悉隨尊便咁嗌啦～連鎖店來講有待改善，期待下一次會有進步。