影片
更多
2022-11-05
150 瀏覽
三原 TEPPANYAKI位於將軍澳屋苑PARKSIDE嘅後街地舖，雖然地點隱世，但其實內有乾坤，餐廳由曾任日本領事家廚嘅日籍主廚三原光史先生主理，不但提供精緻嘅鐵板燒料理體驗，最近仲推出左期間限定嘅宮崎和牛壽喜燒菜單，只需$680就可以體驗到A4 宮崎和牛席前壽喜燒，價錢非常親民😍，仲唔快啲去試吓！宮崎和牛壽喜燒菜單 $680季節三點剌身作為前菜嘅刺身包括牡丹蝦、帶子及燒鰹魚，擺盤十分精緻，每款刺身都厚切新鮮！茶碗蒸蒸蛋口感嫩滑，用料豐富，並加入三文魚子，味道鮮美😋A4宮崎和牛(160g）依餐嘅重頭戲當然係席前壽喜燒，每席有三片A4宮崎和牛呈現喺眼前，見到有如雪花般嘅脂肪紋理，真係未開始燒已經流晒口水🤤 最重要嘅係可以望住師傅即場製作，嗰種期待嘅心情真係難以言喻。燒好嘅牛肉會伴大蔥上碟，熟度控制恰好，牛肉入口即溶，口感柔軟多汁，沾埋蛋汁真係好perfect (⁎⁍̴̛ᴗ⁍̴̛⁎)季節野菜食完靚牛梗係要食啲蔬菜解吓膩啦，季節野菜盤有日本皇帝菜、日本豆腐、洋蔥、冬菇同芋絲粉，用壽喜燒汁烹飪，甘甜入味！壽喜燒和牛飯滑蛋和牛飯吸收晒壽喜燒嘅精華，同和牛粒一齊炒，充滿油香！本身仲擔心唔夠食，食左一半嗰
宮崎和牛壽喜燒菜單 $680
季節三點剌身
作為前菜嘅刺身包括牡丹蝦、帶子及燒鰹魚，擺盤十分精緻，每款刺身都厚切新鮮！
茶碗蒸
蒸蛋口感嫩滑，用料豐富，並加入三文魚子，味道鮮美😋
A4宮崎和牛(160g）
依餐嘅重頭戲當然係席前壽喜燒，每席有三片A4宮崎和牛呈現喺眼前，見到有如雪花般嘅脂肪紋理，真係未開始燒已經流晒口水🤤 最重要嘅係可以望住師傅即場製作，嗰種期待嘅心情真係難以言喻。燒好嘅牛肉會伴大蔥上碟，熟度控制恰好，牛肉入口即溶，口感柔軟多汁，沾埋蛋汁真係好perfect (⁎⁍̴̛ᴗ⁍̴̛⁎)
季節野菜
食完靚牛梗係要食啲蔬菜解吓膩啦，季節野菜盤有日本皇帝菜、日本豆腐、洋蔥、冬菇同芋絲粉，用壽喜燒汁烹飪，甘甜入味！
壽喜燒和牛飯
滑蛋和牛飯吸收晒壽喜燒嘅精華，同和牛粒一齊炒，充滿油香！本身仲擔心唔夠食，食左一半嗰飯已經好飽🤣
甜品
由於嗰日去係萬聖節，連甜品都設計成萬聖節主題🎃，好有心思🤣 純芝麻奶凍口感細滑，黃豆粉蕨餅煙煙韌韌充滿豆香，為一餐畫上完美嘅句號。
張貼
