Street Bomber

營業中

休息中

順路去多多，結果無意間發現呢間小食店，買咗啲外賣返去食紫菜山魷魚鬚我真係冇諗過拎到返屋企都仲係好脆！佢啲紫菜超多，而且啲紫菜仲有芝麻，食落多一層口感。魷魚鬚份量都幾多，炸得好香脆，同紫菜好夾。蔬菜拼盤佢入面有芋頭、番薯、翠玉瓜同埋茄子。炸粉唔會太厚，同時佢唔會炸到好乾，食翠肉瓜時仲爆汁🤣🤣🤣，我哋揀咗蜜糖芥茉醬嚟點，好好食！避風塘韓國蠔一共有六隻，啲蠔仲有肉汁喺入面，幾juicy，估唔到仲有呢種食法，唔錯。牛肉糖心蛋紫菜拌飯最後叫咗個主食，牛肉醬汁都好多好入味，但係最令我難忘係嗰隻糖心蛋🤭。平時食嗰啲糖心蛋都好唔入味，但佢呢個係連蛋黃都入晒味，蛋黃仲可以嚟撈飯，好想食多幾隻蛋🤣，大家真係要試吓佢嘅糖心蛋！估唔到呢間小店都比到幾大嘅驚喜我，糖心蛋同埋魷魚鬚我覺得最好食😋，如果下次再去我會試埋韭菜蝦餅同埋雞翼🥺，今次個胃放唔到咁多。