YakiniKuu Japanese Bbq (已搬遷) 新店位置

老公生日lunch就食咗台式料理, 晚飯我倆就去咗一間位於中上環日式燒肉店「YankiniKuu Japanese BBQ」。今次揀烤肉店完全為咗滿足"食肉獸"嘅老公, 平時屋企盡量少肉多菜, 見佢生日就畀佢食盡啲。上網見中上環有幾間日式燒肉店, 最後揀咗YankiniKuu係因為價錢及評價都唔錯, 所以就走去試試。我地好早去到, 初初得兩三枱人, 心諗中伏? 原來七點後陸續多人, 而且滿座。既然老公生日, 就豪少少, 叫咗精選晚餐食Kuu Omakase,套餐都幾豐富, 包括:1) 季節沙律2) 是日精選牛扒3) 上等和牛壽喜燒4) 牛舌(薄切)5) 特選牛肉5款6) 是日廚師推介7) 和風牛肉烏冬8) 牛肉壽司9) 雞腿肉及豬腩肉10) 附上前菜、餐湯、白飯丶蔬菜條及Menu雖然每種肉只有兩至四片,但當食完成個餐真係好飽好滿足。講返啲肉, 其實waiter介紹完我都唔太記得邊款打邊款, 但大部分都好有牛肉味, 好嫰滑, 好稔。只覺有一款牛的肉味唔夠濃, 但整體好好味! 若追求好似神戶牛果啲雪花肥美的人士, 可能未能滿足。由於我好怕果種油膩感, 所以呢度嘅牛啱我餵口。牛舌薄切亦好正!