影片
更多
2018-10-12
704 瀏覽
果日約朋友響荃灣搵食，見到網上好多人讚呢間日本拉麵夠特別，引入咗日本嘅拉麵售票機，令你好似去咗日本食碗拉麵咁樣，我哋當然要去試吓😛一去到已經見到有人龍響部拉麵售票機前排緊隊入錢買拉麵，真係令我諗起以前響日本都係咁樣買拉麵🍜好懷念啊！而且部機嘅運作都好簡單，只要選擇自己想食嘅拉麵和飲品，入錢再攞張單入去比店員就完成，好方便！成間拉麵店嘅裝修由內到外都真係會令到你覺得自己置身在日本食緊拉麵，真係機票錢都慳返！不過裝修都係其次，最緊要都係碗拉麵好食，我同朋友各自點左一款拉麵，櫻花蝦拉麵（$88）同埋黑蒜油拉麵（$83），以我咁大食同埋咁鍾意食拉麵，食一碗又點夠喉呢？最後我重點了多碗魚介拉麵（$80）當獎勵下勤奮工作的自己😋飲品方面佢全部都係日本進口，我就撳咗一支靜岡蜜瓜梳打（$18），朋友就揀咗信州蘋果梳打（$22）當製作緊拉麵的時候我哋先試吓兩支嘢飲，朋友嘅信州蘋果梳打幾好味喎！👍蘋果味够岀😜反而我嘅靜岡蜜瓜梳打就有啲似藥水，同我想像嘅靜崗蜜瓜味有啲出入😢下次會試第二款嘢飲！朋友點嘅櫻花蝦拉麵來到，會比上面大大堆嘅櫻花蝦所吸引，真係幾慷慨，平時人哋嘅櫻花蝦只是細細一份，我估佢呢度有人哋嘅好
一去到已經見到有人龍響部拉麵售票機前排緊隊入錢買拉麵，真係令我諗起以前響日本都係咁樣買拉麵🍜好懷念啊！而且部機嘅運作都好簡單，只要選擇自己想食嘅拉麵和飲品，入錢再攞張單入去比店員就完成，好方便！成間拉麵店嘅裝修由內到外都真係會令到你覺得自己置身在日本食緊拉麵，真係機票錢都慳返！
不過裝修都係其次，最緊要都係碗拉麵好食，我同朋友各自點左一款拉麵，櫻花蝦拉麵（$88）同埋黑蒜油拉麵（$83），以我咁大食同埋咁鍾意食拉麵，食一碗又點夠喉呢？最後我重點了多碗魚介拉麵（$80）當獎勵下勤奮工作的自己😋飲品方面佢全部都係日本進口，我就撳咗一支靜岡蜜瓜梳打（$18），朋友就揀咗信州蘋果梳打（$22）
當製作緊拉麵的時候我哋先試吓兩支嘢飲，朋友嘅信州蘋果梳打幾好味喎！👍蘋果味够岀😜反而我嘅靜岡蜜瓜梳打就有啲似藥水，同我想像嘅靜崗蜜瓜味有啲出入😢下次會試第二款嘢飲！
櫻花蝦拉麵
$88
17 瀏覽
1 讚好
0 留言
8 瀏覽
1 讚好
0 留言
朋友點嘅櫻花蝦拉麵來到，會比上面大大堆嘅櫻花蝦所吸引，真係幾慷慨，平時人哋嘅櫻花蝦只是細細一份，我估佢呢度有人哋嘅好幾倍！上面嘅兩塊叉燒都唔錯，大大塊咁，重點係佢個湯底有濃濃嘅鮮蝦味！配上曲麵十分掛湯！鮮味十足的一個拉麵🍜而且每碗拉麵上面嘅糖心蛋絕對做到畫龍點睛嘅作用！呢間拉麵店嘅糖心蛋同樣做得出色！
黑蒜油拉麵
$83
6 瀏覽
1 讚好
0 留言
另外我嘅黑蒜油拉麵就將原本嘅櫻花蝦換成黑蒜油，同樣有兩塊大大塊嘅叉燒，但湯底係完全另一種味道，黑蒜油的香同埋豬骨濃湯的鮮，即時成碗拉麵昇華！同樣我點了曲麵，一樣地掛湯！😋
魚介拉麵
$80
18 瀏覽
1 讚好
0 留言
當我食完我的黑蒜油拉麵的時候，侍應好窩心咁樣幫我上另一碗拉麵——魚介拉麵（$80）即係木魚碎拉麵🍜比前兩碗拉麵仲會多一片叉燒，一共三大塊！魚介拉麵湯底又係另一個味道，是普通嘅豬骨濃湯的味道，但都已食到佢哋嘅誠意，湯底濃而不鹹，同埋炮製濃湯的時間一定不會太短，才可以熬制出那份鮮味😋至少食完我哋都冇覺得口渴，一定冇落味精先啦！😛今次呢個我揀咗直麵，食麵冇咁掛湯不過口感比較爽身，和曲麵相比自己個人比較喜歡曲麵😋
整體來講佢每一碗拉麵由湯底去到配料，你都會感受到佢嘅用心製作，除咗環境裝修似在日本之外，佢又會令到我感受到在日本食拉麵時的親切和用心！整件事配合上來才會覺得這碗拉麵的地道👍😋
——————————————————
店名:團日式拉麵 (荃灣)
環境🏝：8.5/10
服務💁🏼♀️：9/10
價錢💰：7/10
食物質素🍝： 8/10
整體🙆🏻♂️：8.5/10
地址:
荃灣大屋街18號金豐閣地下1-2號舖
#吃貨玩樂在荃灣
#吃貨玩樂
#團日式拉麵
張貼
