影片
更多
2009-08-31
96 瀏覽
30-8-2009是日勁多嘢都要到德福做, 索性喺食埋晚飯吧, 一行 4 人嚟到印象不錯, 又好耐無幫襯的利苑. 叫了 3 餸 1 湯送飯, 食到好飽:湯係燉響螺, 味道鮮甜住家 feel, 正 響螺亦好軟熟, 蘸點豉油, 最後俾我哋食晒 其他湯渣就有雞, 豬肉, 紅棗 etc., 不過當然無食啦 油鹽焗珊瑚蟹:「珊瑚蟹」即「阿拉斯加長腳蟹」(waitress 話), serve 時有一堆炸過的蟹腳, 下面就有大量炸米粉, 淋上杰身芡汁... 蟹腳已搣殼, 食得方便, 肉地一般不過都幾鮮甜, 唔油唔膩, 都幾好食.雙冬炆龍躉翅: waitress 話「翅」即「條魚撥水嗰度」,「包好食」咁話... 龍躉翅十分好肉地, 膠質重, 肉爽實味道又濃鮮, 枝竹, 冬筍及蒜子就十分索汁, 香口惹味, 正 蒜蓉炒莧菜: 簡單的一碟, 菜夠嫩腍, 但食落成陣燶 /「煙」味, 怪怪的.食物 ok, 環境亦一貫利苑的靚裝, 不過 service 就認真麻麻:1) 坐低無耐, 問 waitress 攞餐牌, 佢指一指檯上的 cylinder 形「是日推介」菜單, 就話「餐牌呀? 呢個囉!」
是日勁多嘢都要到德福做, 索性喺食埋晚飯吧, 一行 4 人嚟到印象不錯, 又好耐無幫襯的利苑. 叫了 3 餸 1 湯送飯, 食到好飽:
湯係燉響螺, 味道鮮甜住家 feel, 正 響螺亦好軟熟, 蘸點豉油, 最後俾我哋食晒 其他湯渣就有雞, 豬肉, 紅棗 etc., 不過當然無食啦
油鹽焗珊瑚蟹:「珊瑚蟹」即「阿拉斯加長腳蟹」(waitress 話), serve 時有一堆炸過的蟹腳, 下面就有大量炸米粉, 淋上杰身芡汁... 蟹腳已搣殼, 食得方便, 肉地一般不過都幾鮮甜, 唔油唔膩, 都幾好食.
雙冬炆龍躉翅: waitress 話「翅」即「條魚撥水嗰度」,「包好食」咁話... 龍躉翅十分好肉地, 膠質重, 肉爽實味道又濃鮮, 枝竹, 冬筍及蒜子就十分索汁, 香口惹味, 正
蒜蓉炒莧菜: 簡單的一碟, 菜夠嫩腍, 但食落成陣燶 /「煙」味, 怪怪的.
食物 ok, 環境亦一貫利苑的靚裝, 不過 service 就認真麻麻:
1) 坐低無耐, 問 waitress 攞餐牌, 佢指一指檯上的 cylinder 形「是日推介」菜單, 就話「餐牌呀? 呢個囉!」.... 哦好呀, 但唔使咁嘅態度啩?
2) 再問多次, 終於遞上 a la carte 餐牌, 但 waitress 拋低一句「餐牌有 d 嘢無0架喎!」, 跟住行開.... 吓, 咁可以點? 又使唔使咁嘅態度?
3) 餸菜 serve 到一半, 我哋叫了 3 碗白飯, 坐了 15 分鐘影都無, 唯有追單, 但前後追了 3 次, 頭兩次 waiter 都係聽完「哦」一聲, 跟住行開唔跟進的. 到 3 碗飯終於出現, d 餸已差不多食晒, 未食晒的又凍晒了.
連加一每人約 $300, 幾貴, 加上是日印象真係「弊多於利」, 阿爸直程「慶」過火屎, 唔抵食. 應該唔會再嚟?
張貼
