影片
更多
2020-10-04
224 瀏覽
估唔到第一次寫食評，就要俾負評呢間餐廳。😓星期日下午，我哋一行3人大概四點到，當時餐廳唔係好多人。樓面有2位男職員，一個負責接待收銀上菜，另一個負責酒吧同上菜，人手明顯唔夠。我哋被安排坐一張4人枱，但枱上只有2份餐具同水杯，眼見職員咁忙，我哋已經自己走去拎多隻水杯。 Scan 咗門口個QR code ，決定好食乜就諗住落單，但我哋完全唔知點落單，因為我哋坐咗10分鐘都冇人俾張QR code 落單紙我哋，其間啲職員只係好忙咁行嚟行去，直至我哋捕捉到佢企喺收銀處果刻先問到佢拎張落單紙🤷🏻♀️我哋點咗- 2份avocado chicken burger- 1份egg benedict- 1 杯flat white隔咗幾分鐘，1份avocado chicken burger 同1份egg benedict 到咗。諗住等多陣會上埋其他菜，點知過咗10+分鐘都未有，眼見遲過我哋入坐嘅客人都已經上哂菜，就諗住舉手搵人跟跟，點知被無視😡唯有襯個職員經過問吓係唔係漏單，得到嘅回覆係「等等」，佢冇幫我check，亦冇問番我有乜需要，完全係唔想理！最後，我終於等到另一位女職員出現喺收銀處，拿拿聲走問佢，佢先
星期日下午，我哋一行3人大概四點到，當時餐廳唔係好多人。樓面有2位男職員，一個負責接待收銀上菜，另一個負責酒吧同上菜，人手明顯唔夠。我哋被安排坐一張4人枱，但枱上只有2份餐具同水杯，眼見職員咁忙，我哋已經自己走去拎多隻水杯。
Scan 咗門口個QR code ，決定好食乜就諗住落單，但我哋完全唔知點落單，因為我哋坐咗10分鐘都冇人俾張QR code 落單紙我哋，其間啲職員只係好忙咁行嚟行去，直至我哋捕捉到佢企喺收銀處果刻先問到佢拎張落單紙🤷🏻♀️
我哋點咗
- 2份avocado chicken burger
- 1份egg benedict
- 1 杯flat white
隔咗幾分鐘，1份avocado chicken burger 同1份egg benedict 到咗。諗住等多陣會上埋其他菜，點知過咗10+分鐘都未有，眼見遲過我哋入坐嘅客人都已經上哂菜，就諗住舉手搵人跟跟，點知被無視😡唯有襯個職員經過問吓係唔係漏單，得到嘅回覆係「等等」，佢冇幫我check，亦冇問番我有乜需要，完全係唔想理！
最後，我終於等到另一位女職員出現喺收銀處，拿拿聲走問佢，佢先開始幫我跟番杯flat white同漏咗果份burger，當時已經係4:35pm⋯⋯等咗10分鐘，即係4:45pm，杯flat white同burger終於到😑
食物方面，個burger好大份，連埋薯條，份量十足，但個burger 嘅味道並冇佢嘅份量咁有驚喜，用嘅係雞肉堡而非雞排，比較dry，整體質素尚可。
總結，我由入位開始等咗45分鐘先食到嘢，冇聽過一句唔好意思，冇一個職員關心過我嘅需要，明明見到我舉手都扮見唔到，我明白人手可能唔夠，但果種愛理不理嘅態度俾人感覺好差！
牛油果雞肉漢堡
$108
21 瀏覽
0 讚好
0 留言
張貼
