小排檔懷舊車仔麵 (已結業)

呢間新開既車仔麵店位置並不起眼，但人流勁多，小店幾張枱經常爆滿。配料每樣都極有特式，好似涼伴小食白雲豬手、炸菜腎，熱食有蝦米餃(蝦米+豬肉混成)、豬腸、山刀大白蛋、懷舊魚蛋等餸都係鎮店之寶。估唔到店小小粉麵種類選擇幾多，連蝦子撈麵都有，而且呢度烏冬係用讚岐烏冬，質感煙韌，同平時出面粉麵店吃到的截然不同。老闆娘話用料成本係貴少少，但好味先最重要。呢度既醬汁亦由老闆娘一手一落炒成，佢係跟老師博學整，媽咪話似十足舊時細個食的味道，推介特辣咖哩同特辣麻辣。枱頭仲有一樽自家製辣菜甫，撈麵食一流！小店晚上8:00就關門，而且星期日同公眾假期休息，泥之前要留意一下營業時間。Mandymanlovefoodie 推介頭3位配料：-麻辣豬耳-糖心蘿蔔-醬汁魷魚三個人叫到成枱都係野食，埋單一人都只係大約$50，又抵又好味!!!