影片
更多
2022-05-22
697 瀏覽
「晨早流流食早餐」系列之可能係全港最有禮貌既茶記是日瞓飽飽精氣神滿足後，就去滿足吓個肚皮。今朝約11 點係大元就順便搵下有咩好野試，好彩見到呢間係平台附近既茶餐廳早餐做到11點半，就黎試下啦。牛油餐包暖暖地好鬆軟，一放低忍唔住咬左一啖先記得影相… 炒蛋好滑好juicy ，一啲都唔乾身，餐肉好厚煎到少少脆，唔會乾，讚炸菜肉絲米食落味精唔會好重，炸菜同肉既比例同味道好合餵食貓既口味，炸菜多但唔咸，肉唔會太多，合符早餐唔使食咁多肉既個人偏好，米粉夠淋同份量夠多茶走係去茶餐廳必點，回頭率就睇佢既功力，呢杯正，甜味適中，茶味夠濃，仲要咁大杯，唔飽就奇。最後要讚，係佢地既服務，真係由一開始帶位既伙記、到落單、放低食物、收早餐牌既洗碗姐姐、收銀，所有伙記都好有禮貌，全部唔該前唔該後。呢間茶記係我去過咁多間，所有員工最有禮貌既一間，真係抵讚！希望呢間好食、抵食、服務又好既一間茶記可以長做長有，餵食貓會繼續支持
是日瞓飽飽精氣神滿足後，就去滿足吓個肚皮。今朝約11 點係大元就順便搵下有咩好野試，好彩見到呢間係平台附近既茶餐廳早餐做到11點半，就黎試下啦。
牛油餐包暖暖地好鬆軟，一放低忍唔住咬左一啖先記得影相… 炒蛋好滑好juicy ，一啲都唔乾身，餐肉好厚煎到少少脆，唔會乾，讚
炸菜肉絲米食落味精唔會好重，炸菜同肉既比例同味道好合餵食貓既口味，炸菜多但唔咸，肉唔會太多，合符早餐唔使食咁多肉既個人偏好，米粉夠淋同份量夠多
茶走係去茶餐廳必點，回頭率就睇佢既功力，呢杯正，甜味適中，茶味夠濃，仲要咁大杯，唔飽就奇。
最後要讚，係佢地既服務，真係由一開始帶位既伙記、到落單、放低食物、收早餐牌既洗碗姐姐、收銀，所有伙記都好有禮貌，全部唔該前唔該後。
呢間茶記係我去過咁多間，所有員工最有禮貌既一間，真係抵讚！希望呢間好食、抵食、服務又好既一間茶記可以長做長有，餵食貓會繼續支持
牛油餐包、餐肉、炒蛋
44 瀏覽
0 讚好
0 留言
雪菜肉絲米
35 瀏覽
0 讚好
0 留言
茶走
25 瀏覽
0 讚好
0 留言
沙爹牛通粉
12 瀏覽
0 讚好
0 留言
張貼
