影片
更多
2009-12-06
6-12-2009上次去堅拿道飲咖啡 (http://www.openrice.com/restaurant/commentdetail.htm?commentid=2017446) 時路過見呢度的 lunch set 廣告, 覺得幾吸引又唔太貴, 呢日拉了朋友上嚟試試.對日替興趣不大, 叫了吉列蠔定食 (好似 $88), 跟漬物, 前菜, 蒸蛋, 味噌湯及白飯:-前菜係醋漬三文魚, 勁酸 , 帶點 citrus 水果的味道 (??), 夠晒開胃.蒸蛋嚴重唔夠滑, 仲有點「實淨」, 朋友直程話質感似啫喱?? 配料有鳴門卷, 蝦, 雞肉及冬菇, 冬菇喺面頭乾爭爭的, 不過食落其實幾軟熟又好濃菇香, 整體都可以的.味噌湯熱辣辣, 落了唔少昆布及豆腐, 味道清清哋, 又不錯.吉列蠔一客 5 隻炸得金黃, 食第一隻覺得酥脆又無油, 隻蠔唔算肥美, 仲帶點腥苦, wtf? 不過食第 2 / 3 / 4 / 5隻, 就一樣酥脆無油, 但就鮮嫩又多汁, 好彩啫. 醬汁有 3 款, 分別係蛋黃醬, 梅子醋汁 (??) 及 mustard, 喜歡前兩者的酸酸甜甜, 蛋黃醬就多一份 cream
上次去堅拿道飲咖啡 (http://www.openrice.com/restaurant/commentdetail.htm?commentid=2017446) 時路過見呢度的 lunch set 廣告, 覺得幾吸引又唔太貴, 呢日拉了朋友上嚟試試.
對日替興趣不大, 叫了吉列蠔定食 (好似 $88), 跟漬物, 前菜, 蒸蛋, 味噌湯及白飯:-
前菜係醋漬三文魚, 勁酸 , 帶點 citrus 水果的味道 (??), 夠晒開胃.
蒸蛋嚴重唔夠滑, 仲有點「實淨」, 朋友直程話質感似啫喱?? 配料有鳴門卷, 蝦, 雞肉及冬菇, 冬菇喺面頭乾爭爭的, 不過食落其實幾軟熟又好濃菇香, 整體都可以的.
味噌湯熱辣辣, 落了唔少昆布及豆腐, 味道清清哋, 又不錯.
吉列蠔一客 5 隻炸得金黃, 食第一隻覺得酥脆又無油, 隻蠔唔算肥美, 仲帶點腥苦, wtf? 不過食第 2 / 3 / 4 / 5隻, 就一樣酥脆無油, 但就鮮嫩又多汁, 好彩啫. 醬汁有 3 款, 分別係蛋黃醬, 梅子醋汁 (??) 及 mustard, 喜歡前兩者的酸酸甜甜, 蛋黃醬就多一份 creamy 及蛋香, 用嚟蘸炸蠔, 正
白飯米香一般, 但粒粒飽滿黏口又煙韌, 最後又係食到一粒都無剩
最後來杯咖啡, 呢個就麻麻哋 -- 聞落香味唔夠, 咖啡 base 有點稀,「齋飲」唔酸, 但苦而不醇, 落糖及 UCC coffee creamer 後就較滑, 但咖啡味仍然淡, 有點「衰收尾」的感覺.
朋友食碎三文魚腩 + 三文魚刺身 don 配熱蕎麥麵 (亦可選烏冬), 跟漬物, 前菜, 菜沙律及蒸蛋:-
蕎麥麵份量勁大, 試了少少覺得湯幾清甜, 蕎麥麵隱隱有專香, 但太腍了, 我食緊機製上海拉麵?
又試了少少三文魚腩茸, 落了豉油及 wasabi 都好似唔夠味...??
仲有最後的芝麻雪糕, 好香濃, 仲有粒粒的芝麻碎, 香上加香, 早知唔飲咖啡啦.
環境亦不錯, 燈光較暗, 但幾舒服; 招呼就認真麻麻, 店員們態度散漫, 又唔多禮貌, 不過唔知遇著日本客佢哋會唔會係另一個樣?
連加一每人約 $100, 食物不錯, 都不失為一個 lunch 的好地方. 唔知幾時有機會試試 dinner? 食友們的火焰牛柳, 蟹味噌及年糕薄餅相片好吸引!
張貼
