影片
更多
2021-09-09
1334 瀏覽
上次同夏總踢完早波（其實叫黃昏波），因為講咗返屋企食，未有一齊食晚飯，講話下次先再出約。趁住佢無奈地放大假，約出嚟食餐晚飯。疫情前，佢每年都會去一次日本，年幾無出門，所以，就揀咗食拉麵。地點，都喺油尖旺方便大家啦，最後選上「阿久根」，因為湯底唔喺得個豬骨湯，有其他特色湯底。 門面唔喺好大，細細間咁，有啲隱世拉麵小店咁款，而未入去，先吸引到眼球喺鋪門旁嘅後巷閘門，因為掛滿晌日本啲神社一定見到嘅許願牌，頗有「地道」風情。老友講笑咁講，尋回少少旅日回憶。當踏入餐廳，都如預期般小店環境，地方細細，雖然如此，但就好自然有一種「拉麵」鋪嘅格局，大抵因為有好多單向嘅面壁位，而牆上又貼上唔少跟日本相關嘅懷舊海報或布幡。全場都喺高腳枱櫈，枱下有啲掛勾勾吓袋，我哋仲坐晌對住廚房位，可以睇到師傅整麵。 枱上放有水杯、筷子、紙巾、各種調味料、消毒啫喱，自由取用，俗啲講就喺自己顧自己，其實咁仲好。 講到拉麵，一般日式拉麵店都做得好專，選擇唔會太多，不過，「阿久根」就有少少唔同，湯底都有幾款：濃蝦湯（唔喺龍蝦湯）、雞白湯、香蔥醬油湯，而主食材可揀招牌嘅A4和牛，仲有牛肩胛、安格斯牛小排、香煎虎蝦、炙燒豚肉、宮崎煙
門面唔喺好大，細細間咁，有啲隱世拉麵小店咁款，而未入去，先吸引到眼球喺鋪門旁嘅後巷閘門，因為掛滿晌日本啲神社一定見到嘅許願牌，頗有「地道」風情。老友講笑咁講，尋回少少旅日回憶。
當踏入餐廳，都如預期般小店環境，地方細細，雖然如此，但就好自然有一種「拉麵」鋪嘅格局，大抵因為有好多單向嘅面壁位，而牆上又貼上唔少跟日本相關嘅懷舊海報或布幡。全場都喺高腳枱櫈，枱下有啲掛勾勾吓袋，我哋仲坐晌對住廚房位，可以睇到師傅整麵。
枱上放有水杯、筷子、紙巾、各種調味料、消毒啫喱，自由取用，俗啲講就喺自己顧自己，其實咁仲好。
講到拉麵，一般日式拉麵店都做得好專，選擇唔會太多，不過，「阿久根」就有少少唔同，湯底都有幾款：濃蝦湯（唔喺龍蝦湯）、雞白湯、香蔥醬油湯，而主食材可揀招牌嘅A4和牛，仲有牛肩胛、安格斯牛小排、香煎虎蝦、炙燒豚肉、宮崎煙肉、薩摩雞……等等，都幾有亮點。除湯麵，亦提供沾麵，當然，唔少得好幾款日式小食，有啲仲幾有賣點添，整體定價亦跟大部份拉麵店差唔多！
可樂、忌廉 @$15真喺潛規則，食拉麵配汽水，好似特別有感，就好似炸髀配豆冰，不期然走埋一齊。晌度飲罐汽水喺唔抵架喇，但食住熱辣辣嘅麵條，再飲啖冰凍嘅汽水，再「碳」一口氣，嗰種就喺感覺，特別爽。
沖繩苦瓜餃子 $48普遍嘅人都唔多鍾意食苦瓜，但老友算喺少數嘅例外，所以，見有款咁特別嘅苦瓜餃子，真喺無理由唔錯試。餃子煎得好香，脆底，咬落去皮薄有肉汁，啲豬肉搓得夠鬆化，慢慢滲出甘苦味。
牛肩胛肉香蔥醬油湯拉麵 $98賣相真喺幾靚仔，牛肩胛肉一片片扇形咁排好，而且，都有幾多塊，仲伴埋溏心蛋、紫菜、蔥花、木耳，老友唔食筍，話毒喎，所以走筍乾。望上去大大碗，底下嘅麵條確喺幾多。講番啲牛肩胛肉，唔算話超嫩滑嗰種，但好軟腍，而且，極具肉香，香蔥醬油湯亦都好香，濃而不濁，配拉麵好好食。
牛肩胛肉香蔥醬油湯拉麵
$98
22 瀏覽
0 讚好
0 留言
食日式拉麵，印象中，小弟好似未試過配海鮮，仲要喺虎蝦，當然好有興趣試呢個啦，配上蝦湯，未食都覺得喺完美組合。雖然得一隻虎蝦，但件頭非常大，令到整體都好有睇頭，加上伴有溏心蛋、紫菜、蔥花、木耳、筍乾，其實非常豐富。
香煎虎蝦濃蝦湯拉麵
$98
64 瀏覽
0 讚好
0 留言
而虎蝦鎅晒花，煎得香口，雖未至於超彈牙，但都好食，而溏心蛋睇都睇得出做得有水準，蛋黃綿香。
麵條就彈牙而帶點韌性，且幾耐浸，食到尾都口感一致，唔會腍晒，絕對喺水準之作。
雖然，鋪仔細細，但食得出用心製作，我哋所試嘅兩款湯底，都用料十足無欺場，連餸連麵，整碗拉麵夠晒斤兩，值得推介。
張貼
