影片
更多
2009-07-01
36 瀏覽
星期六冇野做全家總動員去左接小雞放工，點知人地一D都唔領情。繼上一次去左生昌，今次又決定去西環的德記繼續我地的「潮聖」之旅。由金鐘慢慢坐叮叮落去西環，很優哉遊哉呢。德記以前就係隔離街，個招牌仲大大個未拆的。新舖就係西寶城的對面，環境完全違反左一般潮州餐廳，好光鮮好乾淨。因為當晚落雨，知客們係會叫D客人套上個遮套，以免個地下太濕。入面不但乾淨，所有野都睇落好新，又夠光猛，似係D連鎖酒樓既格局多D。小雞聽聞依度既蠔餅同川椒雞都好食，於是叫左。四個人再叫左三個餸︰潮州炒魚麵、欖菜肉碎爽炒涼瓜同鹵鵝片。川椒雞係非常出色的一味。雞肉嫩滑，有微微的黑椒味又炒得香。好多地方的川椒雞往往都炒得好油，川椒葉係更加一口咬落去都油都「必」晒出來，都依冇咁既情況。蠔餅又係冇介紹錯，一客有厚厚的兩大塊。厚厚的又炸得非常鬆脆，蠔仔又多又鮮甜。小弟鐘意較厚的，所以食到停唔到。鵝片都幾好食，並唔係食友們講到咁鞋口，幾入味，不錯的。但係最後的兩個餸就較失色了。潮州炒魚麵基本上係切麵條狀的魚片頭拎去同韭菜芽菜等等炒，魚麵談不上彈牙，而且整碟野好淡口，一D味都冇。欖菜肉碎爽炒涼瓜的涼瓜的確幾爽口但苦到不行，欖菜睇落好多但唔
德記以前就係隔離街，個招牌仲大大個未拆的。新舖就係西寶城的對面，環境完全違反左一般潮州餐廳，好光鮮好乾淨。因為當晚落雨，知客們係會叫D客人套上個遮套，以免個地下太濕。入面不但乾淨，所有野都睇落好新，又夠光猛，似係D連鎖酒樓既格局多D。
小雞聽聞依度既蠔餅同川椒雞都好食，於是叫左。四個人再叫左三個餸︰潮州炒魚麵、欖菜肉碎爽炒涼瓜同鹵鵝片。
川椒雞係非常出色的一味。雞肉嫩滑，有微微的黑椒味又炒得香。好多地方的川椒雞往往都炒得好油，川椒葉係更加一口咬落去都油都「必」晒出來，都依冇咁既情況。蠔餅又係冇介紹錯，一客有厚厚的兩大塊。厚厚的又炸得非常鬆脆，蠔仔又多又鮮甜。小弟鐘意較厚的，所以食到停唔到。
鵝片都幾好食，並唔係食友們講到咁鞋口，幾入味，不錯的。但係最後的兩個餸就較失色了。潮州炒魚麵基本上係切麵條狀的魚片頭拎去同韭菜芽菜等等炒，魚麵談不上彈牙，而且整碟野好淡口，一D味都冇。欖菜肉碎爽炒涼瓜的涼瓜的確幾爽口但苦到不行，欖菜睇落好多但唔香，亦都蓋不過苦味。鍋氣是有的，但材料唔好都冇咩用，本來仲期待著用欖菜肉碎送粥呢。
除左餸菜之外，依度的粥飯都好好食，我地四個人叫左五個餸（不過依度D餸除左個蠔餅外唔算太大碟），但都食左兩碗飯四碗粥。雖然仍有改善空間，但算係各方面都做得幾好的潮州菜館，只係對我來說唔方便去D。
張貼
