影片
港鐵香港大學站 C2 出口, 步行約2分鐘; 公共巴士:5,10,101,104(西寶城站) 5B(中遠酒店站)
繼續閱讀
電話號碼
28195568
獎項殊榮
美食之最大賞 (2014), 米芝蓮必比登推介 (2023-2024)
特色
適合大夥人
營業時間
今日營業
11:00 - 22:00
星期一
全日休息
星期二至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
相關文章
家人一向鍾意食潮州菜，但係潮州菜好多時食飯份量都好大，我哋人唔多，每次都唔係試到好多嘢。平時去西環食潮州菜，都係食尚興，原來已經結業😟，於是就試下哩間。好在預先電話book位，餐廳好繁忙，無訂位的話，就要等。到達嗰陣，大約係7:15左右，已經滿座😯餐廳唔難搵，喺地鐵出口隔離，好方便。鵝肉片雜錦 (例牌) ($178)食潮州菜一定會叫一份雜錦滷水拼盤。貪佢咩都有啲，而且通常有齊想食嘅嘢😛除咗鵝片，底仲有紅腸同豆腐。好入味，又唔會太咸。鵝片厚肉，唔會太肥，肉質好淋。脆皮糯米釀大腸 ($108)炸大腸以前細個食得多，但係釀大腸就第一次食，原來係傳統潮州小食。將糯米、蝦米、花生釀入大腸，然後拎去炸，炸到外皮脆口。印象中嘅炸大腸係係好香口，但一食落去就成口油。哩個同樣係炸大腸，但食落一啲都唔油膩，似係煎多過炸。中間嘅糯米都煮得好香，調味岩岩好，食唔停口。蠔餅（一片） ($68)蠔餅都係必食嘅潮州菜式之一。蠔餅可以叫一片，每片有成1.5隻手掌咁大，3個人分夠哂食。蠔餅煎得好香，最緊要係唔油，乾身脆口。啖啖都食到蠔，好足料。蠔仔粥 (一碗) ($58)食潮州菜，點可以唔係蠔仔粥😆我哋叫一碗3個人分，每人都食到一碗半。每人食少少，個肚就可以留多啲空間食其他嘢🤪蠔仔粒粒飽滿，唔錯。白飯魚煎蛋 ($118)最後，叫咗個看似簡單但多功夫嘅家常小菜，白飯魚煎蛋。白飯魚隻隻都好大條，又厚身。而且魚嘅份量好多，同樣足料。蛋好乾身，唔油，好好食。清心丸綠荳爽 ($68)甜品有幾款傳統潮州甜品可以揀，有反沙芋、羔燒四寶 (蕃薯、芋頭、銀杏、湯丸)、羔燒銀杏湯丸同綠荳爽。每樣都想試，宜家唔係好多地方做🥹但係眼闊肚窄，只可以揀一款，最後揀咗清心丸綠荳爽。糖水有2-4位用、5-6位用、8-12位用。我哋3個人，叫最少份量，每人食到一碗半，份量唔多唔少，岩岩好。成個糖水好簡單，就只有清心丸 同 綠荳。糖水唔會好甜，清心丸煙韌，如果加埋馬蹄，口感應該會豐富啲。哩餐所有食物味道都好好，調味又唔會太重手。計哂茶錢加一，每人大約$240，價錢唔貴。每道菜都好足料，職員全部都好有禮貌。唯一就係餐廳好繁忙，所以環境比較嘈。餐廳逢星期一休息，想試的話，記得打電話訂位😊
繼續閱讀
小編今日來到西環一間潮州菜「德記潮州菜館」，由傳統的潮州家庭經營，為米芝蓮必比登美食推薦餐廳，餐廳主打傳統潮州菜，滷水大鵝肝、脆皮包括滷水鵝、凍魚、凍蟹、懷舊潮州菜式如脆皮糯米釀大腸、潮州兩面黃、馳名蠔仔餅，值得推介的傳統潮州菜館🙌🏻「滷水鵝肉配鵝腸」鵝肉油香肉嫩，靈魂的滷水汁香濃而不膩，每片都有薄薄的一層皮下脂肪，口感豐腴卻不會太肥膩，每塊都啖啖肉✨ 鵝腸爽口彈牙，味道不燥，配搭酸爽的白醋，配菜豆腐豆香濃郁，必食推介🧡「脆皮糯米釀大腸」金黃色的大腸，泡在滾油中收得很結實，濃濃的糯米香混着腸肉的香味，脆皮豬大腸，帶煙煙韌韌的口感，加上香香的糯米，糯米飯內有蝦米🦐、栗子🌰、臘腸等材料，蘸酸甜醬吃更滋味，撞推介懷舊菜之一🙌🏻「黃金墨魚卷拼蝦棗」製作蝦棗的工序堅持傳統做法，加入馬蹄、芹菜和韭黃等配料，滋味鮮美，吃到正宗潮州味道，墨魚膠爽口彈牙，味道不錯🦑「糖醋兩面黃」必用潮州伊麵，即用鴨蛋配雞蛋做的麵，呈橙色的，蛋味濃香，將麵的兩面煎得金黃，故稱兩面黃🧡 表層酥脆而內層仍是濕嫩，蘸上白糖或者浙醋吃，是傳統潮州吃法✨🍽 ：滷水鵝肉配鵝腸；脆皮糯米釀大腸；黃金墨魚卷拼蝦棗；糖醋兩面黃👅好味指數：8.25/10；8.0/10；8.0/10；8.0/10💰消費：$208；$108；$128；$98📍 地址：德記潮州菜館，西環石塘咀卑路乍街3號益豐花園地舖
繼續閱讀
呢間餐廳，我最鍾意就係食佢嘅胡椒豬肚湯飯，佢嘅胡椒豬肚湯辣辣地，再加埋酸菜同埋豬肚嘅味道，非常啱我胃口。而且佢嘅價錢好抵，五十零蚊就可以喺大學站識個午餐，絕對超值。
繼續閱讀
行過見到中午都有羊腩煲食，即管試吓$238 但係一嚟到就見到好多大骨喺面頭，跟住搞吓😂羊腩位似樣的2-3件😥而且原全唔淋，失敗☹️沙嗲牛肉炒河，沙嗲味唔夠，河粉又唔滑no no no
繼續閱讀
今晚同朋友farewell ，好朋友要去英國定居，今晚3號風球很難找搵到餐廳，就到哩間米芝蓮，吃咗招牌鵝片、胡椒豬肚湯、炸九肚魚，還有好多好多菜色，非常滿意👍👌
繼續閱讀