影片
更多
2020-09-24
1095 瀏覽
自從買咗呢件衫，陳先生就成日女僕女僕咁叫我，特別係昨晚晚餐🙃...家陣興娃娃領，Fusion嘅嘢，佢絕對識條鐵！😒言歸正傳，最近我都有周圍試新黃店～尋晚就去咗竹青亭！呢間係太子著名黃店青花亭嘅姊妹店，疫市開店咁勇，當然要支持下！▲中西混搭嘅設計，竹青亭環境幾特別。▲金屬框架、綠SOFA、幾何地磚，帶美式老酒館感覺。▲青花亭個環境，比我個feel係中式＋希臘風情；竹青亭個環境，則係中式＋英式老酒館格調吧！店內有由本地畫家Carol Mui繪畫嘅壁畫，竹紋木屬邊框、吊燈、雲石餐桌及幾何圖案地板等裝修，細節滿滿，好啱影相打卡。另外，店名竹青亭除咗有「竹性直，直以立身」嘅意念，亦有「竹報平安，青金開運嘅意思，店主表示，取其諧音 ，寄望年「青」人，真係平平安安。講返竹青亭有咩食～其實呢度餐單真係好搞笑，菜名加好多潮語元素，呢點同青花亭一樣！好似「食羊柳 養番狗」、「阿梅進來了」、「人生總會遇上幾粒山楂」 、「茉莉很清楚收兵好過嫁人」... 要估估下先知係咩，超搞笑！不過，有啲菜真係get唔到係咩，唯有睇英文～建議Menu有埋圖就更好啦～唔洗下下問店員～今次我係晚餐時間嚟，我哋就簡單點咗個
言歸正傳，最近我都有周圍試新黃店～尋晚就去咗竹青亭！呢間係太子著名黃店青花亭嘅姊妹店，疫市開店咁勇，當然要支持下！
▲中西混搭嘅設計，竹青亭環境幾特別。
▲金屬框架、綠SOFA、幾何地磚，帶美式老酒館感覺。
▲青花亭個環境，比我個feel係中式＋希臘風情；竹青亭個環境，則係中式＋英式老酒館格調吧！
店內有由本地畫家Carol Mui繪畫嘅壁畫，竹紋木屬邊框、吊燈、雲石餐桌及幾何圖案地板等裝修，細節滿滿，好啱影相打卡。另外，店名竹青亭除咗有「竹性直，直以立身」嘅意念，亦有「竹報平安，青金開運嘅意思，店主表示，取其諧音 ，寄望年「青」人，真係平平安安。
講返竹青亭有咩食～其實呢度餐單真係好搞笑，菜名加好多潮語元素，呢點同青花亭一樣！好似「食羊柳 養番狗」、「阿梅進來了」、「人生總會遇上幾粒山楂」 、「茉莉很清楚收兵好過嫁人」... 要估估下先知係咩，超搞笑！不過，有啲菜真係get唔到係咩，唯有睇英文～建議Menu有埋圖就更好啦～唔洗下下問店員～
今次我係晚餐時間嚟，我哋就簡單點咗個二人套餐～說實話，500幾蚊，1個前菜，2個主食，2杯特飲，湯/甜品要另加錢，睇上去確實唔算抵。然而，食過後，菜式確係幾有創意，食材亦用靚料，最後結論係，味道都對得住個價錢。另外，店員親切態度亦令我印象難忘。好樂意介紹菜單，多次要求拍照（我認我麻鬼煩），總係好有耐心幫忙，真係好好人，抵讚！二人晚餐 HK$554（1個前菜，2個主食，2杯特飲），為方便大家睇，以下菜單撰寫嘅係散叫價。
真天真 玻璃心 芝士凱撒怎麼區分
$86
48 瀏覽
0 讚好
0 留言
呢款凱撒沙律味道正常，比較得意係上面塊卜卜薄脆芝士，啪碎佢放上沙律，鹹鹹香香，作為前菜都幾開胃。
京蔥芝士焗扇貝 紅花忌廉燴意大利飯
$168
21 瀏覽
0 讚好
0 留言
▲扇貝相當厚肉，食上口好滑身爽口，食得出靚料。✦京蔥芝士焗扇貝 紅花忌廉燴意大利飯
呢個Risotto我相當滿意！首先係扇貝真係好大隻厚肉，柱肉滑身爽口，橙色裙邊，肥美且膏味濃郁，質量真係無得頂！
至於飯方面，我拍照都用咗好多時間，但食時飯無黏埋一舊，一般嚟講，放耐咗嘅Risotto嘅質感一定差好多，但呢度食到嘅仍粒粒飽滿分明，似乎師傅喺忌廉及飯嘅比例上，落咗唔少心思。
至於味道，我覺得佢哋煮出嚟嘅番紅花汁，味道有少少似龍蝦汁，但相對嚟講，不帶海鮮腥味，仲有少少清新感，食上口無傳統Risotto食到咁膩，整體幾好！
粉紅西冷牛 可遇紅菜頭
$298
46 瀏覽
0 讚好
0 留言
▲切開中間係漂就嘅粉紅色。✦粉紅西冷牛 可遇紅菜頭
呢塊西冷係美國黑毛牛，味道自然無得輸！肉味濃郁，無根，同埋好Juicy！點少少紅菜頭薯蓉及芥末牛肉濃汁，成件事好惹味！
唯獨係order呢個牛時，店員無問我要幾熟（我都係為意要求...）
然後，上枱切開，發現係8成熟，嗰下睇見有少少傷心，我食開5成熟，感覺有啲浪費呢！
恭祝你福壽扑穿個... 包？！
$88
35 瀏覽
0 讚好
0 留言
▲敲碎係咁…中間空心，令男朋友有啲失望（笑）。✦恭祝你福壽扑穿個... 包？！
呢款甜品係我單點嘅，外觀係一個吸睛嘅壽桃朱古力！敲開後，則係梨肉，啫喱及忌廉底～食上口有啲似白金莎，口感係幾豐富。Btw，初初敲開，我以為係有雪糕填滿整個桃殼～陳先生係雪糕控表示：如果中間不要咁多空殼位，佢會開心啲～
堅過石堅 蘋果批
$56
7 瀏覽
0 讚好
0 留言
呢杯就樣靚、顏值高～用整蘋果批嘅經典組合，青蘋果肉＋肉桂整成沙冰，口感真係好得意！
坦白說，第一下飲陣味幾似麥x勞嘅蘋果批，整成沙冰咁食幾過癮。
人生總會遇上幾粒山楂
$54
11 瀏覽
0 讚好
0 留言
呢款特飲係山楂＋荔枝＋Soda嘅組合，又係清甜嘅組合。山楂嘅微酸令荔枝汁嘅味道更有層次，有埋氣泡Soda，同樣係好爽口，我都幾鍾意。
你不過係一塊綠葉
$45
16 瀏覽
0 讚好
0 留言
呢款係抹茶＋檸檬+Soda嘅組合，坦白講，我真係無諗過抹茶係可以溝檸檬！
飲落其實幾得意，情況就好似檸檬茶咁，只係隻茶換咗較濃郁嘅抹茶咁解，味道實際唔差！
店家另加咗Sada，飲時有啲泡泡，幾爽口～我覺得呢款有啲驚喜
掂過碌蔗你話呢？
$45
12 瀏覽
0 讚好
0 留言
蔗汁＋烏龍＋芝士奶蓋，甜，但絕不膩！
蔗汁本身就夠清甜，濃烏龍茶，甘甘香香，係幾好ge！BTW，勁鍾意佢哋個奶蓋，好creamy，撞埋個組合幾得意，幾好。
張貼
