翡翠拉麵小籠包

營業中

休息中

「老友聖誕狂歡聚」系列之西式節日食中餐。今日休假同老友出黎放飛自我，突然口痕唔想食西餐，咁就食大家都好既上海菜啦。因為係平日，所以一去到就有位唔使等，入面仲人唔多好清靜。用QR code 落單後，好快就上菜。今期熱賣蟹類主題既菜式，就試吓蟹粉小籠包，好夠熱同多湯汁，汁多到一咬就爆汁，噴到枱中間… 小籠包味道鮮甜又夠蟹味，值得推介。四喜窩芙同甜酸青瓜呢兩度冷盤好開胃。糖醋魚塊炸得夠脆，魚肉夠厚實，酸甜度適中，真係好正！桂花酒釀小丸子清甜唔膩，可以一人食兩位都得。炸銀絲卷炸得好脆，本身帶少少甜，加煉奶後既配搭真係食唔停口。